ನೀವು ಪ್ರತಿಲಿಪಿ ಆ್ಯಪ್ ಬಳಸುತ್ತಿದ್ದರೆ, ಸ್ಕ್ರೀನ್ ಮೇಲ್ಭಾಗದಲ್ಲಿ ಒಂದು ಪುಟ್ಟ ನಾಣ್ಯದ ಚಿಹ್ನೆ ಇರುವುದನ್ನು ನೀವು ಗಮನಿಸಿರಬಹುದು.
ಪ್ರತಿಲಿಪಿ ಕಾಯಿನ್ಗಳು ನಮ್ಮ ವೇದಿಕೆಯ ವರ್ಚುವಲ್ ಕರೆನ್ಸಿ. ನಿಮಗೆ ಬೇಕಾದ ಕಥೆಗಳನ್ನು, ನಿಮಗೆ ಬೇಕಾದ ಸಮಯದಲ್ಲಿ ಓದಲು ಅನುಕೂಲವಾಗಲೆಂದೇ ಈ ವ್ಯವಸ್ಥೆಯನ್ನು ರೂಪಿಸಲಾಗಿದೆ.
ನಾಣ್ಯಗಳನ್ನು ಯಾವುದಕ್ಕಾಗಿ ಬಳಸಬಹುದು?
ನಾಣ್ಯಗಳ ಮುಖ್ಯ ಉದ್ದೇಶವೆಂದರೆ ನಮ್ಮ ವೇದಿಕೆಯ ಅತ್ಯುತ್ತಮ ಮತ್ತು ಜನಪ್ರಿಯ ಕಥೆಗಳನ್ನು (ಪ್ರೀಮಿಯಂ ಧಾರಾವಾಹಿಗಳು ಅಥವಾ ಬ್ಲಾಕ್ ಬಸ್ಟರ್ ಧಾರಾವಾಹಿಗಳು) ಅನ್ಲಾಕ್ ಮಾಡುವುದು.
ಸಾಮಾನ್ಯವಾಗಿ ಇಂತಹ ಧಾರಾವಾಹಿಗಳ ಕೆಲವು ಅಧ್ಯಾಯಗಳು ಲಾಕ್ ಆಗಿರುತ್ತವೆ. ಇವುಗಳನ್ನು ಓದಲು ನೀವು ಪ್ರತಿದಿನದ "Wait-to-Read" ಸಮಯ ಮುಗಿಯುವವರೆಗೆ ಕಾಯಬಹುದು, ಅಥವಾ ನಿಮ್ಮ ನಾಣ್ಯಗಳನ್ನು ಬಳಸಿ ತಕ್ಷಣವೇ ಮುಂದಿನ ಅಧ್ಯಾಯವನ್ನು ಅನ್ಲಾಕ್ ಮಾಡಬಹುದು!
ಇದು ನೀವು ಯಾವ ಕಥೆ ಓದುತ್ತೀರೋ ಅದಕ್ಕೆ ಮಾತ್ರ ಪಾವತಿಸುವ ವ್ಯವಸ್ಥೆಯಾಗಿದೆ. ಅಂದರೆ, ಪೂರ್ಣ ತಿಂಗಳ ಪ್ರೀಮಿಯಂ ಚಂದಾದಾರಿಕೆ ಬೇಡ ಎನ್ನುವವರು ಕೇವಲ ನಾಣ್ಯ ಬಳಸಿ ತಮಗೆ ಇಷ್ಟವಾದ ಕಥೆ ಓದಬಹುದು.
ಇದಲ್ಲದೆ, ಸ್ಟಿಕರ್ಗಳನ್ನು ಕಳುಹಿಸುವ ಮೂಲಕ ನಿಮ್ಮ ನೆಚ್ಚಿನ ಲೇಖಕರಿಗೆ ಅಥವಾ ಬರಹಗಳಿಗೆ ಬೆಂಬಲ ಸೂಚಿಸಲು ಕೂಡ ನಾಣ್ಯಗಳನ್ನು ಬಳಸಬಹುದು.
ನಾಣ್ಯಗಳನ್ನು ಪಡೆಯುವುದು ಹೇಗೆ?
ನಿಮ್ಮ ವ್ಯಾಲೆಟ್ ಅನ್ನು ನಾಣ್ಯಗಳಿಂದ ತುಂಬಿಸಲು ಎರಡು ಮುಖ್ಯ ಮಾರ್ಗಗಳಿವೆ:
೧. ನೀವು ಉಚಿತವಾಗಿ ಗಳಿಸಬಹುದು!
