1. ‘ಸೂಪರ್ ಸಾಹಿತಿ ಅವಾರ್ಡ್ಸ್ 6’ ಧಾರಾವಾಹಿ ರಚನಾ ಸ್ಪರ್ಧೆಯ ಫಲಿತಾಂಶ
2. 'ಸೂಪರ್ ಸಾಹಿತಿ ಅವಾರ್ಡ್ಸ್ 6' ಸ್ಪರ್ಧೆಯಲ್ಲಿ 80+ ಅಧ್ಯಾಯಗಳ ಧಾರಾವಾಹಿ ರಚಿಸಿದವರ ವಿವರ  
3. ‘ಸೂಪರ್ ಸಾಹಿತಿ ಅವಾರ್ಡ್ಸ್- 6’ ಸ್ಪರ್ಧೆಯ ಪ್ರತಿಭಾವಂತ ಉದಯೋನ್ಮುಖ ಲೇಖಕರ ವಿವರ 
4. ‘ಶ್ರೀಮತಿ ಎಚ್. ಜಿ. ರಾಧಾದೇವಿ ಸ್ಮರಣ ಪುರಸ್ಕಾರ’ - ವಿಜೇತರ ವಿವರ

 

ಆತ್ಮೀಯ ಸಾಹಿತಿಗಳೇ,
ಪ್ರತಿಲಿಪಿ ಸೂಪರ್ ಸಾಹಿತಿ ಅವಾರ್ಡ್ಸ್ ಸ್ಪರ್ಧೆಯ 6 ನೇ ಆವೃತ್ತಿಗೆ ಸ್ವಾಗತ!

 

ದೇಶದ ಪ್ರತಿಭಾವಂತ ಬರಹಗಾರರನ್ನು ಹುಡುಕಲು, ಅವರ ಪ್ರತಿಭೆಯನ್ನು ಗುರುತಿಸಲು, ಪುರಸ್ಕರಿಸಲು; ಪ್ರತಿಲಿಪಿ ಸೂಪರ್ ಸಾಹಿತಿ ಅವಾರ್ಡ್ಸ್ ಸ್ಪರ್ಧೆಯ 6 ನೇ ಆವೃತ್ತಿಯನ್ನು ಆಯೋಜಿಸಿದೆ. ಇದು ಭಾರತದ ಅತ್ಯಂತ ಜನಪ್ರಿಯ ಆನ್ಲೈನ್ ಸಾಹಿತ್ಯ ಸ್ಪರ್ಧೆಯಾಗಿದ್ದು, ದೇಶದಾದ್ಯಂತ 12 ಭಾಷೆಗಳಲ್ಲಿ ಬರಹಗಾರರು ಆಸಕ್ತಿಯಿಂದ ಭಾಗವಹಿಸುತ್ತಿದ್ದಾರೆ.

 

ಈ ಸ್ಪರ್ಧೆಯ ಮೂಲಕ ಉದಯೋನ್ಮುಖ ಬರಹಗಾರರು ಗುರುತಿಸಲ್ಪಡುತ್ತಿದ್ದಾರೆ. ಮತ್ತು ಅವರ ಕೃತಿಗಳು ಬೆಸ್ಟ್ ಸೆಲ್ಲರ್ ಪ್ರತಿಲಿಪಿ ಪ್ರೀಮಿಯಂ ಕೃತಿಗಳಾಗಿ, ಆಡಿಯೋ, ಕಾಮಿಕ್ಸ್ ಹಾಗೂ ಪುಸ್ತಕಗಳಾಗಿಯೂ ಪ್ರಕಟಗೊಳ್ಳುತ್ತಿವೆ. ಇಲ್ಲಿಯವರೆಗೆ ಲಕ್ಷಾಂತರ ಓದುಗರು ಆ ಕೃತಿಗಳನ್ನು ಓದಿ ಮೆಚ್ಚಿಕೊಂಡಿದ್ದಾರೆ. ನೀವೂ ಕೂಡ ವೈಶಿಷ್ಟ್ಯಪೂರ್ಣ ಕೃತಿಗಳನ್ನು ಸುಲಭವಾಗಿ ರಚಿಸುವ ಕಲೆಯನ್ನು ಹೊಂದಿರುವಿರಾ? ನವೀನ ಕಥಾವಸ್ತು, ಮನಮುಟ್ಟುವ ಕಥಾಹಂದರಗಳ ಮೂಲಕ ಜನಪ್ರಿಯ ಕೃತಿಗಳನ್ನು ರಚಿಸುವ ಕನಸು ಹೊಂದಿರುವಿರಾ? ಸಾಹಿತ್ಯ ಕ್ಷೇತ್ರದಲ್ಲಿ ನಿಮ್ಮದೇ ಛಾಪು ಮೂಡಿಸುವ ಇಚ್ಛೆ ಹೊಂದಿರುವಿರಾ? ಬರವಣಿಗೆಯ ಮೂಲಕ ಆದಾಯ ಗಳಿಸುವ ಬಯಕೆಯಿದೆಯೇ? ಹಾಗಾದರೆ ಪ್ರತಿಲಿಪಿ ನಿಮಗಾಗಿಯೇ ಅರಸುತ್ತಿದೆ!

