ನಿಮ್ಮ ಪಾವತಿ ಅಥವಾ ಚಂದಾದಾರಿಕೆಯ ಸ್ಥಿತಿಯನ್ನು ಪರಿಶೀಲಿಸುವುದು ಹೇಗೆ?
ನೀವು ಇತ್ತೀಚೆಗೆ ನಾಣ್ಯಗಳನ್ನು ಖರೀದಿಸಿದ್ದರೆ, ಪ್ರೀಮಿಯಂ ಚಂದಾದಾರಿಕೆ ಪಡೆದಿದ್ದರೆ ಅಥವಾ 'ಸೂಪರ್ಫ್ಯಾನ್' ಆಗಿ ಒಬ್ಬ ಲೇಖಕರಿಗೆ ಬೆಂಬಲ ನೀಡಿದ್ದರೆ, ನಿಮ್ಮ ಪಾವತಿಯ ಸ್ಥಿತಿ ಮತ್ತು ಸಂಪೂರ್ಣ ಖರೀದಿ ಇತಿಹಾಸವನ್ನು ಆ್ಯಪ್ನಲ್ಲಿಯೇ ಸುಲಭವಾಗಿ ಪರಿಶೀಲಿಸಬಹುದು!
ನಿಮ್ಮ ಪಾವತಿಯ ವಿವರಗಳನ್ನು ಕಂಡುಹಿಡಿಯುವುದು ಹೀಗೆ:
ನಿಮ್ಮ ಚಂದಾದಾರಿಕೆಯ ಸ್ಥಿತಿಯನ್ನು ಪರಿಶೀಲಿಸಿ
ನೀವು ಈಗಷ್ಟೇ ಪ್ರೀಮಿಯಂ ಅಥವಾ ಸೂಪರ್ಫ್ಯಾನ್ ಚಂದಾದಾರಿಕೆ ಪಡೆದಿದ್ದು, ಅದು ಸಕ್ರಿಯವಾಗಿದೆಯೇ ಎಂದು ತಿಳಿಯಲು:
ಪ್ರೀಮಿಯಂಗಾಗಿ: ಕೆಳಗಿನ ಮೆನುವಿನಲ್ಲಿರುವ 'ಪ್ರೀಮಿಯಂ' ಟ್ಯಾಬ್ (ಸಾಮಾನ್ಯವಾಗಿ ಕಿರೀಟ ಅಥವಾ ನಕ್ಷತ್ರದ ಐಕಾನ್) ಮೇಲೆ ಕ್ಲಿಕ್ ಮಾಡಿ. ಅಲ್ಲಿ ನೀವು 'ಸಕ್ರಿಯ ಸಬ್ಸ್ಕ್ರೈಬರ್' ಆಗಿದ್ದೀರಾ ಮತ್ತು ನಿಮ್ಮ ಯೋಜನೆ ಯಾವಾಗ ನವೀಕರಣಗೊಳ್ಳುತ್ತದೆ ಅಥವಾ ಕೊನೆಗೊಳ್ಳುತ್ತದೆ ಎಂಬ ವಿವರ ಕಾಣಿಸುತ್ತದೆ.
ಸೂಪರ್ಫ್ಯಾನ್ ಗಾಗಿ: ನೀವು ಬೆಂಬಲಿಸಿದ ಲೇಖಕರ ಪ್ರೊಫೈಲ್ಗೆ ಹೋಗಿ. ನಿಮ್ಮ ಪಾವತಿ ಯಶಸ್ವಿಯಾಗಿದ್ದರೆ, ನೀವು ಕಾಮೆಂಟ್ ಮಾಡಿದಾಗ ನಿಮ್ಮ ಪ್ರೊಫೈಲ್ ಪಕ್ಕದಲ್ಲಿ 'ಸೂಪರ್ಫ್ಯಾನ್ ಬ್ಯಾಡ್ಜ್' ಕಾಣಿಸುತ್ತದೆ ಮತ್ತು ಆ ಲೇಖಕರ ಖಾಸಗಿ ಚಾಟ್ರೂಮ್ ಅನ್ಲಾಕ್ ಆಗಿರುತ್ತದೆ!