ನಮ್ಮ ನಿಷ್ಠಾವಂತ ಓದುಗರಿಗೆ ಬಹುಮಾನ ನೀಡಲು ನಾವು ಇಷ್ಟಪಡುತ್ತೇವೆ. ಈ ಕೆಳಗಿನ ಕೆಲಸಗಳನ್ನು ಮಾಡುವ ಮೂಲಕ ನೀವು ಪ್ರತಿ ವಾರ ಉಚಿತ ಕಾಯಿನ್ಗಳನ್ನು ಗಳಿಸಬಹುದು:
ಪ್ರತಿದಿನ ಓದುವುದು: ಪ್ರತಿದಿನ ಕನಿಷ್ಠ ಕೆಲವು ನಿಮಿಷಗಳ ಕಾಲ ಕಥೆಗಳನ್ನು ಓದಿ 'ರೀಡಿಂಗ್ ಚಾಲೆಂಜ್' ಪೂರ್ಣಗೊಳಿಸಿ. ನೀವು ಸತತವಾಗಿ ೭ ದಿನ ಅಥವಾ ೨೧ ದಿನಗಳ ಮೈಲಿಗಲ್ಲು ತಲುಪಿದಾಗ, ನಾವು ನಿಮ್ಮ ವ್ಯಾಲೆಟ್ಗೆ ಉಚಿತ ಕಾಯಿನ್ಗಳನ್ನು ಜಮೆ ಮಾಡುತ್ತೇವೆ!
ಸ್ನೇಹಿತರನ್ನು ಆಹ್ವಾನಿಸಿ: ನಿಮ್ಮ ಇನ್ವೈಟ್/ರೆಫರಲ್ ಕೋಡ್ ಅನ್ನು ಸ್ನೇಹಿತರೊಂದಿಗೆ ಹಂಚಿಕೊಳ್ಳಿ. ಅವರು ಪ್ರತಿಲಿಪಿ ಸೇರಿ ಓದಲು ಪ್ರಾರಂಭಿಸಿದಾಗ, ನಿಮಗೂ ಮತ್ತು ನಿಮ್ಮ ಸ್ನೇಹಿತರಿಗೂ ನಾವು ಉಚಿತ ಕಾಯಿನ್ಗಳನ್ನು ನೀಡುತ್ತೇವೆ.
೨. ನೀವು ಕಾಯಿನ್ ಹಣ ಪಾವತಿಸಿಯೂ ಖರೀದಿಸಬಹುದು
ನೀವು ಯಾವುದಾದರೂ ರೋಚಕ ಕಥೆಯನ್ನು ಓದುತ್ತಿದ್ದು, ತಕ್ಷಣವೇ ಮುಂದಿನ ೨೦ ಅಧ್ಯಾಯಗಳನ್ನು ಅನ್ಲಾಕ್ ಮಾಡಬೇಕೆಂದಿದ್ದರೆ, ಉಚಿತ ನಾಣ್ಯಗಳಿಗಾಗಿ ಕಾಯುವ ಬದಲು ನೀವೇ ಖರೀದಿಸಬಹುದು. ಆಪ್ನಲ್ಲಿನ 'ನನ್ನ ನಾಣ್ಯಗಳು ವಿಭಾಗಕ್ಕೆ ಹೋಗಿ ಗೂಗಲ್ ಪೇ, ಯುಪಿಐ (UPI), ಅಥವಾ ಡೆಬಿಟ್ ಕಾರ್ಡ್ ಬಳಸಿ ಕಾಯಿನ್ ಪ್ಯಾಕ್ ಅನ್ನು ಖರೀದಿಸಬಹುದು.
ಸಂಕ್ಷಿಪ್ತವಾಗಿ: ಪ್ರತಿಲಿಪಿಯಲ್ಲಿನ ಅತ್ಯಂತ ರೋಚಕ ತಿರುವುಗಳನ್ನು ತಕ್ಷಣವೇ ಅನ್ಲಾಕ್ ಮಾಡಲು ನಾಣ್ಯಗಳು ನಿಮ್ಮ ಡಿಜಿಟಲ್ ಪಾಕೆಟ್ ಮನಿಯಂತೆ ಕೆಲಸ ಮಾಡುತ್ತವೆ!
ಓದು ಮುಂದುವರಿಯಲಿ!