ಪ್ರತಿಲಿಪಿ12 ವರ್ಷಗಳ ನಮ್ಮ ಸಾಹಿತ್ಯ ಪ್ರಯಾಣ ❤️
ಆತ್ಮೀಯ ಸಾಹಿತ್ಯಾಭಿಮಾನಿಗಳಿಗೆ ಪ್ರತಿಲಿಪಿಯ ನಮಸ್ಕಾರಗಳು
ನಮ್ಮಿಂದ ಈ ವರ್ಷ ನಿಮಗೆ ಎರಡು ಪತ್ರಗಳು ಕಳುಹಿಸಲ್ಪಟ್ಟಿದ್ದವು. ಅವು ಯಾವುವೆಂದರೆ:
ಇದು ಮೂರನೆಯ ಪತ್ರ. ಇದನ್ನು ಬರೆಯುವಾಗ ನಾವು ಸ್ವಲ್ಪ ಭಾವುಕರಾಗಿದ್ದೇವೆ. ಏಕೆಂದರೆ, ಈ ತಿಂಗಳು ನಿಮ್ಮ ‘ಪ್ರತಿಲಿಪಿ’ ಹನ್ನೆರಡು ವಸಂತಗಳನ್ನು ಪೂರೈಸಿ ಸಂಭ್ರಮಿಸುತ್ತಿದೆ! ಸೆಪ್ಟೆಂಬರ್ ೧೪ರಂದು ಪ್ರತಿಲಿಪಿಯ ೧೨ನೇ ಜನ್ಮದಿನ. ಪ್ರತಿಲಿಪಿ ಈ ಹನ್ನೆರಡು ವರ್ಷಗಳ ಅವಧಿಯಲ್ಲಿ ಬೆಳೆದ ಮತ್ತು ಬೆಳೆಯುತ್ತಿರುವ ರೀತಿಗೆ ಸಂಪೂರ್ಣ ಕಾರಣೀಕರ್ತರು ನೀವು. ಹೀಗಾಗಿ ನಿಮ್ಮೊಡನೆ ಸಂವಹನ ನಡೆಸುವುದು ನಮಗೆ ಅತ್ಯಂತ ಭಾವನಾತ್ಮಕ ವಿಷಯ.
ನಿಮ್ಮಲ್ಲಿ ಬಹುತೇಕರಿಗೆ ಈಗಾಗಲೇ ತಿಳಿದಿರುವಂತೆ ಹನ್ನೆರಡು ವರ್ಷಗಳ ಹಿಂದೆ, ಪ್ರತಿಲಿಪಿಯ ಕನಸಿನ ಪಯಣ ಆರಂಭವಾಯಿತು. ದೇಶ ಭಾಷೆಗಳ, ತಂತ್ರಜ್ಞಾನ ಸಾಹಿತ್ಯ ಪ್ರಕಾರಗಳ, ಭೌಗೋಳಿಕ ಗಡಿಗಳ ಹಂಗಿಲ್ಲದೇ, ಪ್ರತಿಯೊಬ್ಬ ಸೃಜನಶೀಲ ಲೇಖಕನೂ ತನ್ನ ಕಥೆಗಳನ್ನು ಮುಕ್ತವಾಗಿ ಜಗತ್ತಿನೊಂದಿಗೆ ಹಂಚಿಕೊಳ್ಳುವಂತಾಗಬೇಕು ಎಂಬ ಸದಾಶಯವೇ ಆ ಕನಸಾಗಿತ್ತು.
