ಪ್ರತಿಲಿಪಿ
ಎಂದಾದರೂ ನಿಮ್ಮ ಹವ್ಯಾಸವಾದ ಬರವಣಿಗೆಯನ್ನು ವೃತ್ತಿಯನ್ನಾಗಿ ರೂಪಿಸಿಕೊಳ್ಳುವ ಕನಸನ್ನು ಕಂಡಿರುವಿರಾ? ನಿಮ್ಮ ಕಾಯುವಿಕೆ ಈಗ ಮುಕ್ತಾಯಗೊಂಡಿದೆ!
‘ಪ್ರತಿಲಿಪಿ ಕ್ರಿಯೇಟರ್ಸ್ ಪ್ರೋಗ್ರಾಮ್’ನ ಮುಂದುವರೆದ ಭಾಗವಾಗಿ ಆಯೋಜಿಸಿರುವ ‘ಪ್ರತಿಲಿಪಿ ಕ್ರಿಯೇಟರ್ಸ್ ರೈಟಿಂಗ್ ಚಾಲೆಂಜ್’ನಲ್ಲಿ ಭಾಗವಹಿಸಿ. ಈ ತರಬೇತಿಯು ನಮ್ಮ ಲೇಖಕ/ಲೇಖಕಿಯರು ಡಿಜಿಟಲ್ ಮಾದ್ಯಮದಲ್ಲಿ ಹೆಚ್ಚು ಓದುಗರನ್ನು ಗಳಿಸುವುದಕ್ಕೆ ಸೂಕ್ತ ಮಾರ್ಗದರ್ಶನ ನೀಡುತ್ತದೆ.
----------
ನೀವು ನಮ್ಮ ತರಬೇತಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳದಿದ್ದಲ್ಲಿ ಈ ಕೆಳಗಿನ ರೆಕಾರ್ಡಿಂಗ್’ಗಳನ್ನು ವೀಕ್ಷಿಸಿ ಹೆಚ್ಚಿನ ಮಾಹಿತಿಗಳನ್ನು ಪಡೆಯಬಹುದು. ಜೊತೆಗೆ ರೈಟಿಂಗ್ ಚಾಲೆಂಜ್’ಗೆ ನಿಮ್ಮ ಕೃತಿಯನ್ನು ಇಂದೇ ಬರೆಯಲು ಆರಂಭಿಸಿ!
(1) ಅಧಿಕ ಆದಾಯ ಗಳಿಸುವ ಧಾರಾವಾಹಿಗಳನ್ನು ಬರೆಯುವುದು ಹೇಗೆ?
(2) ಓದುಗರನ್ನು ಆಕರ್ಷಿಸಲು ಜನಪ್ರಿಯ ಕಥಾವಿಷಯಗಳು; ಕ್ಲಿಫ್'ಹ್ಯಾಂಗರ್ ಮತ್ತು ಕೊಂಡಿಗಳ ಬಳಕೆ
(3) ರೈಟರ್ಸ್ ಬ್ಲಾಕ್'ಅನ್ನು ಸಮರ್ಥವಾಗಿ ಎದುರಿಸಿ ಧಾರಾವಾಹಿಗಳನ್ನು ವಿಸ್ತರಿಸಲು ಕೆಲವು ವಿಧಾನಗಳು
(4) ಓದುಗರನ್ನು ನಿಮ್ಮ ಕತೆಯಲ್ಲಿ ಹೆಚ್ಚು ತೊಡಗಿಕೊಳ್ಳುವಂತೆ ಮಾಡುವುದು ಹೇಗೆ?
=> ತರಬೇತಿಯ ಪಿಡಿಎಫ್’ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
----------
ಭಾಗವಹಿಸುವ ವಿಧಾನ
ರೈಟಿಂಗ್ ಚಾಲೆಂಜ್’ನಲ್ಲಿ ಭಾಗವಹಿಸಲು ನೀವು ಈ ಕೆಳಗಿನ ಯಾವುದೇ ವಿಧಾನವನ್ನು ಅನುಸರಿಸಬಹುದು:
1. ಹೊಸ ಧಾರಾವಾಹಿ: ಹೊಸ ಕತೆ ಅಥವಾ ಹೊಸ ಸೀಸನ್’ಅನ್ನು ಬರೆಯಬಹುದು.