 

ಹಿಂದಿನ ಆವೃತ್ತಿಗಳಲ್ಲಿ ಭಾಗವಹಿಸಿದ್ದ ಕೆಲವು ಸಾಹಿತಿಗಳ ಅನುಭವಗಳನ್ನು ಅವರದೇ ಮಾತಿನಲ್ಲಿ ಕೇಳಲು ಈ ಲಿಂಕ್ ಮೇಲೆ ಕ್ಲಿಕ್ ಮಾಡಿ.

 

***************************************

 

ಬಹುಮಾನಗಳ ವಿವರ

 

1. ತೀರ್ಪುಗಾರರ ಆಯ್ಕೆ

 

ಟಾಪ್ 10 ಕೃತಿಗಳು: ತಲಾ 4,000 ರೂಪಾಯಿಗಳ ನಗದು ಬಹುಮಾನ + ಆಕರ್ಷಕ ಚೌಕಟ್ಟಿನ ಭೌತಿಕ ಪ್ರಮಾಣಪತ್ರ

 

ನಮ್ಮ ಸಂಪಾದಕರ ಮತ್ತು ನಿರ್ಣಾಯಕರ ತಂಡವು ಈ ಕೆಳಗಿನ ಅಂಶಗಳ ಆಧಾರದ ಮೇಲೆ ಎಲ್ಲಾ ಕೃತಿಗಳನ್ನು ಕಟ್ಟುನಿಟ್ಟಾಗಿ ಪರಿಶೀಲಿಸಿ, ಟಾಪ್ 10 ಕೃತಿಗಳನ್ನು ಆಯ್ಕೆ ಮಾಡುತ್ತದೆ:
- ಸೃಜನಶೀಲತೆ, ವಿಭಿನ್ನ ಕಥಾಹಂದರ
- ಆರಂಭದಿಂದ ಕೊನೆಯವರೆಗಿನ ಕತೆಯ ಸಂಪೂರ್ಣ ಚಿತ್ರಣ
- ಪಾತ್ರ ಪೋಷಣೆ
- ಪರಿಕಲ್ಪನೆಯ ಗುಣಮಟ್ಟ ಮತ್ತು ನಿರೂಪಣಾ ಶೈಲಿ
- ಭಾಷೆ ಮತ್ತು ವ್ಯಾಕರಣದ ಗುಣಮಟ್ಟ

2. ಓದುಗರ ಆಯ್ಕೆ

 

ಟಾಪ್ 10 ಕೃತಿಗಳು: ತಲಾ 4,000 ರೂಪಾಯಿಗಳ ನಗದು ಬಹುಮಾನ + ಆಕರ್ಷಕ ಚೌಕಟ್ಟಿನ ಭೌತಿಕ ಪ್ರಮಾಣಪತ್ರ

 

ಸಲ್ಲಿಸಲ್ಪಡುವ ಎಲ್ಲಾ ಕೃತಿಗಳಲ್ಲಿ ಈ ಕೆಳಗಿನ ಅಂಶಗಳನ್ನು ಪರಿಗಣಿಸಿ, ಟಾಪ್ 10 ಕೃತಿಗಳನ್ನು ಆಯ್ಕೆ ಮಾಡಲಾಗುತ್ತದೆ:
- ಆಯಾ ಬರಹಗಾರರ ಹಿಂಬಾಲಕರ ಸಂಖ್ಯೆಗೆ ಹೋಲಿಸಿದರೆ ಆ ಕೃತಿಯ ಓದಿನ ಸಂಖ್ಯೆ
- ಹೆಚ್ಚು ಚರ್ಚಿಸಲ್ಪಡುವ ಕೃತಿ, ಅಂದರೆ ಆರಂಭದಿಂದ ಅಂತ್ಯದವರೆಗೆ ಓದಿದವರ ಶೇಕಡಾವಾರು ಸಂಖ್ಯೆ