ಅದಕ್ಕಾಗಿಯೇ ನೀವು ನಿಮ್ಮ ಮೊಬೈಲ್ ಅಥವಾ ಲ್ಯಾಪ್‌ಟಾಪ್ ಮೂಲಕ ಯಾವುದೇ ಭಾರತೀಯ ಭಾಷೆಯಲ್ಲಿ ಬರೆಯಲು ಸಾಧ್ಯವಾಗಿದ್ದು, ನಿಮ್ಮ ಆ ಕಥೆಗಳು ಆಡಿಯೋ, ಕಾಮಿಕ್ಸ್, ಮುದ್ರಿತ ಪುಸ್ತಕ, ಧಾರಾವಾಹಿ ಹಾಗೂ ಚಲನಚಿತ್ರಗಳಂತಹ ವೈವಿಧ್ಯಮಯ ಮಾಧ್ಯಮಗಳಿಗೆ ರೂಪಾಂತರಗೊಳ್ಳಲು ದಾರಿ ಸಿಕ್ಕಿದೆ. ಮುಂಬರುವ ದಿನಗಳಲ್ಲಿ ಪ್ರತಿಲಿಪಿಯ ಸಾವಿರಾರು ಬರಹಗಾರರು ಕೇವಲ ತಮ್ಮ ಬರವಣಿಗೆಯನ್ನೇ ಬದುಕಿನ ಆಸರೆಯನ್ನಾಗಿಸಿಕೊಂಡು, ಗೌರವಯುತವಾಗಿ ಸ್ವಾಭಿಮಾನಿ ಬದುಕು ಸಾಗಿಸಬೇಕೆಂಬುದು ಎಂಬುದೇ ನಮ್ಮ ಪರಮೋಚ್ಚ ಧ್ಯೇಯ.
ನಾವು ಸಾಗಬೇಕಾದ ದಾರಿ ಇನ್ನೂ ಬಹಳಷ್ಟಿದೆ; ಆದರೆ ನಮ್ಮ ಈ ಪಯಣ ಯಶಸ್ವಿಯಾಗಿ ಮುನ್ನಡೆಯುತ್ತಿರುವುದು ನಮ್ಮ ಪ್ರೀತಿಯ ಲೇಖಕರು ಹಾಗೂ ಓದುಗರಾದ ನಿಮ್ಮಿಂದಲೇ.
ನಾವು ಕ್ರಮಿಸಿರುವ ಹಾದಿಯನ್ನು ಒಮ್ಮೆ ಅವಲೋಕಿಸಿದರೆ:
-
ಕಳೆದ ೧೨ ತಿಂಗಳುಗಳಲ್ಲಿ ಪ್ರತಿಲಿಪಿಯ ಎಲ್ಲ ಹನ್ನೆರಡು ಭಾಷೆಗಳ ಲೇಖಕರು ಒಟ್ಟಾರೆಯಾಗಿ ಗಳಿಸಿರುವ ರಾಯಧನ ೩೮.೨ ಕೋಟಿ ರೂಪಾಯಿಗಳು. ಇದು ೨೦೨೫ರಲ್ಲಿ ೨೪.೯ ಕೋಟಿ ಹಾಗೂ ೨೦೨೪ರಲ್ಲಿ ೧೪.೮ ಕೋಟಿ ರೂಪಾಯಿಗಳಷ್ಟಿತ್ತು.
-
ಆಗಸ್ಟ್ ೨೦೨೬ರ ವೇಳೆಗೆ ನಿರಂತರವಾಗಿ ಆದಾಯ ಗಳಿಸುತ್ತಿರುವ ಲೇಖಕರ ಸಂಖ್ಯೆ ೧೦,೧೦೪ಕ್ಕೆ ತಲುಪಿದೆ. ಈ ಸಂಖ್ಯೆ ೨೦೨೫ರಲ್ಲಿ ೯,೭೬೪ ಮತ್ತು ೨೦೨೪ರಲ್ಲಿ ೮,೧೧೨ ಆಗಿತ್ತು.
-
೨೦೨೬ರಲ್ಲಿ, ಬರೋಬ್ಬರಿ ೯೦ ಲೇಖಕರು ಕೆಲ ತಿಂಗಳುಗಳಲ್ಲಿ ತಲಾ ೧ ಲಕ್ಷ ರೂಪಾಯಿಗಳಿಗೂ ಅಧಿಕ ಆದಾಯ ಗಳಿಸುವ ಮೈಲಿಗಲ್ಲು ದಾಟಿದ್ದಾರೆ.