2. ಮುಂದುವರೆಯುತ್ತಿರುವ ಧಾರಾವಾಹಿ: ನಿಮ್ಮ ಮುಂದುವರೆಯುತ್ತಿರುವ ಧಾರಾವಾಹಿಗೆ ಹೊಸ ಅಧ್ಯಾಯಗಳನ್ನು ಪ್ರಕಟಿಸುವುದರ ಮೂಲಕ ಭಾಗವಹಿಸಬಹುದು.
3. ಅನುಕೂಲಕರ ಕಾಲಾವಧಿ: ರೈಟಿಂಗ್ ಚಾಲೆಂಜ್’ನ ಕಾಲಾವಧಿಯೊಳಗೆ ನಿಮ್ಮ ಧಾರಾವಾಹಿ ಸಂಪೂರ್ಣಗೊಳ್ಳಲೇಬೇಕೆಂಬ ನಿಯಮವಿಲ್ಲ. ರೈಟಿಂಗ್ ಚಾಲೆಂಜ್ ಮುಗಿದ ನಂತರವೂ ನೀವು ಇಚ್ಛಿಸಿದಲ್ಲಿ ನಿಮ್ಮ ಧಾರಾವಾಹಿಯನ್ನು ಮುಂದುವರೆಸಬಹುದು. ಆದರೆ ಮುಕ್ತಾಯದ ದಿನಾಂಕದೊಳಗೆ ನಿಮ್ಮ ಕೃತಿ ಕನಿಷ್ಠ 50 ಅಧ್ಯಾಯಗಳನ್ನು ಹೊಂದಿರಬೇಕು.
----------
ಬಹುಮಾನಗಳು
→ 80 ಅಥವಾ 80 ಕ್ಕೂ ಅಧಿಕ ಅಧ್ಯಾಯಗಳ ಧಾರಾವಾಹಿ ರಚಿಸುವವರಿಗೆ:
1. ಭೌತಿಕ ಪ್ರಮಾಣಪತ್ರ: ರೈಟಿಂಗ್ ಚಾಲೆಂಜ್’ನ ಕಾಲಾವಧಿಯೊಳಗೆ ಕನಿಷ್ಠ 80 ಹೊಸ ಅಧ್ಯಾಯಗಳನ್ನು ಯಶಸ್ವಿಯಾಗಿ ಪ್ರಕಟಿಸುವ ಬರಹಗಾರರಿಗೆ ಅವರು ನೀಡುವ ವಿಳಾಸಕ್ಕೆ ‘ಪ್ರತಿಲಿಪಿ ಕ್ರಿಯೇಟರ್ ಪ್ರೋಗ್ರಾಮ್’ ಭೌತಿಕ ಪ್ರಮಾಣಪತ್ರವನ್ನು ಕೋರಿಯರ್ ಮೂಲಕ ಕಳುಹಿಸಲಾಗುತ್ತದೆ.
2. ಪ್ರತಿಲಿಪಿ ಕುಟುಂಬದೊಂದಿಗೆ ಸಂದರ್ಶನವನ್ನು ಹಂಚಿಕೊಳ್ಳಲು ವಿಶೇಷ ಅವಕಾಶ: ಬರಹಗಾರರ ಸಂದರ್ಶನವನ್ನು ಪ್ರತಿಲಿಪಿ ಕುಟುಂಬದೊಂದಿಗೆ ಹಂಚಿಕೊಳ್ಳಲಾಗುತ್ತದೆ. ಇದು ಕೇವಲ ಸಂದರ್ಶನ ಮಾತ್ರವಲ್ಲ, ನಿಮ್ಮ ಪರಿಚಯ, ಕಲ್ಪನಾ ಪ್ರಪಂಚ, ಸಾಹಿತ್ಯ ಪ್ರಯಾಣ ಎಲ್ಲವನ್ನೂ ಇತರರಿಗೆ ಪರಿಚಯಿಸಲಾಗುವುದು. ನಿಮ್ಮ ಭಾವಚಿತ್ರ, ಕತೆಯ ಸಾರಾಂಶವನ್ನೆಲ್ಲ ಪ್ರತಿಲಿಪಿಯ ಬಳಗದೊಂದಿಗೆ ಹಂಚಿಕೊಳ್ಳಲಾಗುತ್ತದೆ.
