ನೋವಲ್ಲೂ ಸಿಹಿ ಕಂಡವಳು

ಎಷ್ಟು ಚೆಂದ ಅಲ್ವಾ ಬಾಲ್ಯ, ಆ ಮುಗ್ಧ ಮನಸ್ಸು, ತುಂಟ ವಯಸ್ಸು, ಕಣ್ಣಲ್ಲಿ ಸಾವಿರ ಕನಸು, ಎಲ್ಲವೂ ಸುಂದರ. ಮರಳಿ ಸಿಗದ ಬಾಲ್ಯ ಎಂದಿಗೂ ನವ್ಯ. ಬಾಲ್ಯ ಎಂದರೆ ನೆನಪಿಗೆ ಬರೋದು ಗೆಳೆಯ-ಗೆಳತಿಯರೊಂದಿಗೆ ಕೂಡಿ ಮಾಡುತ್ತಿದ್ದ ತುಂಟಾಟಗಳು, ಹೀಗೆ ನೆನೆಯುತ್ತಾ ಕುಳಿತಿದ್ದ ನನಗೆ ಥಟ್ಟನೆ ನೆನಪಿಗೆ ಬಂದವಳು ನನ್ನ ಗೆಳತಿ ಸುಧಾ. ಶಾಲಾ ದಿನಗಳ ಗೆಳತಿ. ಚಿಕ್ಕ ವಯಸ್ಸಿನಿಂದಲೂ ಚೆನ್ನಾಗಿ ಓದುತ್ತಿದ್ದಳು, ಅವಳಿಗೂ ನನಗೂ ಓದುವುದರಲ್ಲಿ ಎಲ್ಲಿಲ್ಲದ ಪೈಪೋಟಿ, ಆದರೂ ನನ್ನನ್ನು ಹಿಂದಿಕ್ಕಿ ಪರೀಕ್ಷೆಗಳಲ್ಲಿ ಹೆಚ್ಚು ಅಂಕಗಳಿಸುತ್ತಿದ್ದಳು. ಅವಳ ಓದಿಗೆ ಅವಳ ಮನೆಯಲ್ಲಿ ಉತ್ತಮ ವಾತಾವರಣ ಕಲ್ಪಿಸಿಕೊಡುತ್ತಿದ್ದರು. ಊರ...