ಪ್ರತಿಲಿಪಿ
ಸೂಪರ್ ಸಾಹಿತಿ ಅವಾರ್ಡ್ಸ್ : ಸೂಪರ್ 7 ಸೀಸನ್ ಸ್ಪರ್ಧೆಯ ಫಲಿತಾಂಶ
ಸೂಪರ್ ಸಾಹಿತಿ ಅವಾರ್ಡ್ಸ್ : ಸೂಪರ್ 7 ಸೀಸನ್
ಪ್ರತಿಲಿಪಿಯಲ್ಲಿ ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ ಬರಹಗಾರರಿಗಾಗಿ ರಾಷ್ಟ್ರಮಟ್ಟದ ಆನ್ಲೈನ್ ಧಾರಾವಾಹಿ ರಚನಾ ಸ್ಪರ್ಧೆ
___________________________
ಆತ್ಮೀಯ ಸಾಹಿತ್ಯಾಭಿಮಾನಿಗಳೇ,
ಪ್ರತಿಲಿಪಿ ‘ಸೂಪರ್ ಸಾಹಿತಿ ಅವಾರ್ಡ್ಸ್’ ಸ್ಪರ್ಧೆಯ 7 ನೇ ಆವೃತ್ತಿಯನ್ನು ಆಯೋಜಿಸಿದೆ. ಇದು ಭಾರತದ ಅತ್ಯಂತ ಜನಪ್ರಿಯ ಆನ್ಲೈನ್ ಸಾಹಿತ್ಯ ಸ್ಪರ್ಧೆಯಾಗಿದ್ದು, ದೇಶದಾದ್ಯಂತ 12 ಭಾಷೆಗಳಲ್ಲಿ ಬರಹಗಾರರು ಆಸಕ್ತಿಯಿಂದ ಭಾಗವಹಿಸುತ್ತಿದ್ದಾರೆ. ಈ ಸ್ಪರ್ಧೆಯ ಮೂಲಕ ಅನೇಕ ಉತ್ತಮ ಧಾರಾವಾಹಿಗಳು ಪ್ರಕಟಗೊಂಡಿವೆ. ಇಲ್ಲಿಯವರೆಗೆ ಲಕ್ಷಾಂತರ ಓದುಗರು ಆ ಕೃತಿಗಳನ್ನು ಓದಿ ಮೆಚ್ಚಿಕೊಂಡಿದ್ದಾರೆ. ನೀವೂ ಕೂಡ ವೈಶಿಷ್ಟ್ಯಪೂರ್ಣ ಕೃತಿಗಳನ್ನು ಸುಲಭವಾಗಿ ರಚಿಸುವ ಕಲೆಯನ್ನು ಹೊಂದಿರುವಿರಾ? ನವೀನ ಕಥಾವಸ್ತು, ಮನಮುಟ್ಟುವ ಕಥಾಹಂದರಗಳ ಮೂಲಕ ಜನಪ್ರಿಯ ಕೃತಿಗಳನ್ನು ರಚಿಸುವ ಕನಸು ಹೊಂದಿರುವಿರಾ? ಸಾಹಿತ್ಯ ಕ್ಷೇತ್ರದಲ್ಲಿ ನಿಮ್ಮದೇ ಛಾಪು ಮೂಡಿಸುವ ಇಚ್ಛೆ ಹೊಂದಿರುವಿರಾ? ಬರವಣಿಗೆಯ ಮೂಲಕ ಆದಾಯ ಗಳಿಸುವ ಬಯಕೆಯಿದೆಯೇ? ಹಾಗಾದರೆ ಪ್ರತಿಲಿಪಿ ನಿಮಗಾಗಿಯೇ ಅರಸುತ್ತಿದೆ!
