ಹೊಸ ಫೋನ್‌ಗೆ ಬದಲಾದ ನಂತರ ನಿಮ್ಮ ಹಳೆಯ ಪ್ರತಿಲಿಪಿ ಖಾತೆಗೆ ಲಾಗಿನ್ ಆಗಲು ಸಾಧ್ಯವಾಗುತ್ತಿಲ್ಲವೇ? 

ಚಿಂತೆ ಬೇಡ ! ಹೆಚ್ಚಿನ ಸಂದರ್ಭಗಳಲ್ಲಿ, ನೀವು ಈ ಹಿಂದೆ ಬಳಸುತ್ತಿದ್ದ ಅದೇ ಲಾಗಿನ್ ವಿಧಾನವನ್ನು ಬಳಸುವ ಮೂಲಕ ನಿಮ್ಮ ಖಾತೆಯನ್ನು ಸುಲಭವಾಗಿ ಮರಳಿ ಪಡೆಯಬಹುದು.

ಮೊದಲು, ನಿಮ್ಮ ಹಳೆಯ ಖಾತೆಯ ವಿವರಗಳೊಂದಿಗೆ ಲಾಗಿನ್ ಮಾಡಲು ಪ್ರಯತ್ನಿಸಿ

ನಿಮ್ಮ ಓದುವಿಕೆಯ ಇತಿಹಾಸ, ಚಂದಾದಾರಿಕೆಗಳು, ಫಾಲೋವರ್ಸ್, ನಾಣ್ಯಗಳು ಮತ್ತು ಖರೀದಿಗಳು ಸೇರಿದಂತೆ ನಿಮ್ಮ ಎಲ್ಲಾ ಪ್ರತಿಲಿಪಿ ಖಾತೆಯ ವಿವರಗಳು ನೀವು ಬಳಸಿದ ಮೂಲ ಲಾಗಿನ್ ವಿಧಾನಕ್ಕೆ ಲಿಂಕ್ ಆಗಿರುತ್ತವೆ.

ದಯವಿಟ್ಟು ಈ ಕೆಳಗಿನ ಹಂತಗಳನ್ನು ಪ್ರಯತ್ನಿಸಿ:

• ನಿಮ್ಮ ಹೊಸ ಫೋನ್‌ನಲ್ಲಿ ಪ್ರತಿಲಿಪಿ ಆ್ಯಪ್ ತೆರೆಯಿರಿ.

• 'ಸೈನ್ ಇನ್' ಮೇಲೆ ಟ್ಯಾಪ್ ಮಾಡಿ.

• ನಿಮ್ಮ ಹಳೆಯ ಫೋನ್‌ನಲ್ಲಿ ನೀವು ಬಳಸುತ್ತಿದ್ದ :

  • ಜಿ ಮೈಲ್ ಖಾತೆ

  • ಫೇಸ್‌ಬುಕ್ ಖಾತೆ

  • ಇಮೇಲ್ ಐಡಿ

    ಬಳಸಿ ಲಾಗಿನ್ ಮಾಡಿ.

ಪ್ರಮುಖ ಸೂಚನೆ: ತಿಳಿಯದೇ ಹೊಸ ಖಾತೆಯನ್ನು ರಚಿಸದಂತೆ ಗಮನವಿರಲಿ.

ಹಳೆಯ ಖಾತೆಯ ಬದಲು ಹೊಸದಾದ ಖಾಲಿ ಪ್ರೊಫೈಲ್ ಕಾಣಿಸುತ್ತಿದೆಯೇ?

ಸಾಮಾನ್ಯವಾಗಿ ಈ ಕೆಳಗಿನ ಕಾರಣಗಳಿಂದಾಗಿ ಹೀಗಾಗಬಹುದು:

• ನೀವು ಬೇರೆ ಇಮೇಲ್ ಅಥವಾ ಫೇಸ್‌ಬುಕ್ ಖಾತೆಯನ್ನು ಬಳಸಿ ಲಾಗಿನ್ ಮಾಡಲು ಪ್ರಯತ್ನಿಸುತ್ತಿರಬಹುದು.

• ತಿಳಿಯದೇ ಹೊಸ ಖಾತೆಯೊಂದು ಸೃಷ್ಟಿಯಾಗಿರಬಹುದು.

ಇದನ್ನು ಸರಿಪಡಿಸಲು, ದಯವಿಟ್ಟು ಪ್ರಸ್ತುತ ಖಾತೆಯಿಂದ ಸೈನ್ ಔಟ್ ಆಗಿ ಮತ್ತು ನಿಮ್ಮ ಹಳೆಯ ಇಮೇಲ್ ಐಡಿಗಳು ಅಥವಾ ಸೋಶಿಯಲ್ ಮೀಡಿಯಾ ಖಾತೆಗಳನ್ನು ಬಳಸಿ ಮತ್ತೊಮ್ಮೆ ಲಾಗಿನ್ ಮಾಡಲು ಪ್ರಯತ್ನಿಸಿ.

ನಿಮ್ಮ ಹಳೆಯ ಪ್ರೊಫೈಲ್‌ನ ಲಾಗಿನ್ ವಿವರಗಳು ಮರೆತುಹೋಗಿವೆಯೇ?

ಹಳೆಯ ಪ್ರೊಫೈಲ್ ಲಾಗಿನ್ ವಿವರಗಳು ನೆನಪಿಲ್ಲದಿದ್ದರೆ, ದಯವಿಟ್ಟು ನಮ್ಮ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ ಮತ್ತು ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದು ವಿವರವನ್ನು ಹಂಚಿಕೊಳ್ಳಿ:

• ನಿಮ್ಮ ಹೆಸರನ್ನು ಸರ್ಚ್ ಮಾಡುವ ಮೂಲಕ ಪತ್ತೆಹಚ್ಚಿದ ನಿಮ್ಮ ಹಳೆಯ ಪ್ರತಿಲಿಪಿ ಪ್ರೊಫೈಲ್ ಲಿಂಕ್.

• ನಿಮ್ಮ ಹಳೆಯ ಪ್ರೊಫೈಲ್‌ನಿಂದ ನೀವು ಈ ಹಿಂದೆ ಮಾಡಿದ್ದ ಯಾವುದೇ ಪಾವತಿಯ ಸ್ಕ್ರೀನ್‌ಶಾಟ್.

ಇದು ನಿಮ್ಮ ಖಾತೆಯನ್ನು ತ್ವರಿತವಾಗಿ ಪತ್ತೆಹಚ್ಚಲು ಮತ್ತು ಮರುಪಡೆಯಲು ನಮಗೆ ಸಹಾಯ ಮಾಡುತ್ತದೆ. ನಿಮ್ಮ ಖಾತೆಯನ್ನು ಆದಷ್ಟು ಬೇಗ ಮರಳಿ ನೀಡಲು ನಾವು ನಿಮಗೆ ಸಹಾಯ ಮಾಡುತ್ತೇವೆ.