‘ಪ್ರತಿಲಿಪಿ ಫೆಲೋಶಿಪ್ ಪ್ರೋಗ್ರಾಮ್’ ನಲ್ಲಿ ಭಾಗವಹಿಸಲು ಆಹ್ವಾನ’

 

(ನೀವು ಈಗಾಗಲೇ ಈ ವಿಷಯದ ಕುರಿತು ಪ್ರತಿಕ್ರಿಯೆ ನೀಡಿದ್ದಲ್ಲಿ, ದಯವಿಟ್ಟು ಈ ಸಂದೇಶವನ್ನು ನಿರ್ಲಕ್ಷಿಸಿ)

 

**ದಯವಿಟ್ಟು ಈ ಸಂದೇಶವನ್ನು ಸಂಪೂರ್ಣವಾಗಿ ಓದಿ ಅರ್ಥೈಸಿಕೊಂಡ ಬಳಿಕ ಸಂದೇಶದ ಕೊನೆಯಲ್ಲಿರುವ ಗೂಗಲ್ ಫಾರ್ಮ್ ಭರ್ತಿ ಮಾಡಿ**

 

ಆತ್ಮೀಯ ಸಾಹಿತ್ಯಾಭಿಮಾನಿಗಳೇ,

 

ಪ್ರತಿಲಿಪಿಯಲ್ಲಿ ಬರೆಯುತ್ತಿರುವ ಲೇಖಕ/ಲೇಖಕಿಯರಿಗಾಗಿ ದೀರ್ಘ, ಬಹು ಅಧ್ಯಾಯದ, ಪ್ರೀಮಿಯಂ ಗೆ ಸೂಕ್ತವಾಗುವ ಮತ್ತು ಓದುಗರು ಮೆಚ್ಚಿ ಹೆಚ್ಚು ಓದಬಯಸುವ ಕಾದಂಬರಿಗಳನ್ನು ರಚಿಸುವ ೧೨ ದಿನಗಳ ಉಚಿತ ‘ಪ್ರತಿಲಿಪಿ ಫೆಲೋಶಿಪ್ ಪ್ರೋಗ್ರಾಮ್’ ಕಾರ್ಯಾಗಾರ ಆಯೋಜಿಸಲಾಗಿದೆ. 

 

ಫೆಬ್ರವರಿ ೧, ೨೦೨೩ ರಿಂದ ಇದು ಪ್ರಾರಂಭವಾಗಲಿದ್ದು, ಪ್ರತಿಲಿಪಿಯಲ್ಲಿ ಧಾರಾವಾಹಿಗಳ ರೂಪದಲ್ಲಿ ಸುದೀರ್ಘ ಕಾದಂಬರಿಗಳನ್ನು ನಿರಂತರವಾಗಿ ಪ್ರಕಟಿಸಿ ಅತಿ ಹೆಚ್ಚು ಓದುಗರನ್ನು ಮತ್ತು ಹಣವನ್ನು ಸಂಪಾದಿಸಲು ಆಸಕ್ತಿ ಇರುವ ಪ್ರತಿಯೊಬ್ಬ ಲೇಖಕ/ಲೇಖಕಿಯೂ ಇದರಲ್ಲಿ ಭಾಗವಹಿಸಲು ಅರ್ಹರಾಗಿರುತ್ತಾರೆ. 

 

 ‘ಪ್ರತಿಲಿಪಿ ಫೆಲೋಶಿಪ್ ಪ್ರೋಗ್ರಾಮ್’ - ಇದರ ಉದ್ದೇಶವೇನು?