-
ಕೇವಲ ಆಗಸ್ಟ್ ತಿಂಗಳೊಂದರಲ್ಲೇ ಪ್ರತಿಲಿಪಿಯ ಎಲ್ಲ ಹನ್ನೆರೆಡು ಭಾಷೆಗಳ ೫೫ ಲೇಖಕರು ೧ ಲಕ್ಷ ರೂಪಾಯಿಗಳಿಗಿಂತ ಹೆಚ್ಚು ಗಳಿಸಿದ್ದಾರೆ. ಇದರಲ್ಲಿ ನಾಲ್ವರು ಕನ್ನಡ ಸಾಹಿತಿಗಳು ಸೇರಿದ್ದಾರೆ.
-
ಪ್ರಸ್ತುತ ಪ್ರತಿಲಿಪಿಯಲ್ಲಿ ೮೭೦ಕ್ಕೂ ಅಧಿಕ ಸಾಹಿತಿಗಳು ಪ್ರತಿ ತಿಂಗಳು ೫,೦೦೦/- ರೂಪಾಯಿಗಳಿಗಿಂತ ಹೆಚ್ಚು, ೫೪೩ಕ್ಕೂ ಅಧಿಕ ಸಾಹಿತಿಗಳು ಸಾಹಿತಿಗಳು ೧೦,೦೦೦/- ರೂಪಾಯಿಗಳಿಗಿಂತ ಹೆಚ್ಚು ಮತ್ತು ೨೬೮ ಸಾಹಿತಿಗಳು ಹಾಗೂ ೨೫,೦೦೦/- ರೂಪಾಯಿಗಳಿಗಿಂತ ಹೆಚ್ಚು ಹಣ ಗಳಿಸುತ್ತಿದ್ದಾರೆ.
-
ಪ್ರತಿ ಓದುಗರು ಪ್ರತಿದಿನ ಈ ಆ್ಯಪ್‌ನಲ್ಲಿ ಬರೋಬ್ಬರಿ ೧ ಗಂಟೆ ೧೪ ನಿಮಿಷ ಕಳೆಯುತ್ತಿದ್ದಾರೆ; ಇದು ಯೂಟ್ಯೂಬ್‌ಗಿಂತಲೂ ಹೆಚ್ಚು! ಅದರಲ್ಲೂ ವಿಶೇಷವಾಗಿ, ನಮ್ಮ ಚಂದಾದಾರರು ಪ್ರತಿದಿನ ಕಳೆಯುತ್ತಿರುವ ಸರಾಸರಿ ಸಮಯ ೨ ಗಂಟೆ ೩೬ ನಿಮಿಷಗಳಿಗೂ ಅಧಿಕ .
ನಿಜ, ನಮ್ಮ ಕನಸು ಬಲು ದೊಡ್ಡದು ಮತ್ತು ಅದನ್ನು ನನಸಾಗಿಸಲು ಹಲವು ದಶಕಗಳ ಅವಿರತ ಶ್ರಮ ಬೇಕಾಗುತ್ತದೆ ಎಂಬ ಅರಿವು ನಮಗಿದೆ. ಪ್ರತಿಲಿಪಿಯನ್ನು ಇಡೀ ತಲೆಮಾರನ್ನು ಮುನ್ನಡೆಸುವ ಒಂದು ಶಾಶ್ವತ ಸಂಸ್ಥೆಯನ್ನಾಗಿಸುವುದು ನಮ್ಮ ಸಂಕಲ್ಪ. ನಾವು ಕೇವಲ ಹತ್ತು-ಇಪ್ಪತ್ತು ವರ್ಷಗಳಿಗಷ್ಟೇ ಸೀಮಿತವಾಗಿ ಅವಧಿಯ ಕುರಿತು ಯೋಚಿಸುತ್ತಿಲ್ಲ; ಮುಂಬರುವ ಹಲವು ದಶಕಗಳ ಕಾಲ ಸಾಹಿತ್ಯ ಸೇವೆಯಲ್ಲಿ ತೊಡಗಿಸಿಕೊಳ್ಳಲು ಮುಂದಿನ ತಂತ್ರಜ್ಞಾನ, ಆವಿಷ್ಕಾರಗಳು ಮತ್ತು ಮುಂದಿನ ಪೀಳಿಗೆಯ ಓದುಗರ ಮನಸ್ಥಿತಿಗಳನ್ನು ಗಮನದಲ್ಲಿಟ್ಟುಕೊಂಡು ಪ್ರತಿಲಿಪಿಯ ಪ್ರತಿಯೊಂದು ಯೋಜನೆ ಮತ್ತು ಸೌಲಭ್ಯಗಳನ್ನು ರೂಪಿಸುತ್ತಿದ್ದೇವೆ.