→ 50 ಅಥವಾ 50 ಕ್ಕೂ ಅಧಿಕ ಅಧ್ಯಾಯಗಳ ಧಾರಾವಾಹಿ ರಚಿಸುವವರಿಗೆ:
1. ಡಿಜಿಟಲ್ ಪ್ರಮಾಣಪತ್ರ: ರೈಟಿಂಗ್ ಚಾಲೆಂಜ್’ನ ಕಾಲಾವಧಿಯೊಳಗೆ ಕನಿಷ್ಠ 50 ಹೊಸ ಅಧ್ಯಾಯಗಳನ್ನು ಯಶಸ್ವಿಯಾಗಿ ಪ್ರಕಟಿಸುವ ಬರಹಗಾರರಿಗೆ ‘ಪ್ರತಿಲಿಪಿ ಕ್ರಿಯೇಟರ್ ಪ್ರೋಗ್ರಾಮ್’ ಡಿಜಿಟಲ್ ಪ್ರಮಾಣಪತ್ರವನ್ನು ಅವರ ಈಮೇಲ್ ವಿಳಾಸಕ್ಕೆ ಕಳುಹಿಸಲಾಗುತ್ತದೆ.
→ ಭಾಗವಹಿಸಿದ ಎಲ್ಲಾ ಬರಹಗಾರರಿಗೆ:
1. ಪ್ರಚಾರ: ಕಾರ್ಯಕ್ರಮದ ಭಾಗವಾಗಿ ನೀವು ರಚಿಸುವ ಕೃತಿಯನ್ನು ಪ್ರತಿಲಿಪಿ ಫೇಸ್ಬುಕ್ ಪೇಜಿನಲ್ಲಿ ಮತ್ತು ಹೋಂ ಪೇಜಿನಲ್ಲಿ ಬ್ಯಾನರ್ ಮೂಲಕ ಪ್ರಚಾರ ಮಾಡಲಾಗುವುದು.
2. ತರಬೇತಿ ಸಾಮಗ್ರಿಗಳು: ತರಬೇತಿಯನ್ನು ಪೂರ್ಣಗೊಳಿಸಿದ ನಂತರ ಎಲ್ಲಾ ತರಬೇತಿ ಸಾಮಗ್ರಿ ಮತ್ತು ವೀಡಿಯೋಗಳನ್ನು ಯಾವಾಗ ಬೇಕಾದರೂ ವೀಕ್ಷಿಸಲು ಅವಕಾಶವಿರುತ್ತದೆ.
3. ಖಚಿತ ಆದಾಯ: ನಿಮ್ಮ ಕೃತಿಯನ್ನು ಪ್ರತಿಲಿಪಿ ಪ್ರೀಮಿಯಂಗೆ ಅಡಿಯಲ್ಲಿ ಪ್ರಕಟಿಸುವುದರ ಮೂಲಕ ನೀವು ಪ್ರತಿ ತಿಂಗಳೂ ಖಚಿತ ಆದಾಯ ಗಳಿಸುವ ಅವಕಾಶ ಪಡೆಯಬಹುದು.
----------
ನಿಯಮಗಳು ಮತ್ತು ಮಾರ್ಗದರ್ಶನ
1. ಹೊಸ ಅಥವಾ ಮುಂದುವರೆಯುತ್ತಿರುವ ಧಾರಾವಾಹಿ: 50/80 ಅಧ್ಯಾಯಗಳ ಹೊಸ ಧಾರಾವಾಹಿ ಅಥವಾ ಹೊಸ ಸೀಸನ್ ಅಥವಾ ಈಗಾಗಲೇ ಪ್ರಕಟಿಸಿ ಮುಕ್ತಾಯಗೊಂಡಿರುವ/ಮುಂದುವರೆಯುತ್ತಿರುವ ಧಾರಾವಾಹಿಗೂ ಸಹ ಹೊಸದಾಗಿ 50/80 ಅಧ್ಯಾಯಗಳನ್ನು ಸೇರಿಸಬಹುದು.
2. ಕಥಾವಸ್ತು: ನಿಮ್ಮಿಷ್ಟದ ಯಾವುದೇ ವಿಷಯ, ಕಥಾಹಂದರದ ಮೇಲೆ ಧಾರಾವಾಹಿಗಳನ್ನು ರಚಿಸಬಹುದು. ವಿಷಯವಸ್ತು ಆಯ್ಕೆ, ಪ್ರಭೇದ ಮತ್ತು ಕಥಾಹಂದರದ ಆಯ್ಕೆ ಸಂಪೂರ್ಣ ನಿಮ್ಮದಾಗಿರುತ್ತದೆ!
