ಪ್ರತಿಲಿಪಿ ಖಾತೆಯನ್ನು ನಿಷ್ಕ್ರಿಯಗೊಳಿಸುವುದು ಅಥವಾ ಅಳಿಸುವುದು ಹೇಗೆ?
ನೀವು ನಮ್ಮನ್ನು ಅಗಲಿ ಹೋಗುತ್ತಿರುವುದು ನಮಗೆ ಬೇಸರದ ಸಂಗತಿ, ಆದರೂ ನಿಮ್ಮ ನಿರ್ಧಾರವನ್ನು ನಾವು ಗೌರವಿಸುತ್ತೇವೆ! ನೀವು ಬರವಣಿಗೆಯಿಂದ ವಿರಾಮ ಪಡೆಯಲು ಬಯಸಿದರೆ ಅಥವಾ ನಿಮ್ಮ ಪ್ರತಿಲಿಪಿ ಖಾತೆಯನ್ನು ಶಾಶ್ವತವಾಗಿ ಅಳಿಸಲು ನಿರ್ಧರಿಸಿದ್ದರೆ, ಅದಕ್ಕೆ ಅನುಸಾರಿಸಬೇಕಾದ ಕ್ರಮಗಳನ್ನು ಇಲ್ಲಿ ವಿವರಿಸಲಾಗಿದೆ.
ಹಂತ 1: ಸೆಟ್ಟಿಂಗ್ಸ್ ಮೆನು ಪತ್ತೆಹಚ್ಚಿ
ಪ್ರತಿಲಿಪಿ ಆ್ಯಪ್ ತೆರೆಯಿರಿ ಮತ್ತು ನಿಮ್ಮ ಪ್ರೊಫೈಲ್ ಪುಟಕ್ಕೆ ಹೋಗಿ.
ಮೇಲಿನ ಬಲ ಮೂಲೆಯಲ್ಲಿರುವ ಸೆಟ್ಟಿಂಗ್ಸ್ ಚಿಹ್ನೆಯ ಮೇಲೆ ಕ್ಲಿಕ್ ಮಾಡಿ.
ಕೆಳಕ್ಕೆ ಸ್ಕ್ರಾಲ್ ಮಾಡಿ ಮತ್ತು ಖಾತೆ ಆಯ್ಕೆಯನ್ನು ಆರಿಸಿ.
ಹಂತ 2: ನಿಮ್ಮ ಆಯ್ಕೆಯನ್ನು ನಿರ್ಧರಿಸಿ
ಖಾತೆ ಸೆಟ್ಟಿಂಗ್ಸ್ನಲ್ಲಿ ನಿಮಗೆ 'ಖಾತೆಯನ್ನು ನಿಷ್ಕ್ರಿಯಗೊಳಿಸಿ' ಅಥವಾ 'ಖಾತೆಯನ್ನು ಅಳಿಸಿ' ಎಂಬ ಆಯ್ಕೆಗಳು ಕಾಣಿಸುತ್ತವೆ.
ನಿಷ್ಕ್ರಿಯಗೊಳಿಸಿದರೆ ಏನಾಗುತ್ತದೆ?ಇದು ಕೇವಲ ತಾತ್ಕಾಲಿಕ ವಿರಾಮದಂತೆ. ನಿಮ್ಮ ಪ್ರೊಫೈಲ್, ಕಥೆಗಳು ಮತ್ತು ಕಾಮೆಂಟ್ಗಳು ಇತರ ಬಳಕೆದಾರರಿಗೆ ಕಾಣಿಸುವುದಿಲ್ಲ. ಆದರೆ ಚಿಂತಿಸಬೇಡಿ—ನೀವು ಯಾವಾಗಲಾದರೂ ಪುನಃ ನಿಮ್ಮ ನೋಂದಾಯಿತ ಇಮೇಲ್ ವಿಳಾಸದ ಮೂಲಕ ಇನ್ ಆದ ತಕ್ಷಣ ನಿಮ್ಮೆಲ್ಲಾ ಮಾಹಿತಿ ಮತ್ತು ಕಥೆಗಳು ಲಭ್ಯವಿರುತ್ತವೆ!
ಅಳಿಸಿದರೆ ಏನಾಗುತ್ತದೆ?ಇದು ಶಾಶ್ವತವಾದ ಕ್ರಮವಾಗಿದೆ. ನಿಮ್ಮ ಖಾತೆಯನ್ನು ಅಳಿಸಿದರೆ, ನಮ್ಮ ಎಲ್ಲಾ ಆ್ಯಪ್ಗಳಿಂದ (ಲಿಟರೇಚರ್, ಕಾಮಿಕ್ಸ್ ಮತ್ತು ಎಫ್ಎಂ) ನಿಮ್ಮ ಡೇಟಾ, ಕಥೆಗಳು ಮತ್ತು ಹಿಸ್ಟರಿಯನ್ನು ಸಂಪೂರ್ಣವಾಗಿ ತೆಗೆದುಹಾಕಲಾಗುತ್ತದೆ.
ಹಂತ 3: ಖಚಿತಪಡಿಸಿ ಮತ್ತು ನಿರ್ಗಮಿಸಿ
ನೀವು 'ನಿಷ್ಕ್ರಿಯಗೊಳಿಸಿ' ಅಥವಾ 'ಅಳಿಸಿ' ಬಟನ್ ಒತ್ತಿದಾಗ, ಭದ್ರತಾ ಕಾರಣಗಳಿಗಾಗಿ ನಿಮ್ಮ ಪಾಸ್ವರ್ಡ್ ಅನ್ನು ಮತ್ತೊಮ್ಮೆ ನಮೂದಿಸಲು ಕೇಳಬಹುದು. ನೀವು ಖಚಿತಪಡಿಸಿದ ನಂತರ, ನಮ್ಮ ಸ್ವಯಂಚಾಲಿತ ವ್ಯವಸ್ಥೆಯು ಬಾಕಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುತ್ತದೆ. ಪ್ರಕ್ರಿಯೆ ಮುಗಿದ ನಂತರ ನಿಮಗೆ ದೃಢೀಕರಣದ ಇಮೇಲ್ ಬರುತ್ತದೆ.
ಪ್ರಮುಖ ಸೂಚನೆ: ನೀವು ಪ್ರೀಮಿಯಂ ಚಂದಾದಾರಿಕೆ ಹೊಂದಿದ್ದರೆ, ದಯವಿಟ್ಟು ಮೊದಲು ಗೂಗಲ್ ಪ್ಲೇ ಸ್ಟೋರ್ ಅಥವಾ
ಆ್ಯಪಲ್ ಆ್ಯಪ್ ಸ್ಟೋರ್ ಮೂಲಕ ಅದನ್ನು ರದ್ದುಗೊಳಿಸಿ. ಇಲ್ಲದಿದ್ದರೆ ನಿಮ್ಮ ಪ್ರೊಫೈಲ್ ನಿಷ್ಕ್ರಿಯಗೊಂಡರೂ ನಿಮ್ಮ ಬ್ಯಾಂಕ್ ಖಾತೆಯಿಂದ ಹಣ ಕಡಿತವಾಗುವ ಸಾಧ್ಯತೆ ಇರುತ್ತದೆ.