3. ಖಚಿತ ಬಹುಮಾನ - 80 ಅಧ್ಯಾಯಗಳ ಸವಾಲು

 

ಪ್ರತಿಲಿಪಿ ಕಡೆಯಿಂದ ಪ್ರತಿಷ್ಠಿತ ರಾಜಪತ್ರ ಗೆಲ್ಲುವ ಅವಕಾಶ.

 

ಸ್ಪರ್ಧೆಯ ಎಲ್ಲಾ ನಿಯಮಗಳನ್ನು ಪಾಲಿಸಿ ಕನಿಷ್ಠ 80 ಅಧ್ಯಾಯಗಳ ಧಾರಾವಾಹಿ ರಚಿಸುವ ಬರಹಗಾರರಿಗೆ ಪ್ರತಿಲಿಪಿ ಕಡೆಯಿಂದ ಪ್ರತಿಷ್ಠಿತ ‘ರಾಜಪತ್ರ’ ನೀಡಿ ಗೌರವಿಸಲಾಗುವುದು. ಪ್ರತಿಲಿಪಿ ಕಡೆಯಿಂದ ಈ ವಿಶೇಷ ಪ್ರಶಸ್ತಿಯನ್ನು ನೀಡಿ ಪುರಸ್ಕರಿಸಲು ನಾವು ಹೆಮ್ಮೆ ಪಡುತ್ತೇವೆ. ಮತ್ತು ಪ್ರತಿಲಿಪಿ ಕುಟುಂಬದೊಂದಿಗೆ ನಿಮ್ಮ ಯಶಸ್ಸನ್ನು ವಿಶೇಷವಾಗಿ ಸಂಭ್ರಮಿಸುತ್ತೇವೆ!

 

4. ಪ್ರತಿಭಾವಂತ ಉದಯೋನ್ಮುಖ ಲೇಖಕ ಪ್ರಶಸ್ತಿ

 

ಪ್ರತಿಲಿಪಿಯ ತಮ್ಮ ಪ್ರೊಫೈಲ್’ನಲ್ಲಿ ಮೊದಲ ಬಾರಿಗೆ ಕನಿಷ್ಠ 60 ಅಧ್ಯಾಯಗಳ ಧಾರಾವಾಹಿ ರಚಿಸಿ ಪ್ರಕಟಿಸುವ ಎಲ್ಲಾ ಬರಹಗಾರರನ್ನು ಗುರುತಿಸಿ ಗೌರವಿಸಲಾಗುವುದು.

 

ಈ ಪ್ರತಿಭಾವಂತ ಬರಹಗಾರರು ವಿಶೇಷವಾಗಿ ಪ್ರತಿಲಿಪಿಯ ಸಂಪಾದಕೀಯ ಪ್ರತಿಯಲ್ಲಿ ಕಾಣಿಸಿಕೊಳ್ಳುತ್ತಾರೆ. ಆ ಬರಹಗಾರರ ಸಂದರ್ಶನವನ್ನು ಪ್ರತಿಲಿಪಿ ಕುಟುಂಬದೊಂದಿಗೆ ಹಂಚಿಕೊಳ್ಳಲಾಗುತ್ತದೆ. ಇದು ಕೇವಲ ಸಂದರ್ಶನ ಮಾತ್ರವಲ್ಲ, ನಿಮ್ಮ ಪರಿಚಯ, ಕಲ್ಪನಾ ಪ್ರಪಂಚ, ಸಾಹಿತ್ಯ ಪ್ರಯಾಣ ಎಲ್ಲವನ್ನೂ ಇತರರಿಗೆ ಪರಿಚಯಿಸಲಾಗುವುದು. ನಿಮ್ಮ ಭಾವಚಿತ್ರ, ಕತೆಯ ಸಾರಾಂಶ, ಪ್ರೊಫೈಲ್ ಪ್ರತಿಲಿಪಿಯ ಬಳಗದೊಂದಿಗೆ ಹಂಚಲ್ಪಡುತ್ತದೆ.