3. ಸ್ಪರ್ಧೆಯ ಕಾಲಾವಕಾಶ: ಎಲ್ಲ 50 ಅಥವಾ 80 ಅಧ್ಯಾಯಗಳೂ 8 ಜುಲೈ 2024 ಮತ್ತು 15 ನವೆಂಬರ್ 2024 ರ ನಡುವೆ ಪ್ರಕಟಗೊಂಡಿರಬೇಕು. ರೈಟಿಂಗ್ ಚಾಲೆಂಜ್ ಮುಗಿದ ನಂತರವೂ ನೀವು ಇಚ್ಛಿಸಿದಲ್ಲಿ ನಿಮ್ಮ ಧಾರಾವಾಹಿಯನ್ನು ಮುಂದುವರೆಸಬಹುದು. ಆದರೆ ಸ್ಪರ್ಧೆಯ ಕಾಲಾವಧಿಯೊಳಗೆ ನಿಮ್ಮ ಕೃತಿ ಕನಿಷ್ಠ 50/80 ಹೊಸ ಅಧ್ಯಾಯಗಳನ್ನು ಹೊಂದಿರಬೇಕು.
4. ಕೃತಿಗಳನ್ನು ಸಲ್ಲಿಸಲು ಕಡ್ಡಾಯ ಸೂಚನೆ: ಬರಹದ ವಿಧ -'ಕಥೆ' ಮತ್ತು ಪ್ರಭೇದ- 'ಪ್ರತಿಲಿಪಿ ಕ್ರಿಯೇಟರ್ಸ್ ರೈಟಿಂಗ್ ಚಾಲೆಂಜ್' ಆಯ್ಕೆ ಮಾಡಬೇಕು. ಈ ಪ್ರಭೇದವನ್ನು ಆಯ್ಕೆ ಮಾಡದಿದ್ದಲ್ಲಿ ಕೃತಿಯನ್ನು ಸ್ಪರ್ಧೆಗೆ ಪರಿಗಣಿಸಲಾಗುವುದಿಲ್ಲ.
5. ಪದಸಂಖ್ಯೆ: ಪ್ರತಿ ಅಧ್ಯಾಯದಲ್ಲಿ ಕನಿಷ್ಠ 800 ಪದಗಳಿರಬೇಕು. ಗರಿಷ್ಟ ಮಿತಿ ಇರುವುದಿಲ್ಲ.
6. ಈಗಾಗಲೇ ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ ಬರಹಗಾರರಿಗೆ: ಸ್ಪರ್ಧೆಗೆ ನಿಮ್ಮ ಕೃತಿಯನ್ನು ಪರಿಗಣಿಸಲು, ನೀವು ನಿಮ್ಮ ಧಾರಾವಾಹಿಯನ್ನು ಪ್ರೀಮಿಯಂ ಸಬ್ಸ್ಕ್ರ್ಶಿಪ್ಷನ್ ಕಾರ್ಯಕ್ರಮದಡಿಯಲ್ಲಿ ದಾಖಲಿಸಬೇಕು.
7. ಗೋಲ್ಡನ್ ಬ್ಯಾಡ್ಜ್ ಹೊಂದಿರದ ಬರಹಗಾರರಿಗೆ: ನೀವು ಗೋಲ್ಡನ್ ಬ್ಯಾಡ್ಜ್ ಹೊಂದಿರದ ಬರಹಗಾರರಾಗಿದಲ್ಲಿ ಸಹ ಎಂದಿನಂತೆ ಧಾರಾವಾಹಿ ಪ್ರಕಟಿಸಿ ರೈಟಿಂಗ್ ಚಾಲೆಂಜ್’ನಲ್ಲಿ ಭಾಗವಹಿಸಬಹುದು.
8. ಗಮನಿಸಿ: ಬೇರೆ ಯಾವುದೇ ಸ್ಪರ್ಧೆಯ ಪ್ರಭೇದವನ್ನು ಧಾರಾವಾಹಿಯ ಯಾವುದೇ ಅಧ್ಯಾಯ ಪ್ರಕಟಿಸುವಾಗ ಆಯ್ಕೆ ಮಾಡಬೇಡಿ.
