ಪ್ರತಿಲಿಪಿಯಲ್ಲಿ ನೀವು ಪ್ರಕಟಿಸಿರುವ ಕಥೆ ಅಥವಾ ಕಥೆಯ ಅಧ್ಯಾಯವನ್ನು ಎಡಿಟ್ ಮಾಡಲು ತೊಂದರೆಯಾಗುತ್ತಿದೆಯೇ? ಚಿಂತೆ ಬೇಡ ಇದು ಸಾಮಾನ್ಯವಾಗಿ ಆ್ಯಪ್, ನೆಟ್‌ವರ್ಕ್ ಅಥವಾ ಖಾತೆಗೆ ಸಂಬಂಧಿಸಿದ ತಾತ್ಕಾಲಿಕ ತಾಂತ್ರಿಕ ದೋಷಗಳಿಂದಾಗಿ ಸಂಭವಿಸುತ್ತದೆ.

ಸಮಸ್ಯೆಯನ್ನು ಬಗೆಹರಿಸಲು ಈ ಕೆಳಗಿನ ಹಂತಗಳನ್ನು ಒಂದೊಂದಾಗಿ ಪ್ರಯತ್ನಿಸಿ:

ಪ್ರಕಟಿತ ಕಥೆಯನ್ನು ಎಡಿಟ್ ಮಾಡುವುದು ಹೇಗೆ?

ಪ್ರಕಟವಾಗಿರುವ ಕಥೆ ಅಥವಾ ಅದರ ಭಾಗವನ್ನು ಎಡಿಟ್ ಮಾಡಲು:

• ಪ್ರತಿಲಿಪಿ ಆ್ಯಪ್ ತೆರೆಯಿರಿ.

• 'ಬರೆಯಿರಿ' ವಿಭಾಗದ ಮೇಲೆ ಟ್ಯಾಪ್ ಮಾಡಿ.

• ನಿಮ್ಮ ಕಥೆ ಅಥವಾ ಧಾರಾವಾಹಿಯನ್ನು ಆಯ್ಕೆಮಾಡಿ.

• ನೀವು ಎಡಿಟ್ ಮಾಡಲು ಬಯಸುವ ಕಥೆಯ ಭಾಗವನ್ನು ತೆರೆಯಿರಿ.

• 'ಎಡಿಟ್' ಆಯ್ಕೆಯ ಮೇಲೆ ಟ್ಯಾಪ್ ಮಾಡಿ.

• ಅಗತ್ಯ ಬದಲಾವಣೆಗಳನ್ನು ಮಾಡಿ, ನಂತರ ಮತ್ತೊಮ್ಮೆ 'ಸಂರಕ್ಷಿಸಿ' ಅಥವಾ 'ಪ್ರಕಟಿಸಿ' ಬಟನ್ ಒತ್ತಿ.

ಬದಲಾವಣೆಗಳು ಸಂರಕ್ಷಿಸಲ್ಪಡುತ್ತಿಲ್ಲವೇ ? ಅಥವಾ ಪ್ರಕಟ ಆಗುತ್ತಿಲ್ಲವೇ?

ಸಾಮಾನ್ಯವಾಗಿ ಈ ಕೆಳಗಿನ ಕಾರಣಗಳಿಂದಾಗಿ ಹೀಗಾಗಬಹುದು:

• ದುರ್ಬಲ ಅಂತರ್ಜಾಲ ಸಂಪರ್ಕ

• ತಾತ್ಕಾಲಿಕ ಸರ್ವರ್ ಸಿಂಕ್ ಸಮಸ್ಯೆ

• ಒಂದೇ ಬಾರಿಗೆ ಅತಿ ದೊಡ್ಡ ಪ್ರಮಾಣದ ಬದಲಾವಣೆಗಳನ್ನು ಮಾಡಲು ಪ್ರಯತ್ನಿಸಿರುವುದು 

ಪರಿಹಾರ ಹಂತಗಳು:

• ಕಥೆಯನ್ನು ಒಟ್ಟಿಗೆ ಬದಲಾಯಿಸುವ ಬದಲು ಸಣ್ಣ ಸಣ್ಣ ಭಾಗಗಳಾಗಿ ಎಡಿಟ್ ಮಾಡಿ.