 

5. ಲೇಖಕಿ ಶ್ರೀಮತಿ ಎಚ್. ಜಿ ರಾಧಾದೇವಿ ಸ್ಮರಣ ಪುರಸ್ಕಾರ

 

ಕನ್ನಡದ ಖ್ಯಾತ ಕಾದಂಬರಿಕಾರ್ತಿ ಶ್ರೀಮತಿ ಎಚ್. ಜಿ. ರಾಧಾದೇವಿಯವರ ಸ್ಮರಣಾರ್ಥ ಅವರ ಪುತ್ರಿ ಶ್ರೀಮತಿ ಶ್ರೀಲಕ್ಷ್ಮಿ, ವೀಣಾ ನಾಯಕ್ ಮತ್ತು ಅವರ ಬಳಗದವರು ಸ್ಪರ್ಧೆಯ ಕೃತಿಗಳನ್ನು ಓದಿ ಕೆಳಗಿನ ಬಹುಮಾನಗಳನ್ನು ನೀಡುತ್ತಾರೆ:

 

ರಾಧಾದೇವಿಯವರ ಕುಟುಂಬದ ವತಿಯಿಂದ ಪ್ರಥಮ, ದ್ವಿತೀಯ ಮತ್ತು ತೃತೀಯ ಬಹುಮಾನಗಳಾಗಿ 5000/-, 2500/- ಮತ್ತು 2000/- ರೂಪಾಯಿಗಳ ನಗದು ಜೊತೆಗೆ ಆಕರ್ಷಕ ಪ್ರಮಾಣಪತ್ರ ಹಾಗೂ ತಲಾ 1000/- ರೂಪಾಯಿಗಳ ಐದು ಸಮಾಧಾನಕರ ಬಹುಮಾನಗಳು

 

***************************************

 

ಭಾಗವಹಿಸುವ ಎಲ್ಲಾ ಬರಹಗಾರರಿಗೆ ಸಿಗುವ ಪ್ರಯೋಜನಗಳು

 

1. ಸ್ಪರ್ಧೆಗೆ ಸಲ್ಲಿಸಲ್ಪಡುವ ಎಲ್ಲಾ ಕೃತಿಗಳು ನೇರವಾಗಿ ಓದುಗರ ನೆಚ್ಚಿನ ಪ್ರತಿಲಿಪಿ ಪ್ರೀಮಿಯಂಗೆ ಸೇರುತ್ತವೆ, ಆ ಮೂಲಕ ಪ್ರತಿ ತಿಂಗಳೂ ಆದಾಯ ಗಳಿಸುವ ಅವಕಾಶ.

2. ಭಾಗವಹಿಸುವ ಎಲ್ಲರಿಗೂ ಭಾಗವಹಿಸುವಿಕೆಯ ಡಿಜಿಟಲ್ ಪ್ರಮಾಣಪತ್ರವನ್ನು ಈಮೇಲ್ ಮೂಲಕ ಕಳುಹಿಸಲಾಗುವುದು.

3. ಮುಂದಿನ ದಿನಗಳಲ್ಲಿ ಪ್ರತಿಲಿಪಿ ಕಡೆಯಿಂದ ಉಚಿತ ಆನ್ಲೈನ್ ತರಬೇತಿಯನ್ನು ನೀಡಲಾಗುವುದು.

4. ಪ್ರತಿಲಿಪಿಯ ಲಕ್ಷಾಂತರ ಓದುಗರ ಮೆಚ್ಚುಗೆ ಮತ್ತು ಅಭಿಮಾನ ಗಳಿಸುವ ಅವಕಾಶ

 

***************************************

 

ಭಾಗವಹಿಸುವ ವಿಧಾನ

 

1. ಪ್ರತಿಲಿಪಿಯಲ್ಲಿ ತಮ್ಮ ಪ್ರೊಫೈಲ್ ಸುತ್ತ ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ ಬರಹಗಾರರು ಮಾತ್ರ ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು.

