ನಾವು ಪ್ರತಿಲಿಪಿ ಕಥಾ ಅವಾರ್ಡ್ಸ್ ಸೀಸನ್ 3 ಅನ್ನು ಪ್ರಾರಂಭಿಸಲು ಉತ್ಸುಕರಾಗಿದ್ದೇವೆ. ಇದು 8 ಭಾರತೀಯ ಭಾಷೆಗಳಲ್ಲಿ ಲಭ್ಯವಿದ್ದು, ಬರಹಗಾರರಿಗೆ ತಮ್ಮ ಕಥೆಗಳನ್ನು ವಿಶಾಲವಾದ ಓದುಗರ ಬಳಗಕ್ಕೆ ತಲುಪಿಸಲು ಒಂದು ಉತ್ತಮ ಅವಕಾಶವನ್ನು ನೀಡುತ್ತದೆ.

ನಿಮ್ಮ ಸೃಜನಶೀಲತೆ ಮತ್ತು ಸಾಹಿತ್ಯ ಪ್ರಯಾಣದ ಸಂಕೇತವಾಗಿ ವಿಶೇಷ 'ಪ್ರತಿಲಿಪಿ ಟ್ರೋಫಿ' ನಿಮಗಾಗಿ ಕಾಯುತ್ತಿದೆ.

‘ಪ್ರತಿಲಿಪಿ ಕಥಾ ಅವಾರ್ಡ್ಸ್’ ಸ್ಪರ್ಧೆ ಉದಯೋನ್ಮುಖ ಮತ್ತು ಜನಪ್ರಿಯ ಬರಹಗಾರರು ಇಬ್ಬರಿಗೂ ಸ್ಪರ್ಧೆಯಲ್ಲಿ ಭಾಗವಹಿಸಲು ಮತ್ತು ಕಾದಂಬರಿಗಳನ್ನು  ಸುದೀರ್ಘ ಧಾರಾವಾಹಿಗಳ ರೂಪದಲ್ಲಿ ಸಕ್ರಿಯವಾಗಿ ಬರೆದು ಪ್ರಕಟಿಸಿ; ಓದುಗರು, ಹಿಂಬಾಲಕರು, ಸಬ್ಸ್ಕ್ರೈಬರ್ ಗಳನ್ನು ಅಧಿಕಗೊಳಿಸಿ, ನಿರಂತರ ಆದಾಯ ಗಳಿಕೆಯನ್ನು  ಹೆಚ್ಚಿಸಿಕೊಳ್ಳಲು ಸಹಾಯ ಮಾಡುತ್ತದೆ! 

ವಿಶೇಷವಾದ ಪ್ರತಿಲಿಪಿ ಟ್ರೋಫಿ ನಿಮಗಾಗಿ ಕಾಯುತ್ತಿದೆ! 

*********

ಪ್ರತಿಲಿಪಿ ಕಥಾ ಅವಾರ್ಡ್ಸ್ 3 ನೇ ಆವೃತ್ತಿ ಏಕೆ ವಿಶೇಷವಾಗಿದೆ?

1. ಈ ಬಾರಿ, ಸ್ಪರ್ಧೆಯ ಮೂಲಕ ಕೇವಲ ಜನಪ್ರಿಯ ಲೇಖಕರಾಗಿ ಗುರುತಿಸಲ್ಪಡುವುದು ಮಾತ್ರವಲ್ಲ. ವಿಜೇತರಿಗೆ ವಿಶೇಷ ಪ್ರತಿಲಿಪಿ ಅವಾರ್ಡ್ ದೊರೆಯುತ್ತದೆ. ಇದು ನಿಮ್ಮ ಯಶಸ್ಸಿನ ಸಂಕೇತವಾಗಿದ್ದು, ನಿಮ್ಮ ಸಾಹಿತ್ಯ ಯಾನದಲ್ಲಿ  ಇದು ಸ್ಪೂರ್ತಿ, ಆತ್ಮವಿಶ್ವಾಸ ನೀಡುವ ಗುರುತಾಗಲಿದೆ. ಜೊತೆಗೆ ನಿಮ್ಮ ಈ ಸಾಧನೆಯನ್ನು ನಿಮ್ಮೆಲ್ಲ ಆತ್ಮೀಯರಿಗೆ ವಿವಿಧ ಸಾಮಾಜಿಕ ಜಾಲತಾಣಗಳ ಮೂಲಕ ಪ್ರದರ್ಶಿಸಬಹುದು. 