ಇಂತಹ ಭವ್ಯ ಕನಸು ಹಾಗೂ ಧ್ಯೇಯೋದ್ದೇಶಗಳನ್ನು ಹೊಂದಿರುವಾಗ, ನಮ್ಮ ಲೇಖಕರೊಂದಿಗೆ ಅತ್ಯಂತ ಪ್ರಾಮಾಣಿಕತೆ, ಪಾರದರ್ಶಕತೆ ಮತ್ತು ವಿಶ್ವಾಸಾರ್ಹತೆಯಿಂದ ವರ್ತಿಸುವುದು ನಮ್ಮ ಕರ್ತವ್ಯ. ಎಲ್ಲಕ್ಕಿಂತ ಮಿಗಿಲಾಗಿ, ನಮ್ಮ ಬರಹಗಾರರ ಹಿತದೃಷ್ಟಿಯಿಂದ ಸದಾ ಸತ್ಪಥದಲ್ಲೇ ಸಾಗಲು ನಾವು ಬದ್ಧರಾಗಿದ್ದೇವೆ.
ದೀರ್ಘಕಾಲೀನ ಮಹತ್ವಾಕಾಂಕ್ಷೆಯ ಪಯಣದಲ್ಲಿ ಯಾವುದೇ ಅಡ್ಡದಾರಿಗಳನ್ನು ಹಿಡಿಯಲು ನಾವು ಇಷ್ಟಪಡುವುದಿಲ್ಲ. ನಮ್ಮ ಪ್ರತಿಯೊಂದು ನಿರ್ಧಾರದ ಕೇಂದ್ರಬಿಂದುವೂ ನಮ್ಮ ಲೇಖಕರೇ ಆಗಿರಬೇಕು ಹಾಗೂ ದಶಕಗಳ ಭವಿಷ್ಯದ ದೃಷ್ಟಿಕೋನಕ್ಕೆ ಪೂರಕವಾಗಿರಬೇಕು ಎಂಬ ತತ್ವಕ್ಕೆ ನಾವು ಸದಾ ಕಟಿಬದ್ಧರು.
ಅನೇಕರು ಪ್ರತಿಲಿಪಿಯನ್ನು ‘ಕಥಾಲೋಕದ ಯೂಟ್ಯೂಬ್’ ಎಂದು ಬಣ್ಣಿಸುವುದುಂಟು. ಅದು ನಿಜವೂ ಹೌದು; ವಾಸ್ತವವಾಗಿ ಪ್ರತಿಲಿಪಿಯ ಹಲವು ಲೇಖಕರು ಪ್ರಸಿದ್ಧ ಯೂಟ್ಯೂಬರ್‌ಗಳಿಗಿಂತಲೂ ಅಧಿಕ ಆದಾಯ ಗಳಿಸುತ್ತಿದ್ದಾರೆ!