ಈ ಸ್ಪರ್ಧೆಯಲ್ಲಿ ಭಾಗವಹಿಸಲು ನೀವು 7 ಮೇ 2024 ರ ಒಳಗೆ ಪ್ರತಿಲಿಪಿಯ ನಿಮ್ಮ ಪ್ರೊಫೈಲ್ನಲ್ಲಿ ಕನಿಷ್ಠ 60 ಅಧ್ಯಾಯಗಳ ಧಾರಾವಾಹಿ ರಚಿಸಿ ಪ್ರಕಟಿಸಬೇಕು. ಪ್ರತಿ ಅಧ್ಯಾಯವೂ ಕನಿಷ್ಠ 1000 ಪದಗಳನ್ನು ಹೊಂದಿರಬೇಕು. ನಿಮ್ಮ ಕತೆಗೆ 'ಸೂಪರ್ ಸಾಹಿತಿ- 7' ಪ್ರಭೇದವನ್ನು ಆಯ್ಕೆ ಮಾಡಬೇಕು.
-------------------------------------------------------------------
ಬಹುಮಾನಗಳ ವಿವರ
ಓದುಗರ ಆಯ್ಕೆ (ಸೂಪರ್ 7 ಕೃತಿಗಳು):
ಓದುಗರ ಆಯ್ಕೆಯ ಸೂಪರ್ 7 ಕೃತಿಗಳ ಕರ್ತೃಗಳಿಗೆ ತಲಾ ₹3,000 ರೂಪಾಯಿಗಳ ನಗದು ಬಹುಮಾನ + ಆಕರ್ಷಕ ಚೌಕಟ್ಟಿನ ಭೌತಿಕ ಪ್ರಮಾಣಪತ್ರವನ್ನು ಅವರು ನೀಡುವ ವಿಳಾಸಕ್ಕೆ ಕಳುಹಿಸಿಕೊಡಲಾಗುವುದು.
ಸ್ಪರ್ಧೆ ಮುಕ್ತಾಯಗೊಂಡ ನಂತರ ಸ್ಪರ್ಧೆಯ ನಿಯಮಗಳನ್ನು ಪಾಲಿಸಿ ಸಲ್ಲಿಸಲ್ಪಟ್ಟ ಎಲ್ಲಾ ಕೃತಿಗಳನ್ನು ಪರಿಗಣಿಸಿ; ‘ಕೃತಿಯ ಒಟ್ಟಾರೆ ಓದಿನ ಸಂಖ್ಯೆ’ ಮತ್ತು ‘ಹೆಚ್ಚು ಓದುಗರಿಂದ ಚರ್ಚಿಸಲ್ಪಡುವ ಕೃತಿ’(ಓದುಗರ ಎಂಗೇಜ್ಮೆಂಟ್ ರೇಶಿಯೋ), ಅಂದರೆ ಆರಂಭದಿಂದ ಅಂತ್ಯದವರೆಗೆ ಓದಿದವರ ಶೇಕಡಾವಾರು ಸಂಖ್ಯೆ - ಈ ಅಂಶಗಳ ಆಧಾರದ ಮೇಲೆ ಸೂಪರ್ 7 ಓದುಗರ ಆಯ್ಕೆಯ ವಿಜೇತ ಕೃತಿಗಳನ್ನು ಆಯ್ಕೆ ಮಾಡಲಾಗುವುದು.
ತೀರ್ಪುಗಾರರ ಆಯ್ಕೆ (ಸೂಪರ್ 7 ಕೃತಿಗಳು):
ತೀರ್ಪುಗಾರರ ಆಯ್ಕೆಯ ಸೂಪರ್ 7 ಕೃತಿಗಳ ಕರ್ತೃಗಳಿಗೆ ತಲಾ ₹3,000 ರೂಪಾಯಿಗಳ ನಗದು ಬಹುಮಾನ + ಆಕರ್ಷಕ ಚೌಕಟ್ಟಿನ ಭೌತಿಕ ಪ್ರಮಾಣಪತ್ರವನ್ನು ಅವರು ನೀಡುವ ವಿಳಾಸಕ್ಕೆ ಕಳುಹಿಸಿಕೊಡಲಾಗುವುದು.