2. ಎಲ್ಲ ಬರಹಗಾರರಿಗೂ ಅವಕಾಶ: ಪ್ರತಿಲಿಪಿಯಲ್ಲಿ ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ/ಹೊಂದಿರದ ಎಲ್ಲಾ ಬರಹಗಾರರಿಗೆ ಸ್ಪರ್ಧೆಯಲ್ಲಿ  ಭಾಗವಹಿಸಲು ಅವಕಾಶ ನೀಡುತ್ತಿದ್ದೇವೆ. ಎಲ್ಲಾ ಬರಹಗಾರರನ್ನು ಈ ಸ್ಪರ್ಧೆಯಲ್ಲಿ ಭಾಗವಹಿಸಲು ಆಹ್ವಾನಿಸುತ್ತಿದ್ದೇವೆ! 

3. ವಿಶೇಷ ಬಹುಮಾನಗಳು: ವಿಜೇತರಿಗೆ ನಗದು ಬಹುಮಾನ ಮತ್ತು ಅತ್ಯಾಕರ್ಷಕ ಪ್ರತಿಲಿಪಿ ಅವಾರ್ಡ್! ಭಾಗವಹಿಸಿದ ಎಲ್ಲರಿಗೂ ವಿವಿಧ ರೀತಿಯ ಆಕರ್ಷಕ ಬಹುಮಾನಗಳು ಮತ್ತು ಸೌಲಭ್ಯಗಳು ಲಭ್ಯವಾಗಲಿವೆ. 

4. ಪ್ರತಿಲಿಪಿಯ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರಗೊಳ್ಳುವ ಅವಕಾಶ! 

ಪ್ರತಿಲಿಪಿ ಸ್ಪರ್ಧೆಗಳ ತೀರ್ಪು ಮತ್ತು ಫಲಿತಾಂಶ ಪ್ರಕಟಣೆಯ ಪ್ರಕ್ರಿಯೆ

ಪ್ರತಿಲಿಪಿಯಲ್ಲಿ, ಯಾವುದೇ ಸ್ಪರ್ಧೆಯ ಫಲಿತಾಂಶಗಳನ್ನು ಸಿದ್ಧಪಡಿಸುವಾಗ ಸಮರ್ಪಣೆ, ಬದ್ಧತೆ ಮತ್ತು ಪ್ರಾಮಾಣಿಕತೆಯಿಂದ ಕಾರ್ಯ ನಿರ್ವಹಿಸುತ್ತೇವೆ. ತೀರ್ಪು ಮತ್ತು ಫಲಿತಾಂಶದ ಕುರಿತು ನಾವು ಅತ್ಯಂತ ಜಾಗರೂಕರಾಗಿದ್ದೇವೆ.

ಸಂಪೂರ್ಣ ಪಾರದರ್ಶಕತೆಯನ್ನು ಖಚಿತಪಡಿಸಿಕೊಳ್ಳಲು, ನಾವು ನಮ್ಮ ಎಲ್ಲಾ ಬರಹಗಾರರೊಂದಿಗೆ ವಿವರವಾದ ಫಲಿತಾಂಶ ತಯಾರಿಕೆ ಪ್ರಕ್ರಿಯೆಯನ್ನು ಹಂಚಿಕೊಳ್ಳುತ್ತಿದ್ದೇವೆ. ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

(ಸ್ಪರ್ಧೆಯ ಫಲಿತಾಂಶವನ್ನು ವೀಕ್ಷಿಸುವುದು ಹೇಗೆ?)

