ಪ್ರತಿಲಿಪಿಯಲ್ಲಿ ನಿಮ್ಮ ಗಳಿಕೆಯನ್ನು ಪಡೆಯಲು ಬ್ಯಾಂಕ್ ವಿವರಗಳನ್ನು ನೋಂದಾಯಿಸಲು ದಯವಿಟ್ಟು ಕೆಳಗಿನ ವಿಧಾನಗಳನ್ನು ಅನುಸರಿಸಿ :
ಬ್ಯಾಂಕ್ ಖಾತೆಯ ವಿವರಗಳನ್ನು ಸೇರಿಸುವ ವಿಧಾನ:
- ಪ್ರತಿಲಿಪಿ ಆ್ಯಪ್ ತೆರೆಯಿರಿ.
- ನಿಮ್ಮ ಪ್ರೊಫೈಲ್ ವಿಭಾಗಕ್ಕೆ ಹೋಗಿ
- 'ನನ್ನ ಸಂಪಾದನೆ' ವಿಭಾಗವನ್ನು ತೆರೆಯಿರಿ.
- 'ಬ್ಯಾಂಕ್ ಖಾತೆಯ ವಿವರಗಳು' ಅಥವಾ 'ಪಾವತಿ ವಿವರಗಳು' ಮೇಲೆ ಟ್ಯಾಪ್ ಮಾಡಿ.
- ಈ ಕೆಳಗಿನ ವಿವರಗಳನ್ನು ಅಪ್ಡೇಟ್ ಮಾಡಿ:
ಬ್ಯಾಂಕ್ ಖಾತೆ ಸಂಖ್ಯೆ
ಐಎಫ್ಎಸ್ಸಿ ಕೋಡ್
ಖಾತೆದಾರರ ಹೆಸರು
ವಿವರಗಳನ್ನು ಅಪ್ಡೇಟ್ ಮಾಡಿದ ನಂತರ ಸಂರಕ್ಷಿಸಿ.
ವಿವರಗಳನ್ನು ಸಂರಕ್ಷಿಸುವ ಮಾಡುವ ಮುನ್ನ ದಯವಿಟ್ಟು ಎಲ್ಲವನ್ನೂ ಮತ್ತೊಮ್ಮೆ ಎಚ್ಚರಿಕೆಯಿಂದ ಪರಿಶೀಲಿಸಿ.
ನೆನಪಿನಲ್ಲಿಡಬೇಕಾದ ಪ್ರಮುಖ ವಿಷಯಗಳು
ಬ್ಯಾಂಕ್ ವಿವರಗಳನ್ನು ಸೇರಿಸಲು ನಿಮ್ಮ ಸಂಪಾದನೆ ಕನಿಷ್ಠ ₹50 ಇರಬೇಕು.
ನಿಮ್ಮ ಬ್ಯಾಂಕ್ ಪಾಸ್ಬುಕ್, ಚೆಕ್ ಬುಕ್ ಅಥವಾ ಬ್ಯಾಂಕ್ ಸ್ಟೇಟ್ಮೆಂಟ್ ನೋಡಿ ನಿಖರವಾದ ವಿವರಗಳನ್ನು ನಮೂದಿಸುವುದನ್ನು ಖಚಿತಪಡಿಸಿಕೊಳ್ಳಿ.
ತಪ್ಪು ವಿವರಗಳನ್ನು ನೀಡಿದ್ದಲ್ಲಿ ನಿಮ್ಮ ಪಾವತಿ ಪ್ರಕ್ರಿಯೆಯು ವಿಳಂಬವಾಗಬಹುದು ಅಥವಾ ವಿಫಲವಾಗಬಹುದು.
ನವೀಕರಿಸಿದ ವಿವರಗಳು ಯಾವಾಗ ಬಳಕೆಯಾಗುತ್ತವೆ?
- ಅಪ್ಡೇಟ್ ಮಾಡಲಾದ ಬ್ಯಾಂಕ್ ವಿವರಗಳನ್ನು ಸಾಮಾನ್ಯವಾಗಿ ಮುಂದಿನ ಪಾವತಿ ಚಕ್ರಕ್ಕೆ ಮಾತ್ರ ಪರಿಗಣಿಸಲಾಗುತ್ತದೆ.
- ಪಾವತಿ ಪ್ರಕ್ರಿಯೆಯನ್ನು ಸಾಮಾನ್ಯವಾಗಿ ಪ್ರತಿ ತಿಂಗಳ 10 ನೇ ತಾರೀಖಿನೊಳಗೆ ಪೂರ್ಣಗೊಳಿಸಲಾಗುತ್ತದೆ.
- ಪಾವತಿ ಪ್ರಕ್ರಿಯೆ ಪ್ರಾರಂಭವಾದ ನಂತರ ನೀವು ಮಾಡುವ ಬದಲಾವಣೆಗಳು ಮುಂದಿನ ತಿಂಗಳ ಪಾವತಿ ಚಕ್ರದಲ್ಲಿ ಪ್ರತಿಫಲಿಸಬಹುದು.
ಈ ಹಿಂದೆ ಈಗಾಗಲೇ ಬ್ಯಾಂಕ್ ವಿವರಗಳನ್ನು ಸೇರಿಸಿದ್ದೀರಾ?
ನೀವು ಈಗಾಗಲೇ ಬ್ಯಾಂಕ್ ವಿವರಗಳನ್ನು ಸೇರಿಸಿದ್ದು, ಈಗ ಅವುಗಳನ್ನು ಬದಲಾಯಿಸಲು ಬಯಸಿದರೆ, ದಯವಿಟ್ಟು ನಮ್ಮ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ. ನಮ್ಮ ತಂಡವು 24 ರಿಂದ 48 ಗಂಟೆಗಳ ಒಳಗಾಗಿ ನಿಮ್ಮ ಬ್ಯಾಂಕ್ ವಿವರಗಳನ್ನು ಎಡಿಟ್ ಮಾಡುವ ಆಯ್ಕೆಯನ್ನು ಸಕ್ರಿಯಗೊಳಿಸುತ್ತದೆ.
ಬ್ಯಾಂಕ್ ವಿವರಗಳನ್ನು ಅಪ್ಡೇಟ್ ಮಾಡಲು ಸಾಧ್ಯವಾಗುತ್ತಿಲ್ಲವೇ?
ನಿಮ್ಮ ಬ್ಯಾಂಕ್ ವಿವರಗಳನ್ನು ಅಪ್ಡೇಟ್ ಮಾಡುವಾಗ ಯಾವುದೇ ಸಮಸ್ಯೆ ಎದುರಾದರೆ, ದಯವಿಟ್ಟು ಸಮಸ್ಯೆಯ ಸ್ಕ್ರೀನ್ಶಾಟ್ನೊಂದಿಗೆ (ಸಾಧ್ಯವಾದರೆ) ನಮ್ಮ ಗ್ರಾಹಕ ಸೇವಾ ತಂಡವನ್ನು ಸಂಪರ್ಕಿಸಿ.
ನಿಮಗೆ ಮುಂದಿನ ಸಹಾಯವನ್ನು ನೀಡಲು ಪ್ರಯತ್ನಿಸುತ್ತೇವೆ.