ದ್ವೇಷಪೂರಿತ ವಿಷಯಗಳ ಕುರಿತ ಮಾರ್ಗಸೂಚಿಗಳು

ಓದುಗರು, ಸಹ ಲೇಖಕರು ಅಥವಾ ಸಾರ್ವಜನಿಕ ವ್ಯಕ್ತಿಗಳು ಸೇರಿದಂತೆ ಯಾವುದೇ ನಿರ್ದಿಷ್ಟ ವ್ಯಕ್ತಿ ಅಥವಾ ಸಮುದಾಯವನ್ನು ಗುರಿಯಾಗಿಸಿ ಅವಮಾನಿಸಲು, ನಿಂದಿಸಲು, ಬೆದರಿಕೆ ಹಾಕಲು ಅಥವಾ ಕಿರುಕುಳ ನೀಡಲು ನಿಮ್ಮ ಕಥೆಗಳು, ವಿಮರ್ಶೆಗಳು, ಸಂದೇಶಗಳು ಅಥವಾ ಪ್ರೊಫೈಲ್ ವಿವರಗಳನ್ನು ಬಳಸಬೇಡಿ.

ಅರ್ಥಪೂರ್ಣ ಕಾಲ್ಪನಿಕ ಕಥೆಗಳ ಭಾಗವಾಗಿ ಜಾತಿ ತಾರತಮ್ಯ, ಕೋಮು ಉದ್ವಿಗ್ನತೆ, ಕೌಟುಂಬಿಕ ದೌರ್ಜನ್ಯ ಅಥವಾ ಬಾಲ್ಯವಿವಾಹದಂತಹ ಸಮಾಜದ ಕಠಿಣ ವಾಸ್ತವಗಳನ್ನು ಮುಕ್ತವಾಗಿ ವಿವರಿಸಬಹುದು. ಇಂತಹ ಹಾನಿಕಾರಕ ಆಚರಣೆಗಳನ್ನು ಬಯಲು ಮಾಡುವುದು ಅಥವಾ ಪ್ರಶ್ನಿಸುವುದು ಮತ್ತು ಅವುಗಳನ್ನು ನೇರವಾಗಿ ಅಥವಾ ಪರೋಕ್ಷವಾಗಿ ಪ್ರೋತ್ಸಾಹಿಸುವುದು ಎರಡೂ ಬೇರೆ ಬೇರೆ ಪ್ರಕ್ರಿಯೆಗಳು. 

ಯಾವುದೇ ವ್ಯಕ್ತಿ, ಸಮುದಾಯ, ಧರ್ಮ, ಜಾತಿ, ಲಿಂಗ, ನಂಬಿಕೆ ಆಚರಣೆಗಳ ವಿರುದ್ಧ ಹಿಂಸೆ, ದ್ವೇಷ, ದೌರ್ಜನ್ಯ ಅಥವಾ ತಾರತಮ್ಯವನ್ನು ಸಹಜವೆಂದು ಬಿಂಬಿಸುವುದು, ವೈಭವೀಕರಿಸುವುದು ಅಥವಾ ಅವು ಸರಿಯೆಂದು ಪ್ರಸ್ತುತಪಡಿಸುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಲಾಗಿದೆ.

ನಿಮ್ಮ ಪ್ರೊಫೈಲ್ ಹೆಸರು, ಚಿತ್ರ ಅಥವಾ ಪರಿಚಯ ವಿವರಗಳು ಸೇರಿದಂತೆ ಎಲ್ಲಿಯೂ ಯಾವುದೇ ವರ್ಗದ ವಿರುದ್ಧ ದ್ವೇಷ ಅಥವಾ ಹಿಂಸೆಯನ್ನು ಪ್ರಚೋದಿಸುವ ನಿಂದನೀಯ ಪದಗಳು, ರಾಜಕೀಯವಾಗಿ ಪ್ರಚೋದನಕಾರಿ ವಿಷಯಗಳು, ದ್ವೇಷಪೂರಿತ ಚಿಹ್ನೆಗಳು ಅಥವಾ ಭಾಷೆಯನ್ನು ಬಳಸಬೇಡಿ.

ಕಾಲ್ಪನಿಕವಲ್ಲದ ಬರಹಗಳಲ್ಲಿ ಆಧಾರರಹಿತ ವದಂತಿಗಳನ್ನು ಹರಡುವುದು, ಐತಿಹಾಸಿಕ ಸತ್ಯಗಳನ್ನು ತಿರುಚುವುದು ಅಥವಾ ಒಂದು ಸಮುದಾಯವು ಇನ್ನೊಂದಕ್ಕಿಂತ ಶ್ರೇಷ್ಠ ಅಥವಾ ಕೀಳು ಎಂದು ಬಿಂಬಿಸುವ ಬರಹಗಳನ್ನು ಪೋಸ್ಟ್ ಗಳನ್ನು ಪ್ರಕಟಿಸಬಾರದು.

ಅಪ್ರಾಪ್ತರನ್ನು ಲೈಂಗಿಕವಾಗಿ ಬಳಸಿಕೊಳ್ಳುವುದು, ಬಾಲ್ಯವಿವಾಹವನ್ನು ಅಪೇಕ್ಷಣೀಯವೆಂದು ಬಿಂಬಿಸುವುದು ಅಥವಾ ಮಹಿಳೆಯರ ಮೇಲಿನ ಲೈಂಗಿಕ ಹಾಗೂ ದೈಹಿಕ ದೌರ್ಜನ್ಯವನ್ನು ವೈಭವೀಕರಿಸುವುದನ್ನು ಅತ್ಯಂತ ಗಂಭೀರ ಹಾಗೂ 'ಕಿಂಚಿತ್ತೂ ಸಹಿಸದ ನೀತಿ ಉಲ್ಲಂಘನೆ' ಎಂದು ಪರಿಗಣಿಸಲಾಗುತ್ತದೆ.

ಉಲ್ಲಂಘನೆಯ ತೀವ್ರತೆಗೆ ಅನುಗುಣವಾಗಿ ಎಚ್ಚರಿಕೆ ನೀಡುವುದು, ಕೃತಿಯನ್ನು ತೆಗೆದುಹಾಕುವುದು ಮತ್ತು ಪ್ರೊಫೈಲ್ ಅನ್ನು ಶಾಶ್ವತವಾಗಿ ನಿರ್ಬಂಧಿಸುವ ಕ್ರಮ ಕೈಗೊಳ್ಳಲಾಗುತ್ತದೆ. ಕಾನೂನುಬಾಹಿರ ವಿಷಯಗಳಿದ್ದಲ್ಲಿ ಯಾವುದೇ ಮುನ್ಸೂಚನೆ ಇಲ್ಲದೇ ಪ್ರೊಫೈಲ್ ಅನ್ನು ನಿರ್ಬಂಧಿಸಲಾಗುವುದು ಹಾಗೂ ಸಂಬಂಧಪಟ್ಟ ಕಾನೂನು ಪ್ರಾಧಿಕಾರಗಳಿಗೆ ವರದಿ ಮಾಡಲಾಗುವುದು.