ದುರ್ಗಾಸ್ತಮಾನ

ವಿಶ್ವಾಸ್ ಹೆಗಡೆ

 ಹಿಂಬಾಲಿಸಿ (12)

ಹೆಸರು ವಿಶ್ವಾಸ .  ವೃತ್ತಿಯಿಂದ ಇಂಜಿನಿಯರ್ . ಪ್ರವೃತ್ತಿಯಿಂದ quiz, travel enthusiast, reader , amateur carrom player.   Modern generation ಗೆ ಸೇರಿದವನಾದರೂ ನನಗೆ ಹಳೆಯ ಹಾಡುಗಳೆಂದರೆ ಇಷ್ಟ. ಸೋಶಿಯಲ್ ಮೀಡಿಯಾದಿಂದ ದೂರ ಇರುವವರಲ್ಲಿ ನಾನೂ ಒಬ್ಬ . ಕಾರಣ ಅದರ ಮೇಲಿನ ದ್ವೇಷವಲ್ಲ . ಬಳಸಲು ಶುರುವಿಟ್ಟರೆ ಎಲ್ಲಿ ಅದರ ಗುಲಾಮನಾಗುವೆನೇನೋ ಎಂಬ ಅಂಜಿಕೆ ಅಷ್ಟೆ.  ಏನು ಮಾಡೋಣ, ಕೆಲವು ವಿಷಯದಲ್ಲಿ ನನ್ನ ಸಂಕಲ್ಪ ಶಕ್ತಿಯೇ ಅಷ್ಟು .  Usually ಯಾವ ವಿಷಯದಲ್ಲಾದರೂ ಚರ್ಚೆ ಮಾಡುವ ಸಾಮರ್ಥ್ಯ ಇದೆಯಾದರೂ , ಕ್ರಿಕೆಟ್ , ಪುರಾಣ , ಮಹಾಭಾರತ , ರಾಜಕೀಯ ಹಾಗೂ ಸಿನಿಮಾ ಈ ವಿಷಯಗಳಲ್ಲಿ ವಿಶೇಷ ಆಸಕ್ತಿ. ಕನ್ನಡ ಸಾಹಿತ್ಯ, ಫಿಲ್ಟರ್ ಕಾಫಿ ಇವು ನನ್ನ weakness. ಭೈರಪ್ಪನವರ ಪುಸ್ತಕಗಳ ಅಭಿಮಾನಿ. ಯಂಡಮೂರಿಯವರ ಕಥೆಗಳಿಗೆ ಮಾರುಹೋದವ. ಬೆಳಗೆರೆಯ ಶೈಲಿಗೆ ಭೇಷ್ ಎಂದವ. ರುದ್ರಮೂರ್ತಿ ಶಾಸ್ತ್ರಿಗಳ ಚಾಣಕ್ಯ ನನ್ನ all time favorite.  ಸಿನಿಮಾ ನೋಡಿದಷ್ಟೇ ಶ್ರದ್ಧೆಯಿಂದ ಅದರ ವಿವರಗಳನ್ನು ಕಲೆಹಾಕುವುದು ನನ್ನ ಗೀಳು. ಲೋಕಾಭಿರಾಮವಾಗಿ ಮಾತನಾಡುವಾಗ ನಾನು ನೋಡಿದ ಸಿನಿಮಾಗಳಿಗೆ reference ಕೊಟ್ಟು ಮಾತನಾಡುವುದರಲ್ಲಿ ಏನೋ ಖುಷಿ. ಅದನ್ನು ಅರ್ಥ ಮಾಡಿಕೊಂಡು ಅದರ ಮುಂದಿನ ಡೈಲಾಗ್ ಹೇಳುವ ಸ್ನೇಹಿತ ಎದುರಿಗೆ ಇದ್ದರಂತೂ ಕೇಳುವುದೇ ಬೇಡ.  