ನಿಮ್ಮ ಪಾವತಿ ಮತ್ತು ನಾಣ್ಯ ಖರೀದಿಯ ಇತಿಹಾಸವನ್ನು ನೋಡಿ
ನಿಮ್ಮ ಹಣ ಅಥವಾ ನಾಣ್ಯಗಳು ಎಲ್ಲಿ ಖರ್ಚಾಗಿವೆ ಎಂದು ತಿಳಿಯಲು ಆ್ಯಪ್ನಲ್ಲಿ ನಿಮಗಾಗಿಯೇ ಒಂದು 'ಡಿಜಿಟಲ್ ರಸೀದಿ ಪುಸ್ತಕ'ವಿದೆ!
ಪ್ರತಿಲಿಪಿ ಆ್ಯಪ್ ತೆರೆಯಿರಿ ಮತ್ತು ಮೇಲ್ಭಾಗದ ಎಡ ಮೂಲೆಯಲ್ಲಿರುವ ಪ್ರೀಮಿಯಂ ಐಕಾನ್ ಮೇಲೆ ಕ್ಲಿಕ್ ಮಾಡಿ.
'ನನ್ನ ನಾಣ್ಯಗಳು' ವಿಭಾಗದ ಮೇಲೆ ಟ್ಯಾಪ್ ಮಾಡಿ.
ಅಲ್ಲಿ ‘ವಹಿವಾಟಿನ ವಿವರಗಳನ್ನು ನೋಡಿ’ ಆಯ್ಕೆಯನ್ನು ಆರಿಸಿ ಮತ್ತು ನಂತರ ‘ಖರೀದಿಗಳು’ ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.
ಇಲ್ಲಿ ನೀವು ಮಾಡಿದ ಪ್ರತಿಯೊಂದು ಖರೀದಿಯ ವಿವರವಾದ ಪಟ್ಟಿ ಕಾಣಿಸುತ್ತದೆ. ಅದರಲ್ಲಿ ಕೆಳಗಿನ ವಿವರಗಳಿರುತ್ತವೆ:
ಖರೀದಿಯ ಪ್ರಕಾರ (ಪ್ರೀಮಿಯಂ, ಸೂಪರ್ಫ್ಯಾನ್ ಅಥವಾ ಕಾಯಿನ್).
ಖರೀದಿ ಮಾಡಿದ ದಿನಾಂಕ ಮತ್ತು ಸಮಯ.
ಚಂದಾದಾರಿಕೆಗಾಗಿ ಪಾವತಿಸಿದ ಮೊತ್ತ.
ನಿಮ್ಮ ಖರೀದಿಯ ಆರ್ಡರ್ ಐಡಿ.
ಇನ್ನೂ ಸಹಾಯ ಬೇಕೆ? ನಿಮ್ಮ ಬ್ಯಾಂಕ್ ಖಾತೆಯಿಂದ ಹಣ ಕಡಿತವಾಗಿದ್ದು, ಪ್ರತಿಲಿಪಿ ಹಿಸ್ಟರಿಯಲ್ಲಿ ಅದು ಕಾಣಿಸುತ್ತಿಲ್ಲವಾದರೆ, ತಲೆಕೆಡಿಸಿಕೊಳ್ಳಬೇಡಿ. ನಿಮ್ಮ UPI ಆ್ಯಪ್ನಿಂದ ಆ ಪಾವತಿಯ ಸ್ಕ್ರೀನ್ಶಾಟ್ ತೆಗೆದುಕೊಳ್ಳಿ ಮತ್ತು ನಮ್ಮ ಗ್ರಾಹಕ ಸೇವ ವಿಭಾಗಕ್ಕೆ ಕಳುಹಿಸಿ! ನಾವು ಅದನ್ನು ಪರಿಶೀಲಿಸಿ ತಕ್ಷಣವೇ ಸರಿಪಡಿಸುತ್ತೇವೆ.