ಓದುಗರ ಆಯ್ಕೆಯ ವಿಭಾಗದ ವಿಜೇತ ಕೃತಿಗಳನ್ನು ಆಯ್ಕೆ ಮಾಡಿದ ನಂತರ, ನಮ್ಮ ಸಂಪಾದಕರ ಮತ್ತು ನಿರ್ಣಾಯಕರ ತಂಡವು; ಸೃಜನಶೀಲತೆ, ವಿಭಿನ್ನ ಕಥಾಹಂದರ, ಆರಂಭದಿಂದ ಕೊನೆಯವರೆಗಿನ ಕತೆಯ ಸಂಪೂರ್ಣ ಚಿತ್ರಣ, ಪಾತ್ರ ಪೋಷಣೆ, ಪರಿಕಲ್ಪನೆಯ ಗುಣಮಟ್ಟ ಮತ್ತು ನಿರೂಪಣಾ ಶೈಲಿ, ಭಾಷೆ ಮತ್ತು ವ್ಯಾಕರಣದ ಗುಣಮಟ್ಟ- ಈ ಮಾನದಂಡಗಳ ಆಧಾರದ ಮೇಲೆ ಎಲ್ಲಾ ಕೃತಿಗಳನ್ನು ಕಟ್ಟುನಿಟ್ಟಾಗಿ ಪರಿಶೀಲಿಸಿ; ಸೂಪರ್ 7 ಕೃತಿಗಳನ್ನು ಆಯ್ಕೆ ಮಾಡುತ್ತದೆ.
ಖಚಿತ ಬಹುಮಾನ - 77 ಅಧ್ಯಾಯಗಳ ಸವಾಲು:
ಸ್ಪರ್ಧೆಯ ಎಲ್ಲಾ ನಿಯಮಗಳನ್ನು ಪಾಲಿಸಿ ಕನಿಷ್ಠ 77 ಅಧ್ಯಾಯಗಳ ಧಾರಾವಾಹಿ ರಚಿಸುವ ಬರಹಗಾರರಿಗೆ ಈ ಕೆಳಗಿನ ಎರಡು ಬಹುಮಾನಗಳನ್ನು ನೀಡಿ ಗೌರವಿಸಲಾಗುವುದು-
1. ಲೇಖಕರ ಸಾಧನೆಗೆ ಮನ್ನಣೆಯಾಗಿ ಪ್ರತಿಲಿಪಿ ಕಡೆಯಿಂದ ಪ್ರತಿಷ್ಠಿತ ರಾಜಪತ್ರವನ್ನು ಈಮೇಲ್ ಮೂಲಕ ಕಳುಹಿಸಿಕೊಡಲಾಗುವುದು.
2. ಪ್ರತಿಲಿಪಿ ತಂಡ ಆ ಕೃತಿಗಳಿಗೆ ವಿಶೇಷ ಮುಖಪುಟ(ಕವರ್ ಚಿತ್ರ)ವನ್ನು ವಿನ್ಯಾಸಗೊಳಿಸುತ್ತದೆ. ಮುಖಪುಟವು ಸ್ಪರ್ಧೆಯ ಹೆಸರು ಮತ್ತು ಅದರ ಲೋಗೋವನ್ನು ಒಳಗೊಂಡಿರುತ್ತದೆ. ಈ ವಿಶೇಷ ಮುಖಪುಟದ ಮೂಲಕ ಓದುಗರು ‘ಇದು ಸೂಪರ್ ಸಾಹಿತಿ ಅವಾರ್ಡ್ಸ್ ಸ್ಪರ್ಧೆಯ ವಿಜೇತ ಕೃತಿ’ ಎಂದು ಗುರುತಿಸುತ್ತಾರೆ.
ಈ ವಿಶೇಷ ಬಹುಮಾನಗಳನ್ನು ನಿಮಗೆ ನೀಡಲು ನಾವು ಬಹಳ ಹೆಮ್ಮೆ ಪಡುತ್ತೇವೆ. ನಿಮ್ಮ ಕೃತಿಯನ್ನು ಇಡೀ ಪ್ರತಿಲಿಪಿ ಕುಟುಂಬದೊಂದಿಗೆ ಹಂಚಿಕೊಂಡು ನಿಮ್ಮ ಯಶಸ್ಸನ್ನು ಸಂಭ್ರಮಿಸುತ್ತೇವೆ!