2. ಸ್ಪರ್ಧೆಗಾಗಿ ನಿಮ್ಮದೇ ಪ್ರೊಫೈಲ್'ನಲ್ಲಿ ಹೊಸ ಧಾರಾವಾಹಿಯನ್ನು ರಚಿಸಿ ಪ್ರಕಟಿಸಬೇಕು. ನಿಮ್ಮಿಷ್ಟದ ಯಾವುದೇ ವಿಷಯ, ಕಥಾಹಂದರದ ಮೇಲೆ ಧಾರಾವಾಹಿಗಳನ್ನು ರಚಿಸಬಹುದು.

3. ನಿಮ್ಮ ಧಾರಾವಾಹಿ ಕನಿಷ್ಠ 60 ಅಧ್ಯಾಯಗಳನ್ನು ಹೊಂದಿರಬೇಕು. ಸ್ಪರ್ಧೆಯ ಮುಕ್ತಾಯದ ದಿನಾಂಕದೊಳಗೆ ನಿಮ್ಮ ಧಾರಾವಾಹಿ ಪೂರ್ಣಗೊಂಡಿರಬೇಕು; ಅಪೂರ್ಣ ಕೃತಿಗಳನ್ನು ಸ್ಪರ್ಧೆಗೆ ಪರಿಗಣಿಸಲಾಗುವುದಿಲ್ಲ.

4. ನಿಮ್ಮ ಧಾರಾವಾಹಿ ಕಡ್ಡಾಯವಾಗಿ ವಿಧ- ‘ಕಥೆ’ ಮತ್ತು ‘ಸೂಪರ್ ಸಾಹಿತಿ- 6’ ಪ್ರಭೇದದಡಿಯಲ್ಲಿ ಪ್ರಕಟಗೊಳ್ಳಬೇಕು.

5. ನಿಮ್ಮ ಧಾರಾವಾಹಿಯನ್ನು ಕಡ್ಡಾಯವಾಗಿ ಪ್ರೀಮಿಯಂ ಸಬ್ಸ್ಕ್ರಿಪ್ಷನ್ ಅಡಿಯಲ್ಲಿ ದಾಖಲಿಸಬೇಕು.

6. ಧಾರಾವಾಹಿಯ ಪ್ರತಿ ಅಧ್ಯಾಯ ಕನಿಷ್ಠ 1000 ಪದಗಳನ್ನು ಹೊಂದಿರಬೇಕು, ಗರಿಷ್ಠ ಮಿತಿಯಿಲ್ಲ.

7. ಒಂದು ದಿನಕ್ಕೆ ನಿಮ್ಮ ಧಾರಾವಾಹಿಯ ಒಂದಕ್ಕಿಂತ ಹೆಚ್ಚು ಅಧ್ಯಾಯಗಳನ್ನು ಪ್ರಕಟಿಸಬಹುದು.

 

ಪ್ರಮುಖ ಟಿಪ್ಪಣಿ: ನೀವು ಹೊಸ ಧಾರಾವಾಹಿಯನ್ನು ರಚಿಸುವಾಗ ಮೊದಲ 15 ಅಧ್ಯಾಯಗಳು ಸಬ್ಸ್ಕ್ರಿಪ್ಷನ್ ಅಡಿಯಲ್ಲಿ ದಾಖಲಿಸಲ್ಪಡುವುದಿಲ್ಲ ಅಂದರೆ ಲಾಕ್ ಆಗುವುದಿಲ್ಲ. 16 ನೆಯ ಅಧ್ಯಾಯ ಪ್ರಕಟಗೊಂಡಾಗ ನಿಮ್ಮ ಧಾರಾವಾಹಿ ಸ್ವಯಂಚಾಲಿತವಾಗಿ ಪ್ರೀಮಿಯಂ ಸಬ್ಸ್ಕ್ರಿಪ್ಷನ್ ಅಡಿಯಲ್ಲಿ ದಾಖಲಿಸಲ್ಪಡುತ್ತದೆ. ಮೊದಲ 15 ಅಧ್ಯಾಯಗಳು ಪ್ರಕಟಗೊಂಡಾಗ ಸಬ್ಸ್ಕ್ರಿಪ್ಷನ್ ಅಡಿಯಲ್ಲಿ ದಾಖಲಿಸುವ ಆಯ್ಕೆ ನಿಮಗೆ ಕಾಣಿಸುವುದಿಲ್ಲ. 16 ನೆಯ ಅಧ್ಯಾಯದ ನಂತರ ನಿಮಗೆ ಸಬ್ಸ್ಕ್ರಿಪ್ಷನ್ ಅಡಿಯಲ್ಲಿ ದಾಖಲಿಸುವ ಆಯ್ಕೆ ಕಾಣಿಸುತ್ತದೆ. 16 ನೆಯ ಅಧ್ಯಾಯದಿಂದ ಎಲ್ಲಾ ಅಧ್ಯಾಯಗಳು ಲಾಕ್ ಆಗಲ್ಪಡುತ್ತವೆ ಮತ್ತು ಶಾಶ್ವತವಾಗಿ ಪ್ರತಿಲಿಪಿ ಪ್ರೀಮಿಯಂಗೆ ಸೇರ್ಪಡೆಯಾಗುತ್ತವೆ. ಪ್ರೀಮಿಯಂ ಚಂದಾದಾರಿಕೆ, ನಾಣ್ಯಗಳನ್ನು ನೀಡುವಿಕೆ ಅಥವಾ ಮರುದಿನದವರೆಗೆ ಕಾಯುವುದರ ಮೂಲಕ ಓದುಗರು ನಿಮ್ಮ ಧಾರಾವಾಹಿಯ ಅಧ್ಯಾಯಗಳನ್ನು ಅನ್ಲಾಕ್ ಮಾಡಲು ಸಾಧ್ಯವಾಗುತ್ತದೆ.

