ಪ್ರತಿಲಿಪಿ ಪ್ರೀಮಿಯಂ ಅನ್ನು ಮೊದಲ ಬಾರಿಗೆ ಬಳಸುತ್ತಿದ್ದೀರಾ? ಹಾಗಿದ್ದರೆ ಉಚಿತ ಟ್ರಯಲ್ ಮತ್ತು ಪಾವತಿ ಪ್ರಕ್ರಿಯೆ ಹೇಗೆ ಕೆಲಸ ಮಾಡುತ್ತದೆ ಎಂಬುದರ ಸಂಪೂರ್ಣ ವಿವರ ಇಲ್ಲಿದೆ.

ಪ್ರತಿಲಿಪಿ ಉಚಿತ ಟ್ರಯಲ್ ಎಂದರೇನು?

ಮೊದಲ ಬಾರಿಗೆ ಪ್ರೀಮಿಯಂ ಬಳಸುವ ಅರ್ಹ ಬಳಕೆದಾರರಿಗೆ, ನಿಯಮಿತ ಚಂದಾದಾರಿಕೆ ಶುಲ್ಕ ಪ್ರಾರಂಭವಾಗುವ ಮುನ್ನವೇ ಸೀಮಿತ ಅವಧಿಗೆ ಪ್ರೀಮಿಯಂ ಪ್ರಯೋಜನಗಳನ್ನು ಉಚಿತವಾಗಿ ಆನಂದಿಸಲು ಈ ಫ್ರೀ ಟ್ರಯಲ್ ಸಹಾಯ ಮಾಡುತ್ತದೆ.

ಉಚಿತ ಟ್ರಯಲ್ ಅವಧಿಯಲ್ಲಿ ನೀವು:

• ಪ್ರತಿಲಿಪಿಯಲ್ಲಿರುವ ಎಲ್ಲಾ ಪ್ರೀಮಿಯಂ ಕಥೆಗಳನ್ನು ತಡೆರಹಿತವಾಗಿ ಓದಬಹುದು.

• ಯಾವುದೇ ಜಾಹೀರಾತುಗಳ ಅಡಚಣೆಯಿಲ್ಲದೇ ಓದುವ ಅನುಭವ ಪಡೆಯಬಹುದು.

• ನಿಮ್ಮ ಯೋಜನೆಯಲ್ಲಿ ಸೇರ್ಪಡೆಯಾಗಿರುವ ಪ್ರೀಮಿಯಂ ಸೌಲಭ್ಯಗಳನ್ನು ಬಳಸಬಹುದು.

ನಿಜವಾದ ಚಂದಾದಾರಿಕೆ ಶುಲ್ಕ ಯಾವಾಗ ಕಡಿತವಾಗುತ್ತದೆ?

ನಿಮ್ಮ ಉಚಿತ ಟ್ರಯಲ್ ಅವಧಿ ಮುಗಿದ ತಕ್ಷಣ, ನಿಮ್ಮ ಚಂದಾದಾರಿಕೆಯು ಸ್ವಯಂಚಾಲಿತವಾಗಿ ನವೀಕರಣಗೊಳ್ಳುತ್ತದೆ. ನೀವು ನವೀಕರಣ ದಿನಾಂಕಕ್ಕಿಂತ ಮುಂಚಿತವಾಗಿ ಆಟೋ-ಪೇ ರದ್ದುಗೊಳಿಸದಿದ್ದರೆ, ಚಂದಾದಾರಿಕೆಯ ಮೊತ್ತವನ್ನು ಆಟೋ-ಪೇ ಮೂಲಕ ಸ್ವಯಂಚಾಲಿತವಾಗಿ ಕಡಿತಗೊಳಿಸಲಾಗುತ್ತದೆ.

ನಿಮ್ಮ ನವೀಕರಣ ದಿನಾಂಕವನ್ನು ನೀವು ಯಾವಾಗ ಬೇಕಾದರೂ ಇಲ್ಲಿ ಪರಿಶೀಲಿಸಬಹುದು:

ಪ್ರೊಫೈಲ್ → ಸಕ್ರಿಯ ಸಬ್ಸ್ಕ್ರಿಪ್ಷನ್ ಗಳು

ಸ್ವಯಂಚಾಲಿತ ನವೀಕರಣವನ್ನು ನಿಲ್ಲಿಸುವುದು ಹೇಗೆ?

ನವೀಕರಣ ದಿನಾಂಕಕ್ಕಿಂತ ಮುಂಚಿತವಾಗಿ ನೀವು ಯಾವಾಗ ಬೇಕಾದರೂ ಆಟೋ-ಪೇ ಅನ್ನು ರದ್ದುಗೊಳಿಸಬಹುದು.

ಆಟೋ-ಪೇ ರದ್ದುಗೊಳಿಸುವುದರಿಂದ:

• ಮುಂದಿನ ಸ್ವಯಂಚಾಲಿತ ಪಾವತಿಗಳು ನಿಲ್ಲುತ್ತವೆ.

• ನಿಮ್ಮ ಪ್ರಸ್ತುತ ಉಚಿತ ಟ್ರಯಲ್ ಅಥವಾ ಚಂದಾದಾರಿಕೆಯು ತಕ್ಷಣವೇ ನಿಲ್ಲುವುದಿಲ್ಲ.

