ಇಂದು ನೀವು ನೋಡುತ್ತಿರುವ ಅನೇಕ ಯಶಸ್ವಿ ಬರಹಗಾರರು ಇಂತಹ ಬರವಣಿಗೆಯ ಸ್ಪರ್ಧೆಗಳಲ್ಲಿ ಭಾಗವಹಿಸುವ ಮೂಲಕವೇ ತಮ್ಮ ಬರವಣಿಗೆಯ ಪಯಣವನ್ನು ಪ್ರಾರಂಭಿಸಿ ಯಶಸ್ಸನ್ನು ಗಳಿಸುತ್ತಿದ್ದಾರೆ. ಈಗ ಜನಪ್ರಿಯ ಬರಹಗಾರರಾಗಿ ಗುರುತಿಸಿಕೊಳ್ಳುವ ಸರದಿ ನಿಮ್ಮದು. 

ನೀವು ಬರಹಗಾರರಾಗಿ ನಿಮ್ಮ ಮೊದಲ ಹೆಜ್ಜೆಯನ್ನು ಇಡುತ್ತಿರಲಿ ಅಥವಾ ಪ್ರತಿಲಿಪಿಯಲ್ಲಿ ಈಗಾಗಲೇ ಬರಹಗಾರರಾಗಿ ಗುರುತಿಸಿಕೊಂಡಿದ್ದರೂ ಸಹ, ಈ ಚಾಲೆಂಜ್ ನಿಮ್ಮ ಯಶಸ್ಸಿಗಾಗಿಯೇ ರೂಪಿಸಲಾಗಿದೆ. 

ಇಂದೇ 50 ಅಥವಾ 100 ಭಾಗಗಳ ಸುದೀರ್ಘ ಧಾರಾವಾಹಿಯನ್ನು ಬರೆಯಲು ಪ್ರಾರಂಭಿಸಿ. ಪ್ರತಿಲಿಪಿ ಕಡೆಯಿಂದ ಅತ್ಯಾಕರ್ಷಕ ಬಹುಮಾನಗಳನ್ನು ಗಳಿಸುವ ಅವಕಾಶ ಪಡೆಯಿರಿ! 

ಪ್ರತಿಲಿಪಿ ಕ್ರಿಯೇಟರ್ಸ್ ರೈಟಿಂಗ್ ಚಾಲೆಂಜ್ ನ 6 ನೆಯ ಆವೃತ್ತಿಗೆ ಸ್ವಾಗತ!

➡️ ನೀವು ನಮ್ಮ ಲೈವ್ ತರಬೇತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿಲ್ಲವೇ? ಚಿಂತಿಸದಿರಿ! ನೀವು ನಮ್ಮ ತರಬೇತಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳದಿದ್ದಲ್ಲಿ ಈ ಕೆಳಗಿನ ರೆಕಾರ್ಡಿಂಗ್’ಗಳನ್ನು ವೀಕ್ಷಿಸಿ ಹೆಚ್ಚಿನ ಮಾಹಿತಿಗಳನ್ನು ಪಡೆಯಬಹುದು. ಜೊತೆಗೆ ರೈಟಿಂಗ್ ಚಾಲೆಂಜ್’ಗೆ ನಿಮ್ಮ ಕೃತಿಯನ್ನು ಇಂದೇ ಬರೆಯಲು ಆರಂಭಿಸಿ!

=> ತರಬೇತಿಯ ಪಿಡಿಎಫ್’ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

• ಹಾರರ್, ಕ್ರೈಮ್ ಥ್ರಿಲ್ಲರ್, ಮತ್ತು ವೈಜ್ಞಾನಿಕ ಕಥಾಹಂದರಗಳನ್ನು ರಚಿಸುವುದು ಹೇಗೆ?