***************************************

ಪ್ರಮುಖ ದಿನಾಂಕಗಳು

 

1. ಸ್ಪರ್ಧೆಯ ಪ್ರಾರಂಭದ ದಿನಾಂಕ: 10 ಆಗಸ್ಟ್, 2023

2. ಸ್ಪರ್ಧೆಯ ಮುಕ್ತಾಯದ ದಿನಾಂಕ: 25 ಡಿಸೆಂಬರ್, 2023

3. ಫಲಿತಾಂಶ ಘೋಷಣೆಯ ದಿನಾಂಕ: 25 ಫೆಬ್ರವರಿ, 2024

 

***************************************

ಯಾವುದೇ ಸಮಸ್ಯೆಗಳು, ಅನುಮಾನಗಳು ಅಥವಾ ಪ್ರಶ್ನೆಗಳನ್ನು ಹೊಂದಿದ್ದೀರಾ?

 

events@pratilipi.com ಗೆ ಮೇಲ್ ಕಳುಹಿಸುವುದರ ಮೂಲಕ ನಿಮ್ಮ ಪ್ರಶ್ನೆ/ಸಮಸ್ಯೆಗಳನ್ನು ನಮಗೆ ತಿಳಿಸಿ. ನಮ್ಮ ತಂಡವು ಸಾಧ್ಯವಾದಷ್ಟು ಬೇಗ ಪ್ರತಿಕ್ರಿಯಿಸುವುದರ ಮೂಲಕ ನಿಮಗೆ ಸಹಾಯ ಮಾಡುತ್ತದೆ!

 

ಪ್ರತಿಲಿಪಿ ದಿನವೂ ಸಾವಿರಾರು ಬರಹಗಾರರ ಕೃತಿಗಳ, ಕನಸುಗಳ ಸಾಕಾರಕ್ಕಾಗಿ ಶ್ರಮಿಸುತ್ತಿದೆ. ಸೃಜನಶೀಲ ಸಾಹಿತ್ಯ ಮತ್ತು ಪ್ರತಿಭೆಯ ಮೂಲಕ ಸಾಹಿತ್ಯ ಲೋಕದಲ್ಲಿ ನಿಮ್ಮದೇ ಛಾಪು ಮೂಡಿಸುವ ನಿಮ್ಮ ಕನಸನ್ನು ನನಸಾಗಿಸಲು ನಾವು ಬಯಸುತ್ತೇವೆ. ಈ ಸ್ಪರ್ಧೆಯಲ್ಲಿ ಭಾಗವಹಿಸಿ ನಿಮ್ಮ ಕನಸುಗಳಿಗೆ ಬಣ್ಣ ನೀಡಿ, ಬೆಸ್ಟ್ ಸೆಲ್ಲರ್ ಬರಹಗಾರರಾಗಿ ಹೊರಹೊಮ್ಮಿ!

ಶುಭವಾಗಲಿ!