• ನಿಮ್ಮ ಪ್ರಸ್ತುತ ವ್ಯಾಲಿಡಿಟಿ ಅವಧಿ ಮುಗಿಯುವವರೆಗೆ ಪ್ರೀಮಿಯಂ ಪ್ರಯೋಜನಗಳು ಮುಂದುವರಿಯುತ್ತವೆ.

ಪಾವತಿಯ ಸಮಯದಲ್ಲಿ ಸಂಪೂರ್ಣ ಮೊತ್ತ ಏಕೆ ಕಾಣಿಸುತ್ತಿದೆ?

ಕೆಲವೊಮ್ಮೆ ಆಟೋ-ಪೇ ಅಪ್ರೂವಲ್ ಸ್ಕ್ರೀನ್‌ನಲ್ಲಿ ಸಂಪೂರ್ಣ ಚಂದಾದಾರಿಕೆ ಮೊತ್ತವು ಕಾಣಿಸಬಹುದು. ಇದು ಕೇವಲ ಮುಂದಿನ ನವೀಕರಣಗಳಿಗಾಗಿ ಪಡೆಯಲಾಗುವ ಅನುಮತಿಯ ಸಂದೇಶವಾಗಿರುತ್ತದೆ. 

ತಕ್ಷಣವೇ ಕಡಿತವಾಗುವ ನಿಖರವಾದ ಮೊತ್ತವನ್ನು ಯಾವಾಗಲೂ ಈ ಕೆಳಗಿನ ವಿಭಾಗಗಳಲ್ಲಿ ಪ್ರತ್ಯೇಕವಾಗಿ ತೋರಿಸಲಾಗುತ್ತದೆ:

• ಮೊದಲ ಪಾವತಿ 

• ಈಗ ಪಾವತಿಸಬೇಕಾದ ಮೊತ್ತ
  
  ಪಾವತಿಯನ್ನು ಖಚಿತಪಡಿಸುವ ಮುನ್ನ ದಯವಿಟ್ಟು ಈ ವಿಭಾಗಗಳನ್ನು ಸೂಕ್ಷ್ಮವಾಗಿ ಪರಿಶೀಲಿಸಿ.

ನೆನಪಿನಲ್ಲಿಡಬೇಕಾದ ಪ್ರಮುಖ ವಿಷಯಗಳು

• ಉಚಿತ ಟ್ರಯಲ್ ಕೊಡುಗೆಗಳು ಸಾಮಾನ್ಯವಾಗಿ ಮೊದಲ ಬಾರಿಗೆ ಸೈನ್-ಅಪ್ ಮಾಡುವ ಅರ್ಹ ಬಳಕೆದಾರರಿಗೆ ಮಾತ್ರ ಲಭ್ಯವಿರುತ್ತವೆ.

• ಲಭ್ಯವಿರುವ ಯೋಜನೆಗಳುಮತ್ತು ಪಾವತಿ ವಿಧಾನಗಳು ನಿಮ್ಮ ಖಾತೆ, ಕೊಡುಗೆ ಅಥವಾ ಪಾವತಿಯ ಪ್ರಕಾರಕ್ಕೆ ಅನುಗುಣವಾಗಿ ಬದಲಾಗಬಹುದು.

• ಕೂಪನ್‌ಗಳು ಮತ್ತು ಆಫರ್‌ಗಳು ಎಲ್ಲಾ ಪಾವತಿ ವಿಧಾನಗಳಿಗೆ ಅನ್ವಯಿಸದಿರಬಹುದು.

• ಕೊನೆಯ ಹಂತದಲ್ಲಿ ಪಾವತಿ ವಿಧಾನವನ್ನು ಬದಲಾಯಿಸುವುದರಿಂದ ಆಫರ್ ಅಥವಾ ಉಚಿತ ಟ್ರಯಲ್ ರದ್ದಾಗುವ ಸಾಧ್ಯತೆ ಇರುತ್ತದೆ.

ಸಹಾಯ ಬೇಕೇ?

ಉಚಿತ ಟ್ರಯಲ್ ಪ್ರಕ್ರಿಯೆಯಲ್ಲಿ ನಿಮಗೆ ಯಾವುದೇ ಅನಿರೀಕ್ಷಿತ ಶುಲ್ಕ ಕಡಿತವಾಗಿದ್ದರೆ ಅಥವಾ ಸಮಸ್ಯೆ ಎದುರಾಗಿದ್ದರೆ, ದಯವಿಟ್ಟು ಕೆಳಗಿನ ವಿವರಗಳೊಂದಿಗೆ ನಮ್ಮ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ:

• ಪಾವತಿಯ ಸ್ಕ್ರೀನ್‌ಶಾಟ್

• ಟ್ರಾನ್ಸಾಕ್ಷನ್ ಐಡಿ / ಆರ್ಡರ್ ಐಡಿ

• ಪಾವತಿ ಮಾಡಿದ ದಿನಾಂಕ ಮತ್ತು ಸಮಯ

ನಿಮ್ಮ ಸಮಸ್ಯೆಯನ್ನು ಆದಷ್ಟು ಶೀಘ್ರದಲ್ಲಿ ಪರಿಹರಿಸಲು ನಾವು ಪ್ರಯತ್ನಿಸುತ್ತೇವೆ.