 

ಪ್ರತಿಲಿಪಿಯಲ್ಲಿ ಬರೆಯುತ್ತಿರುವ ಸಾವಿರಾರು ಲೇಖಕ/ಲೇಖಕಿಯರಿಗೆ ಸೂಕ್ತ ಮಾರ್ಗದರ್ಶನ, ಸೂಚನೆ ಮತ್ತು ಸಲಹೆಗಳನ್ನು ನೀಡಿದಲ್ಲಿ ಅವರಿಂದ ಇನ್ನೂ ಅತ್ಯದ್ಭುತ ಕೃತಿಗಳನ್ನು ನಿರೀಕ್ಷಿಸಬಹುದು. ಇದಕ್ಕೆ ಸೂಕ್ತ ರೀತಿಯಲ್ಲಿ ತರಬೇತಿ ನೀಡುವ ಸಲುವಾಗಿ ಈ ಕಾರ್ಯಾಗಾರ ನಡೆಸಲಾಗುತ್ತಿದೆ. 

 

ನೀವು ಇದರಲ್ಲಿ ಎನ್ರೋಲ್ ಆದಲ್ಲಿ, ಪ್ರತಿಲಿಪಿ ತಂಡವು ನಿಮಗೆ ಧಾರಾವಾಹಿಗಳನ್ನು ರಚಿಸುವುದು ಹೇಗೆ? ಸುದೀರ್ಘ ಕೃತಿಯನ್ನು ಸಾಹಿತ್ಯಿಕ ಮೌಲ್ಯ ಮತ್ತು ಓದುಗರ ಮೆಚ್ಚುಗೆ ಎರಡನ್ನೂ ಪಡೆದು ರಚಿಸುವುದು ಹೇಗೆ? ಧಾರಾವಾಹಿಗಳನ್ನು ರಚಿಸಿ ಅವುಗಳು ಪ್ರತಿಲಿಪಿ ಪ್ರೀಮಿಯಂ ಗೆ ಅರ್ಹವಾಗುವಂತೆ ಪ್ರಕಟಿಸುವುದು ಹೇಗೆ? ನಿಮ್ಮ ಕೃತಿಗಳು ಹೆಚ್ಚು ಓದುಗರನ್ನು ತಲುಪಿ, ಅವರು ಕಾತರದಿಂದ ಓದುವಂತೆ ಕಥಾಹಂದರ ವಿವರಿಸುವುದು ಹೇಗೆ? ಎಂಬೆಲ್ಲ ವಿಚಾರಗಳೂ ಸೇರಿದಂತೆ ಹಲವಾರು ಉಪಯುಕ್ತ ಮಾಹಿತಿಗಳು ಇದರಲ್ಲಿ ಲಭ್ಯವಾಗಲಿದೆ. 

 

 ‘ಪ್ರತಿಲಿಪಿ ಫೆಲೋಶಿಪ್ ಪ್ರೋಗ್ರಾಮ್’ - ಇದರಲ್ಲಿ ಭಾಗವಹಿಸುವುದರ ಪ್ರಯೋಜನವೇನು?

 

1. ತರಬೇತಿಯ ಬಳಿಕ, ಬಹು ಅಧ್ಯಾಯದ ಧಾರಾವಾಹಿಗಳನ್ನು ಓದುಗರನ್ನು ಹಿಡಿದಿಟ್ಟುಕೊಳ್ಳುವಂತೆ ರಚಿಸುವುದು ಹೇಗೆ ಮತ್ತು ಆ ಮೂಲಕ ನಿಮ್ಮ ಓದುಗರು ಹಾಗೂ ಹಣದ ಗಳಿಕೆಯನ್ನು ಹೆಚ್ಚಿಸಿಕೊಳ್ಳುವುದು ಹೇಗೆ ಎಂಬ ಮಾಹಿತಿ ಲಭ್ಯವಾಗಲಿದೆ. 

 

2. ೧೨ ದಿನಗಳ ತರಬೇತಿಯಲ್ಲಿ ನೀವು ಯಶಸ್ವಿಯಾಗಿ ಭಾಗವಹಿಸಿದಲ್ಲಿ ತರಬೇತಿಯ ಎಲ್ಲ ವಿಷಯಗಳನ್ನು(ಪಠ್ಯ ಮತ್ತು ವಿಡಿಯೋ) ನೀವು ಯಾವಾಗ ಬೇಕಾದರೂ ಬಳಸಿಕೊಳ್ಳಬಹುದು. 