*********

ಬಹುಮಾನಗಳ ವಿವರ

1. ತೀರ್ಪುಗಾರರ ಆಯ್ಕೆ:

→ ಪ್ರಥಮ ಸ್ಥಾನ: 15,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಟ್ರೋಫಿ + ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು + ಪ್ರತಿಲಿಪಿ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಜೇತ ಕತೆಯನ್ನು 24 ಗಂಟೆಗಳ ಕಾಲ ಪ್ರಚಾರ ಮಾಡಲಾಗುವುದು
→ ದ್ವಿತೀಯ ಸ್ಥಾನ: 7,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಟ್ರೋಫಿ + ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು + ಪ್ರತಿಲಿಪಿ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಜೇತ ಕತೆಯನ್ನು 24 ಗಂಟೆಗಳ ಕಾಲ ಪ್ರಚಾರ ಮಾಡಲಾಗುವುದು
→ ತೃತೀಯ ಸ್ಥಾನ: 5,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಟ್ರೋಫಿ + ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು + ಪ್ರತಿಲಿಪಿ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಜೇತ ಕತೆಯನ್ನು 24 ಗಂಟೆಗಳ ಕಾಲ ಪ್ರಚಾರ ಮಾಡಲಾಗುವುದು
→ 4 ಮತ್ತು 5 ನೆಯ ಸ್ಥಾನ: ತಲಾ 3,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಟ್ರೋಫಿ + ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು
→ 6 ರಿಂದ 10 ಸ್ಥಾನ ವಿಜೇತರಿಗೆ: ತಲಾ 1,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಟ್ರೋಫಿ + ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು

→ 11 ರಿಂದ 20 ಸ್ಥಾನ ವಿಜೇತರಿಗೆ: ಬ್ಲಾಗ್ ವಿಭಾಗದಲ್ಲಿ ವಿಶೇಷವಾಗಿ ಗುರುತಿಸಿ ಗೌರವಿಸಲಾಗುವುದು + ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು 

2. ಓದುಗರ ಮೆಚ್ಚುಗೆ ಪಡೆದ ಲೇಖಕರಿಗೆ:

→ ಸ್ಪರ್ಧೆಗೆ 100 ಕ್ಕೂ ಅಧಿಕ ಅಧ್ಯಾಯಗಳ ಸಂಪೂರ್ಣ ಧಾರಾವಾಹಿಯನ್ನು ಪ್ರಕಟಿಸುವ ಬರಹಗಾರರನ್ನು ಬ್ಲಾಗ್ ವಿಭಾಗದಲ್ಲಿ ವಿಶೇಷವಾಗಿ ಗುರುತಿಸಿ ಗೌರವಿಸಲಾಗುವುದು ಮತ್ತು ಪ್ರತಿಲಿಪಿ ಕಡೆಯಿಂದ ಪ್ರತಿಷ್ಠಿತ ‘ಸಾಹಿತ್ಯ ಸನ್ಮಾನ ಪತ್ರ’ವನ್ನು ಈಮೇಲ್ ಮೂಲಕ ಕಳುಹಿಸಲಾಗುವುದು.

→ ಇವುಗಳಲ್ಲಿ, ಟಾಪ್ 5 ಧಾರಾವಾಹಿಗಳ (ರೀಡರ್ ಎಂಗೇಜ್‌ಮೆಂಟ್ ಆಧರಿಸಿ) ಕರ್ತೃಗಳಿಗೆ ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಟ್ರೋಫಿಯನ್ನು ಅವರು ನೀಡುವ ವಿಳಾಸಕ್ಕೆ ಕೋರಿಯರ್ ಮೂಲಕ ಕಳುಹಿಸಲಾಗುವುದು.