• ಕೆಲವು ನಿಮಿಷಗಳ ನಂತರ ಮತ್ತೊಮ್ಮೆ ಸಂರಕ್ಷಿಸಲು ಪ್ರಯತ್ನಿಸಿ.

• ಪ್ರಕ್ರಿಯೆಯನ್ನು ಮರುಪ್ರಯತ್ನಿಸುವ ಮುನ್ನ ಡ್ರಾಫ್ಟ್ ಅಥವಾ ಕಥೆಯನ್ನು ಒಮ್ಮೆ ಮುಚ್ಚಿ ಮತ್ತೆ ಓಪನ್ ಮಾಡಿ.

ಪ್ರೀಮಿಯಂ ಅಥವಾ ಲಾಕ್ ಆಗಿರುವ ಕಥೆಯನ್ನು ಎಡಿಟ್ ಮಾಡಲು ಸಾಧ್ಯವಾಗುತ್ತಿಲ್ಲವೇ?

ಪ್ರಸ್ತುತ ಓದುತ್ತಿರುವ ಓದುಗರ ಅನುಭವಕ್ಕೆ ಯಾವುದೇ ಅಡಚಣೆಯಾಗಬಾರದು ಎಂಬ ಕಾರಣಕ್ಕೆ ಪ್ರೀಮಿಯಂ ಅಥವಾ ಲಾಕ್ ಆಗಿರುವ ಧಾರಾವಾಹಿಯ ಅಧ್ಯಾಯಗಳಿಗೆ ಎಡಿಟ್, ಅಪ್ರಕಟಿತಗೊಳಿಸುವಿಕೆ ಮತ್ತು ಅಳಿಸುವ ಆಯ್ಕೆಗಳನ್ನು ನಿಷ್ಕ್ರಿಯಗೊಳಿಸಲಾಗಿರುತ್ತದೆ.

ಒಂದು ವೇಳೆ ನೀವು ಲಾಕ್ ಆಗಿರುವ ಧಾರಾವಾಹಿಯ ಅಧ್ಯಾಯವನ್ನು ಎಡಿಟ್ ಮಾಡಲು ಅಥವಾ ಅಪ್ರಕಟಿತಗೊಳಿಸಲು ಬಯಸಿದರೆ, ದಯವಿಟ್ಟು ನಮ್ಮ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ. ನಾವು ನಿಮಗೆ ಮುಂದಿನ ಸಹಾಯವನ್ನು ನೀಡುತ್ತೇವೆ.

ಸಮಸ್ಯೆ ಇನ್ನೂ ಮುಂದುವರಿದಿದೆಯೇ?

ದಯವಿಟ್ಟು ಈ ಕೆಳಗಿನ ವಿವರಗಳೊಂದಿಗೆ ನಮ್ಮ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ:

• ಕಥೆಯ ಲಿಂಕ್

• ಸಮಸ್ಯೆಯ ಸ್ಕ್ರೀನ್‌ಶಾಟ್ ಅಥವಾ ಸ್ಕ್ರೀನ್ ರೆಕಾರ್ಡಿಂಗ್

• ಎಡಿಟ್ ಮಾಡಲು ಪ್ರಯತ್ನಿಸಿದಾಗ ನಿಖರವಾಗಿ ಏನು ಸಮಸ್ಯೆ ಆಗುತ್ತಿದೆ ಎಂಬ ವಿವರ

ನಿಮ್ಮ ಸಮಸ್ಯೆಯನ್ನು ಆದಷ್ಟು ಶೀಘ್ರದಲ್ಲಿ ಪರಿಹರಿಸಲು ನಾವು ಪ್ರಯತ್ನಿಸುತ್ತೇವೆ.