• ವೈದ್ಯಕೀಯ ಥ್ರಿಲ್ಲರ್, ಪೌರಾಣಿಕ ಕೃತಿಗಳ ರಚನೆ

• ಸಾಮಾಜಿಕ ಜಾಲತಾಣಗಳನ್ನು ಪರಿಣಾಮಕಾರಿ ಬಳಕೆ  

ಭಾಗವಹಿಸುವ ವಿಧಾನ

ರೈಟಿಂಗ್ ಚಾಲೆಂಜ್’ನಲ್ಲಿ ಭಾಗವಹಿಸಲು ನೀವು ಈ ಕೆಳಗಿನ ಯಾವುದೇ ವಿಧಾನವನ್ನು ಅನುಸರಿಸಬಹುದು:

1. ಹೊಸ ಧಾರಾವಾಹಿ: ಹೊಸ ಕತೆ ಅಥವಾ ಹೊಸ ಸೀಸನ್’ಅನ್ನು ಬರೆಯಬಹುದು.

2. ಮುಂದುವರೆಯುತ್ತಿರುವ ಧಾರಾವಾಹಿ: ನಿಮ್ಮ ಮುಂದುವರೆಯುತ್ತಿರುವ ಧಾರಾವಾಹಿಗೆ ಹೊಸ ಅಧ್ಯಾಯಗಳನ್ನು ಪ್ರಕಟಿಸುವುದರ ಮೂಲಕ ಭಾಗವಹಿಸಬಹುದು.

3. ಅನುಕೂಲಕರ ಕಾಲಾವಧಿ: ರೈಟಿಂಗ್ ಚಾಲೆಂಜ್’ನ ಕಾಲಾವಧಿಯೊಳಗೆ ನಿಮ್ಮ ಧಾರಾವಾಹಿ ಸಂಪೂರ್ಣಗೊಳ್ಳಲೇಬೇಕೆಂಬ ನಿಯಮವಿಲ್ಲ. ರೈಟಿಂಗ್ ಚಾಲೆಂಜ್ ಮುಗಿದ ನಂತರವೂ ನೀವು ಇಚ್ಛಿಸಿದಲ್ಲಿ ನಿಮ್ಮ ಧಾರಾವಾಹಿಯನ್ನು ಮುಂದುವರೆಸಬಹುದು. ಆದರೆ ಮುಕ್ತಾಯದ ದಿನಾಂಕದೊಳಗೆ ನಿಮ್ಮ ಕೃತಿ ಕನಿಷ್ಠ 50 ಅಧ್ಯಾಯಗಳನ್ನು ಹೊಂದಿರಬೇಕು.

ಬಹುಮಾನಗಳು 

100-ಅಧ್ಯಾಯಗಳ ಧಾರಾವಾಹಿ ರಚಿಸುವವರಿಗೆ:

→ ರೈಟಿಂಗ್ ಚಾಲೆಂಜ್’ನ 6 ತಿಂಗಳುಗಳ ಕಾಲಾವಧಿಯೊಳಗೆ ಕನಿಷ್ಠ 100 ಹೊಸ ಅಧ್ಯಾಯಗಳನ್ನು ಯಶಸ್ವಿಯಾಗಿ ಪ್ರಕಟಿಸುವ ಬರಹಗಾರರಿಗೆ ಅವರು ನೀಡುವ ವಿಳಾಸಕ್ಕೆ ‘ಪ್ರತಿಲಿಪಿ ಕ್ರಿಯೇಟರ್’ ಪ್ರಮಾಣಪತ್ರವನ್ನು ಕೋರಿಯರ್ ಮೂಲಕ ಕಳುಹಿಸಲಾಗುತ್ತದೆ. 

→ ಪ್ರತಿಲಿಪಿಯ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರಗೊಳ್ಳುವ ಅವಕಾಶವನ್ನು ಪಡೆಯಿರಿ ಮತ್ತು ನಿಮ್ಮ ಯಶಸ್ಸನ್ನು ಸಂಭ್ರಮಿಸಿ!

→ ಸಲಹೆ: ಎರಡು ದಿನಕ್ಕೊಮ್ಮೆ ಕನಿಷ್ಠ ೧ ಅಧ್ಯಾಯವನ್ನು ಪ್ರಕಟಿಸುವುದರ ಮೂಲಕ ನೀವು ಈ ೧೦೦ ಅಧ್ಯಾಯಗಳ ಸವಾಲನ್ನು ಯಶಸ್ವಿಯಾಗಿ ಪೂರೈಸಬಹುದು. 