3. ಭಾಗವಹಿಸುವ ಎಲ್ಲಾ ಬರಹಗಾರರಿಗೆ ಸಿಗುವ ಪ್ರಯೋಜನಗಳು:

→ ಭಾಗವಹಿಸುವ ಎಲ್ಲರಿಗೂ ಭಾಗವಹಿಸುವಿಕೆಯ ಡಿಜಿಟಲ್ ಪ್ರಮಾಣಪತ್ರವನ್ನು ಈಮೇಲ್ ಮೂಲಕ ಕಳುಹಿಸಲಾಗುವುದು.
→ ಸ್ಪರ್ಧೆಯ ಕೃತಿಗಳನ್ನು ಫೇಸ್ಬುಕ್ ಪೇಜ್’ನಲ್ಲಿ ಪ್ರಚಾರ ಮಾಡಲಾಗುವುದು.
→ ಸ್ಪರ್ಧೆಯ ಕೃತಿಗಳನ್ನು ಪ್ರತಿಲಿಪಿ ಅಪ್ಲಿಕೇಶನ್'ನ ಹೋಂ ಪೇಜಿನಲ್ಲಿ ಬ್ಯಾನರ್ ಮೂಲಕ ಪ್ರಚಾರ ಮಾಡಲಾಗುವುದು.
→ ಪ್ರತಿಲಿಪಿ ಪ್ರೀಮಿಯಂ ಅಡಿಯಲ್ಲಿ ಕೃತಿಗಳನ್ನು ಬರೆಯುವುದರ ಮೂಲಕ ಪ್ರತಿ ತಿಂಗಳೂ ಆದಾಯ ಗಳಿಸುವ ಅವಕಾಶ.

*********

ಸ್ಪರ್ಧೆಯ ನಿಯಮಗಳು

1. ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ ಬರಹಗಾರರಿಗಾಗಿ: ನಿಮ್ಮ ಕೃತಿ ಸ್ಪರ್ಧೆಗೆ ಪರಿಗಣಿಸಲ್ಪಡಲು ಕಡ್ಡಾಯವಾಗಿ ಪ್ರೀಮಿಯಂ ಅಡಿಯಲ್ಲಿ ಪ್ರಕಟಿಸಬೇಕು. (ಕೃತಿಯನ್ನು ಪ್ರೀಮಿಯಂ ಧಾರಾವಾಹಿಯಾಗಿ ಪ್ರಕಟಿಸುವ ಮಾರ್ಗದರ್ಶಿ)

2. ಗೋಲ್ಡನ್ ಬ್ಯಾಡ್ಜ್ ಹೊಂದಿರದ ಬರಹಗಾರರಿಗಾಗಿ: ನೀವು ಗೋಲ್ಡನ್ ಬ್ಯಾಡ್ಜ್ ಹೊಂದಿರದ ಬರಹಗಾರರಾಗಿದ್ದರೂ ಸಹ ಎಲ್ಲಾ ನಿಯಮಗಳನ್ನು ಅನುಸರಿಸಿ ನಿಮ್ಮ ಕೃತಿಯನ್ನು ಧಾರಾವಾಹಿಯಾಗಿ ಪ್ರಕಟಿಸಬಹುದು. (ಕೃತಿಯನ್ನು ಧಾರಾವಾಹಿಯಾಗಿ ಪ್ರಕಟಿಸುವ ಮಾರ್ಗದರ್ಶಿ)

3. ಅಧ್ಯಾಯಗಳ ಮಿತಿ: ನಿಮ್ಮ ಧಾರಾವಾಹಿ ಕನಿಷ್ಠ 80 ಅಧ್ಯಾಯಗಳನ್ನು ಹೊಂದಿರಬೇಕು. ಗರಿಷ್ಠ ಮಿತಿಯಿಲ್ಲ. 

