ಕಥಾನಾಯಕ ಧಾರಾವಾಹಿ ರಚನಾ ಸ್ಪರ್ಧೆಯ ಫಲಿತಾಂಶ

ಆತ್ಮೀಯ ಸಾಹಿತ್ಯಾಭಿಮಾನಿಗಳೇ,

ಪ್ರತಿಲಿಪಿ ಕನ್ನಡ ಆಯೋಜಿಸಿದ್ದ ‘ಕಥಾನಾಯಕ’ ಸ್ಪರ್ಧೆಗೆ ಬರಹಗಾರರು ತೋರಿಸಿರುವ ಉತ್ಸಾಹ ಅಪಾರ. ಬರಹಗಾರರು ಸ್ಪರ್ಧೆಯಲ್ಲಿ ಭಾಗವಹಿಸಿ ಉತ್ತಮ ಕೃತಿಗಳನ್ನು ರಚಿಸಿ, ಪ್ರಕಟಿಸಿ ಸ್ಪರ್ಧೆಯ ಮೆರಗನ್ನು ಹೆಚ್ಚಿಸಿದ್ದಾರೆ.

ಕೌಟುಂಬಿಕ, ಪ್ರೀತಿ, ಸಾಮಾಜಿಕ, ಅಪರಾಧ, ಹಾರರ್ ಹೀಗೆ ವಿವಿಧ ಪ್ರಭೇದಗಳ ಆಧಾರದ ಮೇಲೆ ವಿಭಿನ್ನ ರೀತಿಯ ಪುರುಷ ಕೇಂದ್ರಿತ ಕೃತಿಗಳು ರಚನೆಯಾಗಿವೆ. ಉತ್ತಮ ಕಥಾಹಂದರ, ಪಾತ್ರಪೋಷಣೆಗಳು ಕತೆಯನ್ನು ಸ್ವಾರಸ್ಯಕರವಾಗಿಸಿವೆ. ಪ್ರತಿಯೊಂದು ಕತೆಗಳು ತನ್ನದೇ ಆದ ಪ್ರಭಾವವನ್ನು ಓದುಗರ ಮೇಲೆ ಬೀರುವಂತಿವೆ.  

ಈಗ ಸ್ಪರ್ಧೆ ಮುಕ್ತಾಯಗೊಂಡಿದ್ದು, ಫಲಿತಾಂಶವನ್ನು ಈ ಕೆಳಗೆ ನೀಡಲಾಗಿದೆ. ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲಾ ಬರಹಗಾರರಿಗೂ ಶುಭಾಶಯಗಳು. ನಿಮ್ಮ ಉತ್ಸಾಹ, ಪರಿಶ್ರಮ ಮತ್ತು ಬದ್ಧತೆಯಿಂದ ಸ್ಪರ್ಧೆ ಯಶಸ್ಸು ಕಂಡು ಮುಕ್ತಾಯಗೊಂಡಿದೆ. ನಿಮ್ಮಂತಹ ಪ್ರತಿಭಾವಂತ, ಉತ್ಸಾಹಿ ಬರಹಗಾರರಿಂದ ಹೀಗೆಯೇ ಅತ್ಯುತ್ತಮ ಕೃತಿಗಳು ರಚಿಸಲ್ಪಡಲಿ ಎಂದು ಆಶಿಸುತ್ತೇವೆ.

ಸ್ಪರ್ಧೆಯ ಕೃತಿಗಳ ಕುರಿತು ಸಂಪಾದಕ ಮಂಡಳಿಯ ಅನಿಸಿಕೆ

ಸ್ಪರ್ಧೆಗೆ ಸಲ್ಲಿಸಲ್ಪಟ್ಟಿದ್ದ ಎಲ್ಲ ಕೃತಿಗಳು ವಿಭಿನ್ನ ಕಥಾವಸ್ತು, ಕಥಾಹಂದರಗಳನ್ನೊಳಗೊಂಡು ಸ್ಪರ್ಧೆಗೆ ಮೆರಗು ತಂದುಕೊಟ್ಟಿವೆ. ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲರ ಪ್ರಯತ್ನವೂ ಶ್ಲಾಘನೀಯ. ಭಾಗವಹಿಸಿದ್ದ ಎಲ್ಲರಿಗೂ ಅಭಿನಂದನೆಗಳು. ಕೆಲವು ಕೃತಿಗಳು ಸ್ಪರ್ಧೆಯ ಎಲ್ಲಾ ನಿಯಮಗಳನ್ನು ಪಾಲಿಸಿರಲಿಲ್ಲ. ಅಂತಹ ಕತೆಗಳನ್ನು ಸ್ಪರ್ಧೆಗೆ ಪರಿಗಣಿಸಲಾಗಿಲ್ಲ. 