50 ಅಧ್ಯಾಯಗಳ ಧಾರಾವಾಹಿ ರಚಿಸುವವರಿಗೆ:

→ ರೈಟಿಂಗ್ ಚಾಲೆಂಜ್’ನ ಕಾಲಾವಧಿಯೊಳಗೆ ಕನಿಷ್ಠ 50 ಹೊಸ ಅಧ್ಯಾಯಗಳನ್ನು ಯಶಸ್ವಿಯಾಗಿ ಪ್ರಕಟಿಸುವ ಬರಹಗಾರರಿಗೆ ‘ಪ್ರತಿಲಿಪಿ ಕ್ರಿಯೇಟರ್ ಪ್ರೋಗ್ರಾಮ್’ ಡಿಜಿಟಲ್ ಪ್ರಮಾಣಪತ್ರವನ್ನು ಅವರ ಈಮೇಲ್ ವಿಳಾಸಕ್ಕೆ ಕಳುಹಿಸಲಾಗುತ್ತದೆ.

→ ಸಲಹೆ: ಪ್ರತಿ ೩ ದಿನಕ್ಕೊಮ್ಮೆ ೧ ಅಧ್ಯಾಯವನ್ನು ಪ್ರಕಟಿಸುವುದರ ಮೂಲಕ ನೀವು ಈ ೫೦ ಅಧ್ಯಾಯಗಳ ಸವಾಲನ್ನು ಯಶಸ್ವಿಯಾಗಿ ಪೂರೈಸಬಹುದು.

ಮ್ಯಾರಥಾನ್ ಬರಹಗಾರ ವಿಭಾಗ: 

ಅತಿ ಹೆಚ್ಚು ಅಧ್ಯಾಯಗಳ ಧಾರಾವಾಹಿಯನ್ನು ರಚಿಸುವ ಟಾಪ್ 10 ಲೇಖಕರಿಗೆ ವಿಶೇಷ ಬಹುಮಾನವನ್ನು ನೀಡಲಾಗುವುದು. 

ಗಮನಿಸಿ: ರೈಟಿಂಗ್ ಚಾಲೆಂಜ್ ನ ಎಲ್ಲ ನಿಯಮಗಳನ್ನು ಪಾಲಿಸಿ ಪ್ರಕಟಿಸಲ್ಪಡುವ ಕೃತಿಗಳನ್ನು ಮಾತ್ರ ಈ ಬಹುಮಾನಗಳ ವಿಭಾಗಕ್ಕೆ ಆಯ್ಕೆ ಮಾಡಲಾಗುವುದು. 

ಭಾಗವಹಿಸಿದ ಎಲ್ಲಾ ಬರಹಗಾರರಿಗೆ: 

→ ಕಾರ್ಯಕ್ರಮದ ಭಾಗವಾಗಿ ನೀವು ರಚಿಸುವ ಕೃತಿಯನ್ನು ಪ್ರತಿಲಿಪಿ ಫೇಸ್ಬುಕ್ ಪೇಜಿನಲ್ಲಿ ಪ್ರಚಾರ ಮಾಡಲಾಗುವುದು.

→ ಕಾರ್ಯಕ್ರಮದ ಭಾಗವಾಗಿ ನೀವು ರಚಿಸುವ ಕೃತಿಯನ್ನು ಪ್ರತಿಲಿಪಿ ಹೋಂ ಪೇಜಿನಲ್ಲಿ ಬ್ಯಾನರ್ ಮೂಲಕ ಪ್ರಚಾರ ಮಾಡಲಾಗುವುದು.

