ಪ್ರತಿಲಿಪಿಯಿಂದ ವಿರಾಮ ಪಡೆಯಬೇಕೆ? ಸರಿಯಾದ ಆಯ್ಕೆಯನ್ನು ಆರಿಸಿಕೊಳ್ಳಿ

ನೀವು ಪ್ರತಿಲಿಪಿಯಿಂದ ಸ್ವಲ್ಪ ಕಾಲ ದೂರವಿರಲು ಯೋಚಿಸುತ್ತಿದ್ದೀರಾ? ನೀವು ಎಷ್ಟು ಸಮಯದವರೆಗೆ ವಿರಾಮ ಪಡೆಯಲು ಬಯಸುತ್ತೀರಿ ಎಂಬುದರ ಆಧಾರದ ಮೇಲೆ ನಮ್ಮಲ್ಲಿ ಎರಡು ಆಯ್ಕೆಗಳಿವೆ: ನಿಷ್ಕ್ರಿಯಗೊಳಿಸುವುದು  ಮತ್ತು ಅಳಿಸುವುದು. 

ಇವೆರಡರ ನಡುವಿನ ಪ್ರಮುಖ ವ್ಯತ್ಯಾಸಗಳು ಇಲ್ಲಿವೆ:

1. ಖಾತೆಯನ್ನು ನಿಷ್ಕ್ರಿಯಗೊಳಿಸುವುದು - ( "ವಿರಾಮದ ಆಯ್ಕೆ")

ನೀವು ಕೇವಲ ತಾತ್ಕಾಲಿಕವಾಗಿ ವಿರಾಮ ಪಡೆಯಲು ಬಯಸಿದರೆ ಈ ಆಯ್ಕೆಯು ಸೂಕ್ತವಾಗಿದೆ.

• ಏನಾಗುತ್ತದೆ?: ನಿಮ್ಮ ಪ್ರೊಫೈಲ್, ಕಥೆಗಳು ಮತ್ತು ಕಾಮೆಂಟ್‌ಗಳು ಇತರ ಬಳಕೆದಾರರಿಗೆ ಕಾಣಿಸುವುದಿಲ್ಲ. ನೀವು ಪ್ಲಾಟ್‌ಫಾರ್ಮ್‌ನಲ್ಲಿ ಇಲ್ಲದಂತೆ ಇದು ತೋರುತ್ತದೆ.

• ಇದು ಶಾಶ್ವತವೇ?: ಇಲ್ಲ! ನಿಮ್ಮ ಎಲ್ಲಾ ಮಾಹಿತಿಯನ್ನು ನಾವು ಸುರಕ್ಷಿತವಾಗಿಟ್ಟಿರುತ್ತೇವೆ. ನೀವು ಯಾವಾಗ ಮರಳಿ ಬರಲು ಬಯಸುತ್ತೀರೋ, ಆಗ ನಿಮ್ಮ ಇಮೇಲ್ ಮತ್ತು ಪಾಸ್‌ವರ್ಡ್ ಬಳಸಿ ಲಾಗ್ ಇನ್ ಆದರೆ ಸಾಕು; ನಿಮ್ಮ ಪ್ರೊಫೈಲ್ ನ ಎಲ್ಲ ಅಂಶಗಳೂ ಲಭ್ಯವಾಗುತ್ತವೆ. 

2. ಖಾತೆಯನ್ನು ಅಳಿಸುವುದು  - ("ಶಾಶ್ವತ ವಿದಾಯ")

ನೀವು ಪ್ರತಿಲಿಪಿಯನ್ನು ಸಂಪೂರ್ಣವಾಗಿ ತೊರೆಯಲು ನಿರ್ಧರಿಸಿದ್ದರೆ ಮತ್ತು ಮರಳಿ ಬರುವ ಉದ್ದೇಶವಿಲ್ಲದಿದ್ದರೆ ಮಾತ್ರ ಈ ಆಯ್ಕೆಯನ್ನು ಬಳಸಿ.

• ಏನಾಗುತ್ತದೆ?: ನೀವು ಖಾತೆ ಅಳಿಸಲು ವಿನಂತಿಸಿದ ತಕ್ಷಣ, ನಿಮ್ಮ ಎಲ್ಲಾ ಸಾಧನಗಳಿಂದ ಖಾತೆಯು ಲಾಗ್ ಔಟ್ ಆಗುತ್ತದೆ ಮತ್ತು ನಿಮ್ಮ ಪ್ರೊಫೈಲ್ ಅನ್ನು ಮರೆಮಾಡಲಾಗುತ್ತದೆ.

• 7 ದಿನಗಳ ಕಾಲಾವಕಾಶ : ಆಕಸ್ಮಿಕವಾಗಿ ಈ ನಿರ್ಧಾರ ತೆಗೆದುಕೊಂಡಿದ್ದರೆ ಬದಲಾಯಿಸಿಕೊಳ್ಳಲು ನಾವು ನಿಮಗೆ 7 ದಿನಗಳ ಕಾಲಾವಕಾಶ ನೀಡುತ್ತೇವೆ. ಈ ಅವಧಿಯಲ್ಲಿ ನೀವು ಮತ್ತೆ ಲಾಗ್ ಇನ್ ಆದಲ್ಲಿ, ನಿಮ್ಮ ಖಾತೆ ಅಳಿಸುವಿಕೆಯ ವಿನಂತಿಯು ರದ್ದಾಗುತ್ತದೆ.

• ಇದು ಶಾಶ್ವತವೇ?: ಹೌದು. 7 ದಿನಗಳ ನಂತರ, ನಮ್ಮ ವ್ಯವಸ್ಥೆಯು ನಿಮ್ಮ ಇತಿಹಾಸ, ಲೈಬ್ರರಿ, ಕಾಯಿನ್‌ಗಳು ಮತ್ತು ಕಥೆಗಳನ್ನು ನಮ್ಮ ಎಲ್ಲಾ ಆ್ಯಪ್‌ಗಳಿಂದ ಶಾಶ್ವತವಾಗಿ ಅಳಿಸಿಹಾಕುತ್ತದೆ. ಒಮ್ಮೆ ಇದು ಪೂರ್ಣಗೊಂಡರೆ, ಅದನ್ನು ಮರಳಿ ಪಡೆಯಲು ಸಾಧ್ಯವೇ ಇಲ್ಲ!

ಗೊಂದಲವಿದೆಯೇ?: ಒಂದು ವೇಳೆ ನೀವು ಇನ್ನೂ ನಿರ್ಧಾರ ಮಾಡಲಾಗದಿದ್ದರೆ, ಮೊದಲು 'ನಿಷ್ಕ್ರಿಯ'ಗೊಳಿಸುವ ಆಯ್ಕೆಯನ್ನು ಬಳಸಲು ನಾವು ಶಿಫಾರಸು ಮಾಡುತ್ತೇವೆ. ಇದರಿಂದ ನಿಮ್ಮ ನೆಚ್ಚಿನ ಕಥೆಗಳು ಮತ್ತು ಬರವಣಿಗೆ ಸುರಕ್ಷಿತವಾಗಿರುತ್ತದೆ!