-------------------------------------------------------------------
ಭಾಗವಹಿಸುವ ಎಲ್ಲಾ ಬರಹಗಾರರಿಗೆ ಸಿಗುವ ಪ್ರಯೋಜನಗಳು
1. ಸ್ಪರ್ಧೆಗೆ ಸಲ್ಲಿಸಲ್ಪಡುವ ಎಲ್ಲಾ ಕೃತಿಗಳು ನೇರವಾಗಿ ಪ್ರತಿಲಿಪಿ ಪ್ರೀಮಿಯಂಗೆ ಸೇರುತ್ತವೆ, ಆ ಮೂಲಕ ಪ್ರತಿ ತಿಂಗಳೂ ಆದಾಯ ಗಳಿಸುವ ಅವಕಾಶ.
2. ಭಾಗವಹಿಸುವ ಎಲ್ಲರಿಗೂ ಭಾಗವಹಿಸುವಿಕೆಯ ಡಿಜಿಟಲ್ ಪ್ರಮಾಣಪತ್ರವನ್ನು ಈಮೇಲ್ ಮೂಲಕ ಕಳುಹಿಸಲಾಗುವುದು.
3. ಸ್ಪರ್ಧೆಯ ಕೃತಿಗಳನ್ನು ಪ್ರತಿಲಿಪಿ ಅಪ್ಲಿಕೇಶನ್'ನ ಹೋಂ ಪೇಜಿನಲ್ಲಿ ಪ್ರಚಾರ ಮಾಡಲಾಗುವುದು.
4. ಪ್ರತಿಲಿಪಿಯ ಲಕ್ಷಾಂತರ ಓದುಗರ ಮೆಚ್ಚುಗೆ ಮತ್ತು ಅಭಿಮಾನ ಗಳಿಸುವ ಅವಕಾಶ
-------------------------------------------------------------------
ಸ್ಪರ್ಧೆಯ ನಿಯಮಗಳು
1. ಕಥಾವಸ್ತು: ನಿಮ್ಮಿಷ್ಟದ ಯಾವುದೇ ವಿಷಯ, ಕಥಾಹಂದರದ ಮೇಲೆ ಧಾರಾವಾಹಿಗಳನ್ನು ರಚಿಸಬಹುದು.
2. ನಿಮ್ಮ ಧಾರಾವಾಹಿಯನ್ನು ಕಡ್ಡಾಯವಾಗಿ ಪ್ರೀಮಿಯಂ ಸಬ್ಸ್ಕ್ರಿಪ್ಷನ್ ಅಡಿಯಲ್ಲಿ ದಾಖಲಿಸಬೇಕು.
3. ಭಾಗವಹಿಸುವಿಕೆಯ ಪರಿಗಣನೆ: ಪ್ರತಿಲಿಪಿಯಲ್ಲಿ ತಮ್ಮ ಪ್ರೊಫೈಲ್ನಲ್ಲಿ ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ ಬರಹಗಾರರು ಮಾತ್ರ ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು.
4. ಸ್ಪರ್ಧೆಯ ಪ್ರಾರಂಭದ ದಿನಾಂಕ: 2 ಜನವರಿ 2024
5. ಸ್ಪರ್ಧೆಯ ಮುಕ್ತಾಯದ ದಿನಾಂಕ: 7 ಮೇ 2024
6. ಫಲಿತಾಂಶ ಘೋಷಣೆಯ ದಿನಾಂಕ: 22 ಜುಲೈ 2024
7. ಅಧ್ಯಾಯಗಳ ಮಿತಿ: ಧಾರಾವಾಹಿ ಕನಿಷ್ಠ 60 ಅಧ್ಯಾಯಗಳನ್ನು ಹೊಂದಿರಬೇಕು. ಗರಿಷ್ಠ ಮಿತಿಯಿಲ್ಲ.
8. ಪದಮಿತಿ: ಪ್ರತಿ ಅಧ್ಯಾಯವೂ ಕನಿಷ್ಠ 1000 ಪದಗಳನ್ನು ಹೊಂದಿರಬೇಕು. ಗರಿಷ್ಠ ಮಿತಿಯಿಲ್ಲ.