ಉಳಿದ ಕತೆಗಳಲ್ಲಿ ಸರಿಸುಮಾರು ಎಲ್ಲಾ ಕತೆಗಳು ಭಿನ್ನವಾಗಿ ರಚಿಸಲ್ಪಟ್ಟಿದ್ದವು. ಧಾರಾವಾಹಿ ಬರೆಯುವಿಕೆ ಸುದೀರ್ಘ ಮತ್ತು ಸೃಜನಶೀಲ ಪ್ರಕ್ರಿಯೆ; ಸಂಕೀರ್ಣ ಮತ್ತು ಜಟಿಲವೂ ಹೌದು. ಕಥಾವಸ್ತುವಿನ ನಿರ್ವಹಣೆ, ಪ್ರಸ್ತುತಿಯಲ್ಲಿ ಸಾಕಷ್ಟು ತಾಳ್ಮೆ, ಬದ್ಧತೆ ಇರಬೇಕು. ಸೃಷ್ಟಿಸಿದ ಪಾತ್ರಗಳನ್ನು, ಸನ್ನಿವೇಶಗಳನ್ನು ನಿರಂತರವಾಗಿ ಬೆಳೆಸುವ, ತಿದ್ದುವ, ಪೋಷಿಸುವ ಸಹನೆ ಇರಬೇಕು. ಒಟ್ಟಾರೆ ಸುದೀರ್ಘ ಧಾರಾವಾಹಿ ಬರೆಯುವುದು ಮತ್ತು ಓದುವುದು ತಾಳ್ಮೆಯನ್ನು ಬೇಡುವ ಕೆಲಸ. ಅದರ ಜೊತೆಗೆ ಪುರುಷ ಕೇಂದ್ರಿತ ಎಂಬ ಚೌಕಟ್ಟನ್ನು ಸಹ ಹಾಕಲಾಗಿತ್ತು. ಹೀಗಿದ್ದೂ ಈ ಸ್ಪರ್ಧೆಗೆ ಐವತ್ತಕ್ಕೂ ಅಧಿಕ ಧಾರಾವಾಹಿಗಳು ಪ್ರಕಟಗೊಂಡಿರುವುದು ಬರಹಗಾರರ ಹುಮ್ಮಸ್ಸನ್ನು ತೋರಿಸುತ್ತದೆ. 

ಕೌಟುಂಬಿಕ, ಪ್ರೀತಿ, ಸಾಮಾಜಿಕ, ಅಪರಾಧ, ಹಾರರ್ ಹೀಗೆ ವಿವಿಧ ರೀತಿಯ ಪ್ರಭೇದಗಳನ್ನು ಬೆರೆಸಿ ಪುರುಷ ಕೇಂದ್ರಿತ ಕೃತಿಗಳನ್ನು ರಚಿಸಿರುವುದು ಒಂದು ಉತ್ತಮ ಪ್ರಯತ್ನ. 'ಕಥಾನಾಯಕ' ಸ್ಪರ್ಧೆಯ ಧ್ಯೇಯವೆಂದರೆ ಪುರುಷರು ಅನುಭವಿಸುವ ಪ್ರತಿಯೊಂದು ಭಾವನೆಯನ್ನು ಸೆರೆಹಿಡಿಯುವುದು. ಆದರೆ ಈ ವಿಚಾರದಲ್ಲಿ ಕತೆಗಳಲ್ಲಿ ಇನ್ನಷ್ಟು ಸ್ಪಷ್ಟತೆ ಇರಬೇಕಿತ್ತು ಎಂಬುದು ಬಹುತೇಕ ಎಲ್ಲ ಕತೆಗಳನ್ನು ಓದಿದ ಮೇಲೆ ಒಟ್ಟಾರೆಯಾಗಿ ಮೂಡಿದ ಭಾವನೆ.

ಎಲ್ಲರೂ ಆರೋಗ್ಯಕರ ಸ್ಪರ್ಧಾತ್ಮಕ ಮನೋಭಾವದಿಂದ ಫಲಿತಾಂಶವನ್ನು ಪರಿಗಣಿಸಿ; ಮುಂದಿನ ದಿನಗಳಲ್ಲಿ ಸ್ಪರ್ಧೆಯ ಎಲ್ಲಾ ನಿಯಮಗಳನ್ನು ಅನುಸರಿಸಿ, ಉತ್ತಮ ಕೃತಿಗಳನ್ನು ರಚಿಸಿ ಸ್ಪರ್ಧೆಯಲ್ಲಿ ಭಾಗವಹಿಸುವಂತಾಗಲಿ. ಎಲ್ಲಾ ಬರಹಗಾರರೂ ಸ್ಪರ್ಧೆಗೆ ಅದ್ಭುತ ಕೃತಿಗಳನ್ನು ರಚಿಸಿ ಪ್ರಕಟಿಸುವಂತಾಗಲಿ ಎಂದು ಆಶಿಸುತ್ತೇವೆ.