4. ಪದಮಿತಿ: ಪ್ರತಿ ಅಧ್ಯಾಯ ಕನಿಷ್ಠ 1000 ಪದಗಳನ್ನು ಹೊಂದಿರಬೇಕು. ಗರಿಷ್ಠ ಮಿತಿಯಿಲ್ಲ. (ಪದಸಂಖ್ಯೆಗಳನ್ನು ಗುರುತಿಸುವ ಮಾರ್ಗದರ್ಶಿ)

5. ಕೃತಿಗಳನ್ನು ಸಲ್ಲಿಸಲು ಕಡ್ಡಾಯ ಸೂಚನೆ: ಬರಹದ ವಿಧ -'ಕಥೆ' ಮತ್ತು ಪ್ರಭೇದ- 'ಪ್ರತಿಲಿಪಿ ಅವಾರ್ಡ್ಸ್ 3' ಆಯ್ಕೆ ಮಾಡಬೇಕು. ಈ ಪ್ರಭೇದವನ್ನು ಆಯ್ಕೆ ಮಾಡದಿದ್ದಲ್ಲಿ ಕೃತಿಯನ್ನು ಸ್ಪರ್ಧೆಗೆ ಪರಿಗಣಿಸಲಾಗುವುದಿಲ್ಲ. ಇದರ ಜೊತೆಗೆ ಕತೆಗೆ ಸೂಕ್ತವೆನಿಸುವ ಇತರ ಎರಡು ಪ್ರಭೇದಗಳನ್ನು ಆಯ್ಕೆ ಮಾಡಬಹುದು. (ಪ್ರಭೇದಗಳನ್ನು ಆಯ್ಕೆ ಮಾಡುವ ಮಾರ್ಗದರ್ಶಿ)

6. ಕಥಾವಸ್ತು: ನಿಮ್ಮಿಷ್ಟದ ಯಾವುದೇ ವಿಷಯ, ಕಥಾಹಂದರದ ಮೇಲೆ ಧಾರಾವಾಹಿಗಳನ್ನು ರಚಿಸಬಹುದು. 

7. ವಿಶೇಷ ಸೂಚನೆ: ನಿಮ್ಮ ಕೃತಿ ಸ್ಪರ್ಧೆಯ ಸ್ಪರ್ಧೆಯ ಕಾಲಾವಧಿಯೊಳಗೆ ಪ್ರಕಟಗೊಳ್ಳಬೇಕು. ಸ್ಪರ್ಧೆಯ ಮುಕ್ತಾಯದ ದಿನಾಂಕದೊಳಗೆ ಎಲ್ಲಾ ನಿಯಮಗಳನ್ನು ಅನುಸರಿಸಿ ಮುಕ್ತಾಯಗೊಂಡಿರಬೇಕು; ಕೃತಿಯನ್ನು ಎಡಿಟ್ ಮಾಡುವಲ್ಲಿ ಹೋಗಿ ‘ಮುಗಿದಿದೆ’ ಎಂದು ಆಯ್ಕೆ ಮಾಡಿರಬೇಕು. ಅಪೂರ್ಣ ಕೃತಿಗಳನ್ನು ಸ್ಪರ್ಧೆಗೆ ಪರಿಗಣಿಸಲು ಸಾಧ್ಯವಾಗುವುದಿಲ್ಲ.  

ಸಲಹೆ: ಮೊದಲ ಅಧ್ಯಾಯದಿಂದಲೇ ನಿಮ್ಮ ಕಥೆಯನ್ನು ಸ್ವಾಭಾವಿಕವಾಗಿ ಪ್ರಾರಂಭಿಸಿ. ಮುನ್ನುಡಿ, ಪರಿಚಯ ಮತ್ತು ಹೆಚ್ಚುವರಿ ಟಿಪ್ಪಣಿಗಳನ್ನು ಧಾರಾವಾಹಿಯ ಅಧ್ಯಾಯಗಳಾಗಿ ಪ್ರಕಟಿಸುವುದನ್ನು ತಪ್ಪಿಸಿ.(ಹೆಚ್ಚಿನ ಮಾಹಿತಿಗಾಗಿ ಈ ವಿಡಿಯೋವನ್ನು ವೀಕ್ಷಿಸಿ)