 

3. ತರಬೇತಿಯಲ್ಲಿ ನೀಡಿದ ಮಾಹಿತಿ ಮತ್ತು ಮಾರ್ಗದರ್ಶನಗಳನ್ನು ಅನುಸರಿಸಿ, ತರಬೇತಿ ಮುಗಿದ ಬಳಿಕ ನೀವು ಕೃತಿ ರಚಿಸಿದಲ್ಲಿ ಪ್ರತಿಲಿಪಿಯ ಪ್ರತಿಷ್ಠಿತ  ‘ಪ್ರತಿಲಿಪಿ ಫೆಲೋಶಿಪ್ ಸದಸ್ಯ‘ ಎಂಬ ಗೌರವಕ್ಕೆ ಪಾತ್ರರಾಗುತ್ತೀರಿ. ಮತ್ತು ವಿಶೇಷ ಚೌಕಟ್ಟಿನ ಪ್ರಮಾಣಪತ್ರದ ಜೊತೆಗೆ ಅಚ್ಚರಿಯ ಬಹುಮಾನಗಳೂ ಲಭ್ಯವಾಗಲಿವೆ. 

 

4. ಪ್ರತಿಲಿಪಿ ಫೆಲೋಶಿಪ್ ಸದಸ್ಯರಾದ ನೀವು, ಪ್ರತಿಲಿಪಿಯ ಕೆಲವು ವಿಶೇಷ ಸೌಲಭ್ಯಗಳನ್ನು ಆನಂದಿಸುತ್ತೀರಿ. 

 

5. ನಿಮ್ಮ ಧಾರಾವಾಹಿ ಪ್ರತಿಲಿಪಿಯ ಮುಖಪುಟದಲ್ಲಿ ವಿಶೇಷವಾಗಿ ಪ್ರಮೋಟ್ ಆಗಲ್ಪಡುತ್ತದೆ. ಮತ್ತು ವಿವಿಧ ಸಾಮಾಜಿಕ ಜಾಲತಾಣಗಳಲ್ಲೂ ಸಹ ಪ್ರಮೋಟ್ ಆಗುತ್ತದೆ. 

 

6. ನಮ್ಮ ತಂಡ ವಿಶೇಷ ವಿಡಿಯೋ ಸೆಷನ್ ಗಳ ಮೂಲಕ ನಿಮ್ಮ ಸುಧೀರ್ಘ ಧಾರಾವಾಹಿಗಳನ್ನು ಪುಸ್ತಕ ರೂಪದಲ್ಲಿ ಕೂಡ ಮುದ್ರಿಸಲು ಸೂಕ್ತ ಮಾರ್ಗದರ್ಶನ ನೀಡುತ್ತದೆ. 

 

7. ನಮ್ಮ ತಂಡ ಸದಾಕಾಲ ಕರೆ/ವಾಟ್ಸಾಪ್ ಸಂವಹನದ ಮೂಲಕ ನಿಮಗೆ ಮಾರ್ಗದರ್ಶನ ನೀಡಿ ಸೂಕ್ತವಾಗಿ ಕಥೆಯನ್ನು ಮುಂದುವರೆಸಲು ಸಹಾಯ ಮಾಡುತ್ತದೆ. 

 

ಈ ಫೆಲೋಶಿಪ್ ಕಾರ್ಯಕ್ರಮ ನೆಡೆಯುವುದು ಹೇಗೆ? 