→ ತರಬೇತಿಯನ್ನು ಪೂರ್ಣಗೊಳಿಸಿದ ನಂತರ ಎಲ್ಲಾ ತರಬೇತಿ ಸಾಮಗ್ರಿ ಮತ್ತು ವೀಡಿಯೋಗಳನ್ನು ಯಾವಾಗ ಬೇಕಾದರೂ ವೀಕ್ಷಿಸಲು ಅವಕಾಶ

→ ನಿಮ್ಮ ಕೃತಿಯನ್ನು ಪ್ರತಿಲಿಪಿ ಪ್ರೀಮಿಯಂ ಅಡಿಯಲ್ಲಿ ಪ್ರಕಟಿಸುವುದರ ಮೂಲಕ ನೀವು ಪ್ರತಿ ತಿಂಗಳೂ ಖಚಿತ ಆದಾಯ ಗಳಿಸುವ ಅವಕಾಶ ಪಡೆಯಬಹುದು.

ನಿಯಮಗಳು ಮತ್ತು ಮಾರ್ಗದರ್ಶನ

1. ಗೋಲ್ಡನ್ ಬ್ಯಾಡ್ಜ್ ಹೊಂದಿರುವ ಬರಹಗಾರರಿಗೆ: ಸ್ಪರ್ಧೆಗೆ ನಿಮ್ಮ ಕೃತಿಯನ್ನು ಪರಿಗಣಿಸಲು, ನೀವು ನಿಮ್ಮ ಧಾರಾವಾಹಿಯನ್ನು ಪ್ರೀಮಿಯಂ ಸಬ್ಸ್ಕ್ರ್ಶಿಪ್ಷನ್ ಕಾರ್ಯಕ್ರಮದಡಿಯಲ್ಲಿ ದಾಖಲಿಸಬೇಕು. (ಕೃತಿಯನ್ನು ಪ್ರೀಮಿಯಂ ಧಾರಾವಾಹಿಯಾಗಿ ಪ್ರಕಟಿಸುವ ಮಾರ್ಗದರ್ಶಿ) 

2. ಗೋಲ್ಡನ್ ಬ್ಯಾಡ್ಜ್ ಹೊಂದಿರದ ಬರಹಗಾರರಿಗೆ: ನೀವು ಗೋಲ್ಡನ್ ಬ್ಯಾಡ್ಜ್ ಹೊಂದಿರದ ಬರಹಗಾರರಾಗಿದಲ್ಲಿ ಸಹ ಎಂದಿನಂತೆ ಧಾರಾವಾಹಿ ಪ್ರಕಟಿಸಿ ರೈಟಿಂಗ್ ಚಾಲೆಂಜ್’ನಲ್ಲಿ ಭಾಗವಹಿಸಬಹುದು. (ಕೃತಿಯನ್ನು ಧಾರಾವಾಹಿಯಾಗಿ ಪ್ರಕಟಿಸುವ ಮಾರ್ಗದರ್ಶಿ)

3. ಹೊಸ ಅಥವಾ ಮುಂದುವರೆಯುತ್ತಿರುವ ಧಾರಾವಾಹಿ: 50 ಅಧ್ಯಾಯಗಳ ಹೊಸ ಧಾರಾವಾಹಿ ಅಥವಾ ಹೊಸ ಸೀಸನ್ ಅಥವಾ ಈಗಾಗಲೇ ಪ್ರಕಟಿಸಿ ಮುಕ್ತಾಯಗೊಂಡಿರುವ/ಮುಂದುವರೆಯುತ್ತಿರುವ ಧಾರಾವಾಹಿಗೂ ಸಹ ಹೊಸದಾಗಿ 50 ಅಧ್ಯಾಯಗಳನ್ನು ಸೇರಿಸಬಹುದು. ರೈಟಿಂಗ್ ಚಾಲೆಂಜ್ ಮುಗಿದ ನಂತರವೂ ನೀವು ಇಚ್ಛಿಸಿದಲ್ಲಿ ನಿಮ್ಮ ಧಾರಾವಾಹಿಯನ್ನು ಮುಂದುವರೆಸಬಹುದು. 