ನನಗೆ ಸಣ್ಣವಯಸ್ಸಿನಲ್ಲಿ ಓದಿದ ಅಥವಾ ಕೇಳಿದ ನಾಣ್ಣುಡಿಗಳಲ್ಲಿ "ದೇಶ ಸುತ್ತು , ಕೋಶ ಓದು " ಮನಸ್ಸಿಗೆ ಅತ್ಯಂತ ಹತ್ತಿರವಾದದ್ದು. ಇದು ಯಾವ ಫಿಲಾಸಫಿಗೂ ಕಡಿಮೆಯಿಲ್ಲ ಎಂಬುದು ನನ್ನ ಬಲವಾದ ನಂಬಿಕೆ. ಪುಸ್ತಕ ಓದುವುದು ಬಹಳ ಸಣ್ಣ ವಯಸ್ಸಿನಿಂದಲೇ ಸಹಜವಾಗಿ ಬಂದ ಹವ್ಯಾಸ ನನಗೆ. ಆದರೆ ಹೊಸ ಹವ್ಯಾಸವಾಗಿ ಪ್ರವಾಸ ಹೋಗುವುದು (ದೇಶ ಸುತ್ತುವುದು) ಸೇರ್ಪಡೆಯಾದದ್ದು ಬಹುಷಃ ಇಂಜಿನಿಯರಿಂಗ್ ಮುಗಿದಮೇಲೆ. ಇಂಜಿನಿಯರಿಂಗ್ ಓದುವಾಗ ಒಂದೆರಡು ಸ್ಥಳಗಳಿಗೆ ಪ್ರವಾಸ ಮಾಡಿದ್ದರೂ ,ಅದರಲ್ಲಿ ಜೊತೆಯಿದ್ದ ಸ್ನೇಹಿತರ ಸಂಗ ಹೋದ ಸ್ಥಳಗಳಿಗಿಂತ ಹೆಚ್ಚು ಪ್ರಿಯ ಎಂದರೆ ತಪ್ಪಲ್ಲ. ಆ ಸಮಯದಲ್ಲಿ ಆ ಗುಂಪಿನ ಜೊತೆ ಯಾವ ಪ್ರವಾಸಕ್ಕೆ ಹೋಗಿದ್ದರೂ ,ಅಷ್ಟೇ ಖುಷಿಯಿರುತ್ತಿತ್ತು ಎನ್ನುವುದರಲ್ಲಿ ನನಗೆ ಎಳ್ಳಷ್ಟೂ ಅನುಮಾನವಿಲ್ಲ.  ಇನ್ನು ಕ್ರಿಕೆಟ್ ಬಗೆಗೆ ದೇಶದ ಬಹುಜನರ ಹಾಗೆ ನನಗೂ ಕೂಡ ಹುಚ್ಚು. ಸಚಿನ್.. , ಸಚಿನ್.. ಎನ್ನುವುದು ನನ್ನ ಪಾಲಿಗೆ ನಿಜಕ್ಕೂ ಒಂದು ಭಾವನೆ.  ಸ್ವಲ್ಪ ಮುಂಗೋಪಿ , ಪರೋಪಕಾರಿ , 'ಅಯ್ಯೋ ನಿನ್ ಜೊತೆ ಯಾರ್ ವಾದ ಮಾಡ್ತಾರೆ ಗುರು ', ಇವೆಲ್ಲಾ ನನಗೆ ಅನ್ವರ್ಥವಾಗುವ ಕೆಲವು ವಿಶೇಷಣಗಳು(?). ನಾನು ಮಾಡಿದ ಪ್ರವಾಸಗಳ ಅನುಭವ ಹಾಗೂ ನಾನು ಓದಿದ ಪುಸ್ತಕಗಳ ಬಗ್ಗೆ ನನ್ನ ಅನಿಸಿಕೆಗಳನ್ನು ಬರೆಯಬೇಕು ಎಂಬುದು ಸದ್ಯದ ಬಯಕೆ. ಇದೊಂದುಹೊಸ  ಹವ್ಯಾಸವಾಗಿ ನನ್ನಲ್ಲೇ ಉಳಿಯುವ ಆಶಯದೊಂದಿಗೆ ನನ್ನ ಬರಹಗಳನ್ನು ನಿಮ್ಮ ಮುಂದೆ ಇಟ್ಟಿರುವೆ. ಓದಿ , ಹರಸಿ , ಹಾರೈಸಿ....