 

1 ಫೆಬ್ರವರಿ, 2023 ರಿಂದ ಪ್ರತಿನಿತ್ಯ ಒಂದೊಂದು ಗಂಟೆಗಳ ಕಾಲ ಹನ್ನೆರೆಡು ದಿನಗಳಲ್ಲಿ ನೇರ ವಿಡಿಯೋ ತರಬೇತಿಯನ್ನು ಪ್ರತಿಲಿಪಿ ಒದಗಿಸಲಿದೆ. ನೀವು ಒಮ್ಮೆ ಎನ್ರೋಲ್ ಆದಲ್ಲಿ ತರಬೇತಿಯ ಎಲ್ಲ ಹನ್ನೆರೆಡೂ ದಿನಗಳಲ್ಲಿ ಭಾಗವಹಿಸಲೇಬೇಕಾಗುತ್ತದೆ. ಹನ್ನೆರೆಡು ದಿನಗಳ ತರಬೇತಿಯ ಬಳಿಕ ತರಬೇತಿಯ ಪಠ್ಯ ಮತ್ತು ವಿಡಿಯೋಗಳನ್ನು ನೀವು ಯಾವಾಗ ಬೇಕಾದರೂ ನೋಡಬಹುದು. ಅಲ್ಲದೇ, ತರಬೇತಿ ಮುಗಿದ ನಂತರ ನೀವು ಸುದೀರ್ಘ ಬಹು ಅಧ್ಯಾಯದ ಕೃತಿಯನ್ನು ರಚಿಸಬೇಕಾಗುತ್ತದೆ. ಅದು ಪ್ರೀಮಿಯಂ ಗೆ ಹೋಗುವ ಸಾಧ್ಯತೆಯೂ ಇರುತ್ತದೆ. ಮತ್ತು ಕೃತಿಯ ಯಶಸ್ವೀ ಮುಕ್ತಾಯದ ಬಳಿಕ, ನೀವು ‘ ‘ಪ್ರತಿಲಿಪಿ ಫೆಲೋಶಿಪ್ ಸದಸ್ಯ’ ರಾಗಿ ಗುರುತಿಸಲ್ಪಡುತ್ತೀರಿ. 

 

ನಾವು ತರಬೇತಿ ನೀಡುವ ಕೆಲವು ವಿಷಯಗಳ ಮಾಹಿತಿ ಇಲ್ಲಿದೆ : 

 

1. ಸುಲಭವಾಗಿ ಕಥೆಯ ವಿಷಯವನ್ನು ಆರಿಸಿಕೊಳ್ಳುವುದು ಮತ್ತು ಅದನ್ನು ಕಾದಂಬರಿಯಾಗಿ ಮಾರ್ಪಡಿಸುವುದು ಹೇಗೆ ಎಂಬುದರ ಮಾರ್ಗದರ್ಶನ

 

2. ಪ್ರಮುಖ ಪಾತ್ರಗಳನ್ನು ಚಿತ್ರಿಸುವುದು ಹೇಗೆ? ಇತರೆ ಪಾತ್ರಗಳ ಚಿತ್ರಣ ಮತ್ತು ಬೆಳವಣಿಗೆಯ ಮಾಹಿತಿ, ವಿವಿಧ ಸನ್ನಿವೇಶಗಳನ್ನು ಓದುಗರ ಮನಮುಟ್ಟುವಂತೆ ರಚಿಸುವ ವಿಧಾನಗಳು 

 

3. ಐವತ್ತಕ್ಕೂ ಅಧಿಕ ಅಧ್ಯಾಯಗಳನ್ನು ಹೊಂದುವಂತೆ ಮತ್ತು ಓದುಗರಿಗೂ ಇಷ್ಟವಾಗುವಂತೆ ಧಾರಾವಾಹಿಯನ್ನು ರಚಿಸುವ ವಿಧಾನಗಳು

 

4. ಪ್ರತಿಲಿಪಿ ಪ್ರೀಮಿಯಂ ಧಾರಾವಾಹಿಗಳಲ್ಲಿ ಟ್ರೆಂಡಿಂಗ್ ಧಾರಾವಾಹಿಗಳ ವಿಶ್ಲೇಷಣೆ 

 