9. ಕೃತಿಗಳನ್ನು ಸಲ್ಲಿಸಲು ಕಡ್ಡಾಯ ಸೂಚನೆ: ಬರಹದ ವಿಧ -'ಕಥೆ' ಮತ್ತು ಪ್ರಭೇದ- 'ಸೂಪರ್ ಸಾಹಿತಿ- 7' ಆಯ್ಕೆ ಮಾಡಬೇಕು. ಈ ಪ್ರಭೇದವನ್ನು ಆಯ್ಕೆ ಮಾಡದಿದ್ದಲ್ಲಿ ಕೃತಿಯನ್ನು ಸ್ಪರ್ಧೆಗೆ ಪರಿಗಣಿಸಲಾಗುವುದಿಲ್ಲ.
10. ವಿಶೇಷ ಸೂಚನೆ: ನಿಮ್ಮ ಕೃತಿ ಸ್ಪರ್ಧೆಯ ಮುಕ್ತಾಯದ ದಿನಾಂಕದೊಳಗೆ ಮುಗಿದಿರಬೇಕು; ಕೃತಿಯನ್ನು ಎಡಿಟ್ ಮಾಡುವಲ್ಲಿ ಹೋಗಿ ಮುಗಿದಿದೆ ಎಂದು ಆಯ್ಕೆ ಮಾಡಿರಬೇಕು. ಅಪೂರ್ಣ ಕೃತಿಗಳನ್ನು ಸ್ಪರ್ಧೆಗೆ ಪರಿಗಣಿಸಲು ಸಾಧ್ಯವಾಗುವುದಿಲ್ಲ.
-------------------------------------------------------------------
ಮಾಹಿತಿ ಮತ್ತು ಸಲಹೆಗಳು
1. ಪ್ರತಿಲಿಪಿಯಲ್ಲಿ ನಿರ್ದಿಷ್ಟ ಪ್ರಭೇದಡಿಯಲ್ಲಿ ಧಾರಾವಾಹಿಗಳನ್ನು ಪ್ರಕಟಿಸಲು ಸ್ವಪ್ರಕಾಶನ ಮಾರ್ಗದರ್ಶಿ [ಇಲ್ಲಿ ಕ್ಲಿಕ್ ಮಾಡಿ]
2. 60 ಅಧ್ಯಾಯಗಳ ಧಾರಾವಾಹಿ ರಚಿಸಲು ನಿಮಗಾಗಿ 6 ವಿಶೇಷ ಸಲಹೆಗಳು [ಇಲ್ಲಿ ಕ್ಲಿಕ್ ಮಾಡಿ]
-------------------------------------------------------------------
ಸಹಾಯಕ್ಕಾಗಿ ಸಂಪರ್ಕ
ಸ್ಪರ್ಧೆಯ ಕುರಿತು ಯಾವುದೇ ಗೊಂದಲ, ಸಮಸ್ಯೆ, ಅನುಮಾನಗಳಿದ್ದಲ್ಲಿ [email protected] ಗೆ ಈಮೇಲ್ ಕಳುಹಿಸುವುದರ ಮೂಲಕ ನೀವು ನಮ್ಮನ್ನು ಸಂಪರ್ಕಿಸಬಹುದು. ನಮ್ಮ ತಂಡ ನಿಮ್ಮ ಸಮಸ್ಯೆಯನ್ನು 24 ಗಂಟೆಗಳ ಒಳಗೆ ಪರಿಹರಿಸಲು ಪ್ರಯತ್ನಿಸುತ್ತದೆ.
ಸ್ಪರ್ಧೆಯಲ್ಲಿ ಭಾಗವಹಿಸಿ ನಿಮ್ಮ ಕನಸುಗಳಿಗೆ ಬಣ್ಣ ನೀಡಿ, ಬೆಸ್ಟ್ ಸೆಲ್ಲರ್ ಬರಹಗಾರರಾಗಿ ಹೊರಹೊಮ್ಮಿ!
ಶುಭವಾಗಲಿ!
ಪ್ರತಿಲಿಪಿ ಸ್ಪರ್ಧಾ ವಿಭಾಗ