=> ಸಲಹೆ: ನಿಮ್ಮ ಧಾರಾವಾಹಿಯನ್ನು ಮೊದಲ ಅಧ್ಯಾಯದಿಂದಲೇ ಪ್ರಕಟಿಸಿ. ಮೊದಲ ಅಧ್ಯಾಯದಲ್ಲಿ ಮುನ್ನುಡಿ, ಟ್ರೈಲರ್ ಅಥವಾ ಇನ್ಯಾವುದೇ ಹೆಚ್ಚಿನ ಮಾಹಿತಿ ನೀಡುವುದನ್ನು ದಯವಿಟ್ಟು ನಿಲ್ಲಿಸಿ.
----------
ಮುಖ್ಯ ದಿನಾಂಕಗಳು
→ ಪ್ರಾರಂಭದ ದಿನಾಂಕ: 8 ಜುಲೈ 2024
→ ಮುಕ್ತಾಯದ ದಿನಾಂಕ: 15 ನವೆಂಬರ್ 2024
→ ಫಲಿತಾಂಶದ ಕುರಿತು: ಚಾಲೆಂಜ್ ಮುಗಿಸುವ ಪ್ರತಿ ಬರಹಗಾರ/ಬರಹಗಾರ್ತಿಯೂ ಸೂಕ್ತ ರೀತಿಯಲ್ಲಿ ಸನ್ಮಾನಿಸಲ್ಪಡುತ್ತಾರೆ. ಇದರಲ್ಲಿ ಯಾವುದೇ ಶ್ರೇಣಿ ಅಥವಾ ಫಲಿತಾಂಶ ನೀಡುವ ವ್ಯವಸ್ಥೆ ಇರುವುದಿಲ್ಲ.
→ ಸೂಚನೆ: ರೈಟಿಂಗ್ ಚಾಲೆಂಜ್ ಮುಕ್ತಾಯವಾದ 4 ವಾರಗಳಲ್ಲಿ ನಿಮ್ಮ ಕೃತಿಗಳನ್ನು ಪ್ರತಿಲಿಪಿ ಫೇಸ್ಬುಕ್ ಪೇಜಿನಲ್ಲಿ ಮತ್ತು ಹೋಂ ಪೇಜಿನಲ್ಲಿ ಬ್ಯಾನರ್ ಮೂಲಕ ಪ್ರಚಾರ ಮಾಡಲಾಗುವುದು.
----------
ಉಪಯುಕ್ತ ಮಾಹಿತಿಗಳು
=> ಸ್ಪರ್ಧೆಯಲ್ಲಿ ಭಾಗವಹಿಸಲು ಕೃತಿಗಳನ್ನು ಸಲ್ಲಿಸುವ ವಿಧಾನ- ಸ್ವಪ್ರಕಾಶನ ಮಾರ್ಗದರ್ಶಿ
=> ಇಲ್ಲಿ ನೀಡಲಾಗಿರುವ ಸಂಪನ್ಮೂಲಗಳನ್ನು ಸದುಪಯೋಗಪಡಿಸಿಕೊಂಡು ಅತ್ಯುತ್ತಮ ಕೃತಿ ರಚಿಸಿ, ಯಶಸ್ಸು ಗಳಿಸಿ
----------
ಈ ರೈಟಿಂಗ್ ಚಾಲೆಂಜ್’ನಲ್ಲಿ ತಪ್ಪದೇ ಭಾಗವಹಿಸಿ ಮತ್ತು ಭಾರತದ ಅತಿದೊಡ್ಡ ಸಾಹಿತ್ಯ ವೇದಿಕೆಯಾದ ಪ್ರತಿಲಿಪಿಯ ಮೂಲಕ ಪ್ರಮಾಣೀಕೃತ ಪ್ರತಿಲಿಪಿ ಕ್ರಿಯೇಟರ್ ಆಗಿ ಗುರುತಿಸಿಕೊಂಡು ನಿಮ್ಮ ಬರವಣಿಗೆಯನ್ನು ವೃತ್ತಿಯಾಗಿಸಿಕೊಳ್ಳಿ. ಅತ್ಯುತ್ತಮ ಕೃತಿಗಳನ್ನು ರಚಿಸಿ ಸಾಹಿತ್ಯ ಕ್ಷೇತ್ರದಲ್ಲಿ ನಿಮ್ಮದೇ ಛಾಪು ಮೂಡಿಸಿ.
ಶುಭವಾಗಲಿ
ಪ್ರತಿಲಿಪಿಕನ್ನಡ ಬಳಗ