5. ಓದುಗರನ್ನು ಸದಾ ಕುತೂಹಲಿಗಳನ್ನಾಗಿ ಹಿಡಿದಿಟ್ಟುಕೊಳ್ಳುವಂತೆ ಕೃತಿ ರಚಿಸುವ ಬೆಸ್ಟ್ ಸೆಲ್ಲರ್ ಗಳ ವಿಶ್ಲೇಷಣೆ 

 

6. ಈಗ ಅಂತರ್ಜಾಲದಲ್ಲಿ ಲಭ್ಯವಿರುವ ಹಲವಾರು ತಂತ್ರಾಂಶಗಳಿಂದ ಹೊಸ ಕೃತಿಗಳನ್ನು ಬರೆಯಲು ಲಭ್ಯವಾಗುವ ಅಸಂಖ್ಯಾತ ವಿಷಯ ವಸ್ತುಗಳಗಳ ಕುರಿತು ಮಾಹಿತಿ

 

ಇಷ್ಟೇ ಅಲ್ಲದೇ ಇನ್ನೂ ಅನೇಕ ಕುತೂಹಲಭರಿತ ವಿಷಯಗಳ ಕುರಿತು ವಿವರ!!!

 

ನಿಮ್ಮ ತರಬೇತಿಯ ಅವಧಿ ಮುಗಿದ ಬಳಿಕ, ಪ್ರತಿಲಿಪಿಯ ವತಿಯಿಂದ ವಿಶೇಷ ಭೌತಿಕ ಪ್ರಮಾಣಪತ್ರವೂ ಸೇರಿದಂತೆ ವಿಶೇಷ ಬಹುಮಾನಗಳನ್ನು ಪಡೆಯುತ್ತೀರಿ. ಜೊತೆಗೆ ‘ಪ್ರತಿಲಿಪಿ ಫೆಲೋಶಿಪ್ ಮೆಂಬರ್’ ಕೂಡಾ ಆಗಲಿದ್ದೀರಿ.  ಇದಕ್ಕೆ ನೀವು ಕನಿಷ್ಟ ಐವತ್ತು ಅಧ್ಯಾಯಗಳ ಧಾರಾವಾಹಿಯನ್ನು ಮೂರು ತಿಂಗಳುಗಳ ಒಳಗೆ ಪ್ರಕಟಿಸಬೇಕಾಗುತ್ತದೆ. ಪ್ರತಿಲಿಪಿ ತಂಡವು ನಿಮಗೆ ಅದಕ್ಕೆ ಬೇಕಾದ ಸೂಕ್ತ ಮಾರ್ಗದರ್ಶನ ಒದಗಿಸಲಿದೆ. 

 

ಕೆಳಗಿನ ಗೂಗಲ್ ಫಾರ್ಮ್ ಭರ್ತಿ ಮಾಡಿ ಮತ್ತು ಇಂದೇ ನೋಂದಾಯಿಸಿಕೊಳ್ಳಿ. 

 

ವಿಶೇಷ ಸೂಚನೆ: ಈ ತರಬೇತಿ ಕಾರ್ಯಕ್ರಮಕ್ಕೆ ನೋಂದಾಯಿಸಿಕೊಳ್ಳಲು 30 ಜನವರಿ 2023 ಕೊನೆಯ ದಿನ. ಆ ಬಳಿಕ ಬರುವ ನೋಂದಾವಣಿಗಳನ್ನು ಸ್ವೀಕರಿಸುವುದಿಲ್ಲ 

 

ಗೂಗಲ್ ಫಾರ್ಮ್ ಭರ್ತಿ ಮಾಡಲು ಇಲ್ಲಿ ಕ್ಲಿಕ್ ಮಾಡಿ :  https://forms.gle/7EoUuZuAwVHUsRSb6

 

ಧನ್ಯವಾದಗಳೊಂದಿಗೆ,

ಪ್ರತಿಲಿಪಿಕನ್ನಡ ಬಳಗ