4. ಪದಸಂಖ್ಯೆ: ಪ್ರತಿ ಅಧ್ಯಾಯದಲ್ಲಿ ಕನಿಷ್ಠ 1000 ಪದಗಳಿರಬೇಕು. ಗರಿಷ್ಟ ಮಿತಿ ಇರುವುದಿಲ್ಲ. (ಪದಸಂಖ್ಯೆಗಳನ್ನು ಗುರುತಿಸುವ ಮಾರ್ಗದರ್ಶಿ)

5. ಕೃತಿಗಳನ್ನು ಸಲ್ಲಿಸಲು ಕಡ್ಡಾಯ ಸೂಚನೆ: ಬರಹದ ವಿಧ -'ಕಥೆ' ಮತ್ತು ಪ್ರಭೇದ- 'ಪ್ರತಿಲಿಪಿ ಕ್ರಿಯೇಟರ್ಸ್ ರೈಟಿಂಗ್ ಚಾಲೆಂಜ್ 6' ಆಯ್ಕೆ ಮಾಡಬೇಕು. ಈ ಪ್ರಭೇದವನ್ನು ಆಯ್ಕೆ ಮಾಡದಿದ್ದಲ್ಲಿ ಕೃತಿಯನ್ನು ಸ್ಪರ್ಧೆಗೆ ಪರಿಗಣಿಸಲಾಗುವುದಿಲ್ಲ. ಇದರ ಜೊತೆಗೆ ಕತೆಗೆ ಸೂಕ್ತವೆನಿಸುವ ಇತರ ಎರಡು ಪ್ರಭೇದಗಳನ್ನು ಆಯ್ಕೆ ಮಾಡಬಹುದು. (ಪ್ರಭೇದಗಳನ್ನು ಆಯ್ಕೆ ಮಾಡುವ ಮಾರ್ಗದರ್ಶಿ)

6. ಕಥಾವಸ್ತು: ನಿಮ್ಮಿಷ್ಟದ ಯಾವುದೇ ವಿಷಯ, ಕಥಾಹಂದರದ ಮೇಲೆ ಧಾರಾವಾಹಿಗಳನ್ನು ರಚಿಸಬಹುದು. ವಿಷಯವಸ್ತು ಆಯ್ಕೆ, ಪ್ರಭೇದ ಮತ್ತು ಕಥಾಹಂದರದ ಆಯ್ಕೆ ಸಂಪೂರ್ಣ ನಿಮ್ಮದಾಗಿರುತ್ತದೆ!

7. ಪರಿಗಣನೆ: ಚಾಲೆಂಜ್ ನಿಯಮಗಳನ್ನು ಪೂರೈಸದ ಧಾರಾವಾಹಿಗಳು ಅಥವಾ ಯಾವುದೇ ನಡೆಯುತ್ತಿರುವ ಬೇರೆ ಸ್ಪರ್ಧೆಗಳಿಗೆ ಪ್ರಕಟಿಸುತ್ತಿರುವ ಧಾರಾವಾಹಿಗಳನ್ನು ಪರಿಗಣಿಸಲಾಗುವುದಿಲ್ಲ. 

=> ಸಲಹೆ: ನಿಮ್ಮ ಧಾರಾವಾಹಿಯನ್ನು ಮೊದಲ ಅಧ್ಯಾಯದಿಂದಲೇ ಪ್ರಕಟಿಸಿ. ಮೊದಲ ಅಧ್ಯಾಯದಲ್ಲಿ ಮುನ್ನುಡಿ, ಟ್ರೈಲರ್ ಅಥವಾ ಇನ್ಯಾವುದೇ ಹೆಚ್ಚಿನ ಮಾಹಿತಿ ನೀಡುವುದನ್ನು ದಯವಿಟ್ಟು ನಿಲ್ಲಿಸಿ.