********* 

 ಪ್ರಮುಖ ದಿನಾಂಕಗಳು

1. ಸ್ಪರ್ಧೆಯ ಪ್ರಾರಂಭದ ದಿನಾಂಕ: 25 ಜೂನ್ 2026

2. ಸ್ಪರ್ಧೆಯ ಮುಕ್ತಾಯದ ದಿನಾಂಕ: 24 ನವೆಂಬರ್ 2026

3. ಫಲಿತಾಂಶ ಘೋಷಣೆಯ ದಿನಾಂಕ: 27 ಜನವರಿ 2027 ಸಂಜೆ 5 ಗಂಟೆಯ ಒಳಗೆ. ಭಾಗವಹಿಸಿದ ಎಲ್ಲರಿಗೂ ಫಲಿತಾಂಶವನ್ನು ಈಮೇಲ್ ಮೂಲಕ ಕಳುಹಿಸಲಾಗುವುದು. 

ಸೂಚನೆ: ಸ್ಪರ್ಧೆಯ ಮುಕ್ತಾಯದ ದಿನಾಂಕದ ನಂತರ ಸ್ಪರ್ಧೆಯ ಕೃತಿಗಳನ್ನು ಪ್ರತಿಲಿಪಿ ಅಪ್ಲಿಕೇಶನ್’ನ ಹೋಂ ಪೇಜ್ ಮತ್ತು ಫೇಸ್ಬುಕ್ ಪೇಜಿನಲ್ಲಿ ಪ್ರಚಾರ ಮಾಡಲಾಗುವುದು. 

*********

ಸ್ಪರ್ಧೆಯ ಕುರಿತು ಯಾವುದೇ ಗೊಂದಲ, ಸಮಸ್ಯೆ, ಅನುಮಾನಗಳಿದ್ದಲ್ಲಿ [email protected] ಗೆ ಈಮೇಲ್ ಕಳುಹಿಸುವುದರ ಮೂಲಕ ನೀವು ನಮ್ಮನ್ನು ಸಂಪರ್ಕಿಸಬಹುದು. ನಮ್ಮ ತಂಡ ನಿಮ್ಮ ಸಮಸ್ಯೆಯನ್ನು 24 ಗಂಟೆಗಳ ಒಳಗೆ ಪರಿಹರಿಸಲು ಪ್ರಯತ್ನಿಸುತ್ತದೆ.

ಪ್ರತಿಲಿಪಿ ಓದುಗ ಸಮುದಾಯದಲ್ಲಿ ನಿಮ್ಮ ಕತೆಗಳ ಶಾಶ್ವತವಾದ ಛಾಪು ಮೂಡಿಸಲು ಈ ಸುವರ್ಣಾವಕಾಶವನ್ನು ಬಳಸಿಕೊಳ್ಳಿ. ನೀವು ಪ್ರಕಟಿಸುವ ಪ್ರತಿಯೊಂದು ಅಧ್ಯಾಯ, ನೀವು ಬರೆಯುವ ಪ್ರತಿಯೊಂದು ಪದವು ನಿಮ್ಮನ್ನು ಯಶಸ್ಸಿನತ್ತ ಒಂದು ಹೆಜ್ಜೆ ಹತ್ತಿರಕ್ಕೆ ಕೊಂಡೊಯ್ಯುತ್ತದೆ.

ಈ ಸ್ಪರ್ಧೆಯ ವಿವರಗಳನ್ನು ನಿಮಗೆ ತಿಳಿದಿರುವ ಇತರ ಬರಹಗಾರರೊಂದಿಗೆ ಹಂಚಿಕೊಳ್ಳಲು ಮರೆಯಬೇಡಿ. ನಿಮ್ಮ ಒಂದು ಹಂಚಿಕೆಯು ಯಾರೊಬ್ಬರ ಬರವಣಿಗೆಯ ವೃತ್ತಿಜೀವನವನ್ನು ವಿಶೇಷವಾಗಿಸಬಹುದು!

ಶುಭವಾಗಲಿ!
ಪ್ರತಿಲಿಪಿ ಸ್ಪರ್ಧಾ ವಿಭಾಗ