ವಿಜೇತ ಸಾಹಿತಿಗಳ ಯಾದಿ 

ಪ್ರಥಮ ಬಹುಮಾನ: 5,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ + ವಿಶೇಷ ಪೋಸ್ಟ್ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ

ರಾಮಚಂದ್ರ ಭಟ್ಅವರ ಕಾಲಸರ್ಪದ ಹೆಜ್ಜೆ 

ದ್ವಿತೀಯ ಬಹುಮಾನ: 3,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ + ವಿಶೇಷ ಪೋಸ್ಟ್ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ

ರಾಧಾಮಣಿಹೆಚ್ ಗೌಡ ಅವರ ತಪಸ್ಸು -ತಮಸ್ಸು 

ತೃತೀಯ ಬಹುಮಾನ: 2,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ + ವಿಶೇಷ ಪೋಸ್ಟ್ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ

ಗಾಯತ್ರಿ ಅವರ ಕೋಡ್ ಕ್ರೈಂ ಡೈರಿ 

ನಾಲ್ಕನೆಯ ಬಹುಮಾನ: 1,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ + ವಿಶೇಷ ಪೋಸ್ಟ್ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ

ವಾಣಿಶ್ರೀ ಹೆಚ್ ಎನ್ ಅವರ ಮುಖವಾಡದ ಹಿಂದಿನ ಮಹಾಯುದ್ಧ 

ಐದನೆಯ ಬಹುಮಾನ: 1,000 ರೂಪಾಯಿಗಳ ನಗದು ಬಹುಮಾನ + ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ + ವಿಶೇಷ ಪೋಸ್ಟ್ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ

ವಾಗ್ಮಿಯ ಅವರ ಅಗ್ನಿಪಥ

ಆರರಿಂದ ಹತ್ತನೆಯ ಸ್ಥಾನ ವಿಜೇತರ ಯಾದಿ

ಈ ಕೃತಿಗಳ ಕರ್ತೃಗಳಿಗೆ ವಿಜೇತ ಪ್ರಮಾಣಪತ್ರವನ್ನು ಇಮೇಲ್ ಮೂಲಕ ಕಳುಹಿಸಲಾಗುವುದು ಮತ್ತು ವಿಶೇಷ ಪೋಸ್ಟ್ ಮೂಲಕ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ ಮಾಡಲಾಗುವುದು.

80 ಕ್ಕೂ ಅಧಿಕ ಅಧ್ಯಾಯಗಳ ಧಾರಾವಾಹಿಯನ್ನು ರಚಿಸಿದವರ ಯಾದಿ

ಸ್ಪರ್ಧೆಗೆ ಬರಹಗಾರರು ತೋರಿಸಿರುವ ಆಸಕ್ತಿ ಶ್ಲಾಘನೀಯ. ಬರಹಗಾರರು 80 ಅಧ್ಯಾಯಗಳ ಸವಾಲನ್ನು ಸ್ವೀಕರಿಸಿ 80 ಕ್ಕೂ ಅಧಿಕ ಅಧ್ಯಾಯಗಳ ಧಾರಾವಾಹಿಗಳನ್ನು ರಚಿಸಿದ್ದಾರೆ. ಈ ಬರಹಗಾರರಿಗೆ ಪ್ರತಿಷ್ಠಿತ ಸಾಹಿತ್ಯ ಸನ್ಮಾನ ಪತ್ರವನ್ನು ಅವರ ಇಮೇಲ್ ವಿಳಾಸಕ್ಕೆ ಕಳುಹಿಸಲಾಗುವುದು.

ಇವುಗಳಲ್ಲಿ ರೀಡರ್ ಎಂಗೇಜ್‌ಮೆಂಟ್ ಆಧಾರದ ಮೇಲೆ ಟಾಪ್ 10 ಧಾರಾವಾಹಿಗಳ ಕರ್ತೃಗಳಿಗೆ ಪ್ರತಿಷ್ಠಿತ ಪ್ರತಿಲಿಪಿ ಅವಾರ್ಡ್ ಅನ್ನು ಅವರು ನೀಡುವ ವಿಳಾಸಕ್ಕೆ ಕೋರಿಯರ್ ಮೂಲಕ ಕಳುಹಿಸಲಾಗುವುದು. 

ಈ ಕೆಳಗೆ ಎಂಗೇಜ್ಮೆಂಟ್ ಸ್ಕೋರ್ ಆಧಾರದ ಮೇಲೆ ಧಾರಾವಾಹಿಗಳನ್ನು ಕ್ರಮವಾಗಿ ಪಟ್ಟಿ ಮಾಡಲಾಗಿದೆ.

ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲರಿಗೂ ಅಭಿನಂದನೆಗಳು ಮತ್ತು ವಿಜೇತರಿಗೆ ಶುಭಾಶಯಗಳು!

- ಪ್ರತಿಲಿಪಿ ಕನ್ನಡ