=> ಮೊದಲ ಅಧ್ಯಾಯದಿಂದಲೇ ನಿಮ್ಮ ಕಥೆಯನ್ನು ಸ್ವಾಭಾವಿಕವಾಗಿ ಪ್ರಾರಂಭಿಸಿ. ಮುನ್ನುಡಿ, ಪರಿಚಯ ಮತ್ತು ಹೆಚ್ಚುವರಿ ಟಿಪ್ಪಣಿಗಳನ್ನು ಧಾರಾವಾಹಿಯ ಅಧ್ಯಾಯಗಳಾಗಿ ಪ್ರಕಟಿಸುವುದನ್ನು ತಪ್ಪಿಸಿ. (ಹೆಚ್ಚಿನ ಮಾಹಿತಿಗಾಗಿ ಈ ವಿಡಿಯೋವನ್ನು ವೀಕ್ಷಿಸಿ)

ಮುಖ್ಯ ದಿನಾಂಕಗಳು

→ ಪ್ರಾರಂಭದ ದಿನಾಂಕ: 08 ಜೂನ್ 2026

→ ಮುಕ್ತಾಯದ ದಿನಾಂಕ: 09 ಡಿಸೆಂಬರ್ 2026

→ ಸೂಚನೆ: ರೈಟಿಂಗ್ ಚಾಲೆಂಜ್ ಮುಕ್ತಾಯವಾದ 4 ವಾರಗಳಲ್ಲಿ ನಿಮ್ಮ ಕೃತಿಗಳನ್ನು ಪ್ರತಿಲಿಪಿ ಫೇಸ್ಬುಕ್ ಪೇಜಿನಲ್ಲಿ ಮತ್ತು ಹೋಂ ಪೇಜಿನಲ್ಲಿ ಬ್ಯಾನರ್ ಮೂಲಕ ಪ್ರಚಾರ ಮಾಡಲಾಗುವುದು.

ಬರವಣಿಗೆಯ ಸ್ಪರ್ಧೆಗಳಲ್ಲಿ ಭಾಗವಹಿಸುವುದು ನಿಮ್ಮ ಬರವಣಿಗೆಯ ನಿರಂತರತೆಯನ್ನು ಕಾಯ್ದುಕೊಳ್ಳಲು, ನಿಮ್ಮ ಕೌಶಲ್ಯವನ್ನು ಸುಧಾರಿಸಿಕೊಳ್ಳಲು ಮತ್ತು ಹೆಚ್ಚಿನ ಓದುಗರನ್ನು ತಲುಪಲು ಇರುವ ಅತ್ಯುತ್ತಮ ಮಾರ್ಗಗಳಲ್ಲಿ ಒಂದಾಗಿದೆ. 'ಪ್ರತಿಲಿಪಿ ಕ್ರಿಯೇಟರ್ಸ್ ರೈಟಿಂಗ್ ಚಾಲೆಂಜ್' ಈಗಾಗಲೇ ಅನೇಕ ಬರಹಗಾರರು ಪ್ಲಾಟ್‌ಫಾರ್ಮ್‌ನಲ್ಲಿ ತಮ್ಮ ಸ್ಥಾನವನ್ನು ಗಟ್ಟಿಗೊಳಿಸಿಕೊಳ್ಳಲು, ತಮ್ಮ ಓದುಗರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳಲು ಮತ್ತು ಹೊಸ ಯಶಸ್ಸಿನ ಅವಕಾಶಗಳನ್ನು ಪಡೆದುಕೊಳ್ಳಲು ಸಹಾಯ ಮಾಡಿದೆ. 

ನೀವು ಯಾವುದೇ ಸಮಸ್ಯೆ, ಅನುಮಾನಗಳನ್ನು ಹೊಂದಿದ್ದಲ್ಲಿ [email protected] ಗೆ ಈಮೇಲ್ ಕಳುಹಿಸಿ. ನಮ್ಮ ತಂಡ 24 ಗಂಟೆಗಳಲ್ಲಿ ನಿಮ್ಮ ಸಮಸ್ಯೆಗೆ ಪರಿಹಾರವನ್ನು ನೀಡಲು ಪ್ರಯತ್ನಿಸುತ್ತದೆ.

ಶುಭವಾಗಲಿ!

ಪ್ರತಿಲಿಪಿ ಸ್ಪರ್ಧಾ ವಿಭಾಗ