ಆದರೆ ನಿಖರವಾಗಿ ಹೇಳಬೇಕೆಂದರೆ, ಪ್ರತಿಲಿಪಿ ಕೇವಲ ಒಂದು ವೇದಿಕೆಯಲ್ಲ, ಅದೊಂದು ವಿಶಿಷ್ಟ ‘ಸೃಜನಶೀಲ ಬರಹ ಪ್ರಕಟಣಾ ವ್ಯವಸ್ಥೆ’
ಈ ವ್ಯವಸ್ಥೆಯ ವೈಶಿಷ್ಟ್ಯವೆಂದರೆ: ಪ್ರತಿಲಿಪಿ ಕನ್ನಡದಲ್ಲಿ ಪ್ರಕಟವಾಗುವ ಶ್ರೇಷ್ಠ ಕೃತಿಗಳು ಇತರ ಭಾರತೀಯ ಭಾಷೆಗಳಿಗೆ ಅನುವಾದಗೊಳ್ಳಬಹುದು, ಪ್ರತಿಲಿಪಿ ಎಫ್‌ಎಂ ಮೂಲಕ ಧ್ವನಿಪುಸ್ತಕಗಳಾಗಬಹುದು, ಪ್ರತಿಲಿಪಿ ಕಾಮಿಕ್ಸ್‌ನಲ್ಲಿ ಚಿತ್ರಕಥೆಗಳಾಗಿ ಕಂಗೊಳಿಸಬಹುದು, ಅಷ್ಟೇ ಅಲ್ಲದೆ ಮುದ್ರಿತ ಪುಸ್ತಕಗಳಾಗಿ, ಚಲನಚಿತ್ರಗಳಾಗಿ, ಕಿರುತೆರೆ ಧಾರಾವಾಹಿಗಳಾಗಿ ಇಲ್ಲವೇ ಕಿರು-ನಾಟಕಗಳಂತಹ ವಿನೂತನ ಮಾಧ್ಯಮಗಳಾಗಿ ರೂಪಾಂತರಗೊಳ್ಳಬಹುದು. ಇದರಿಂದಾಗಿ ಲೇಖಕರಿಗೆ ವಿವಿಧ ಆಯಾಮಗಳಿಂದ ಗೌರವಧನ ಮತ್ತು ರಾಯಲ್ಟಿ ಹರಿದುಬರುತ್ತದೆ. ಇದೇ ಪ್ರತಿಲಿಪಿಯ ಜೀವಂತಿಕೆಯ ಶಕ್ತಿ. :)
ಈ ಪೂರ್ಣ ಸಾಕಾರಕ್ಕೆ ಸಮಯ ಹಿಡಿಯಬಹುದು, ಆದರೆ ನಮ್ಮ ಲೇಖಕರೊಂದಿಗೆ ದಶಕಗಳ ಕಾಲ ಸಾಗುವ ಈ ನಂಟಿಗೆ ನಾವು ಸಂಪೂರ್ಣವಾಗಿ ಅರ್ಪಿಸಿಕೊಂಡಿದ್ದೇವೆ.
ನಮ್ಮ ಮೇಲೆ ಇಟ್ಟಿರುವ ಅಚಲ ವಿಶ್ವಾಸಕ್ಕೆ ತಮಗೆ ಹೃತ್ಪೂರ್ವಕ ಧನ್ಯವಾದಗಳು.
ನಿಮ್ಮ ಉಪಸ್ಥಿತಿಯೇ ನಮ್ಮ ಅಸ್ತಿತ್ವ.
ಪ್ರತಿಲಿಪಿಯೊಂದಿಗಿನ ನಿಮ್ಮ ಅನುಭವ, ಅನಿಸಿಕೆ ಅಥವಾ ಸಲಹೆಗಳನ್ನು ನಮ್ಮೊಂದಿಗೆ ಹಂಚಿಕೊಳ್ಳಲು ದಯವಿಟ್ಟು ಈ ಕೊಂಡಿಯನ್ನು ಬಳಸಿ:
ಆತ್ಮೀಯ ವಂದನೆಗಳೊಂದಿಗೆ,
ಪ್ರತಿಲಿಪಿಕನ್ನಡ ಬಳಗ